1 Corintios 4:10 - Nuevo Testamento Toba Sur

¹⁰ Qaq qomi' qaÿamata'aque da qaica ca saÿajnaq, souaxat da soqolaqtague' so Cristo, qalaq qami' qanamachiitala't da qami' ÿajnaxanaxaiqa so Cristo. Qomi' qaica ca qad'añaxac, qalaq qami' qanamachiitala't da qami' 'añaxaiqa. Na shiÿaxauapi qomi' n'otanguilo, qalaq qami' ÿataqta huo'o naq 'enec qanqoÿin.

Nuevo Testamento Toba Sombrero Negro

¹⁰ Qo'mi, queda'me qolaĝague ñe'me Jesús, ena'am ta'le qo'mi chiyoĝo's, ami qamqa'me ami yatenaĝanaĝayaqa queda'me oquiyegue ñe'me Jesús; qaya'te qat'añaĝac qalaĝaja ami qamqa'me ami 'uañaĝayaqa; ami qo'nonaĝachiguilo nale, qalaĝaja qo'mi qamqa'me qo'mi qo'yota'tape nale.

La'aqtaqa Ñim Lo'onatac 'Enauacna 2013

¹⁰ Qaq qomi' souaxat da salaxasoxoguet So Cristo, nache na shiỹaxauapi qomi' ỹamata'aque da qaica ca saỹaanaqpec, qalaxaye qami' chegoqchigui da lqouagaxanaqtaic So Cristo, nache qami' qaỹamata'aque da qami' ỹaanaxanaxaiqa. Qomi' qaica ca qara'añaxac, qami' qalaq qami', 'añaxaiqa. Na shiỹaxauapi qomi' no'otanguilo, qaq qami' qalaq ỹataqta huo'o naq 'enec qanqa'en.

1 Corintios 4:10 Referans Kwoze

1 Corintios 2:3

Co'ollaq qami' ñachattaiguilo, qalaq qaica ca i'añaxac qataq yiviloxolaqchit da icolanaxa.

Hechos 26:24

Qaq co'ollaq 'enapec de'eda so Pablo, nachi so Festo 'enapeco': –¡Ÿoqta huo'o da 'oic, 'am Pablo! Souaxat da ÿapacteec da 'anapaxaguenaxac, nachi 'am n'aqchit.

Hechos 17:18

Qaq huo'o nam shiÿaxauapi mayi napaxagueetega da lapaxaguenataxanaxac nam l'enaxat epicúreos, qataq nam napaxagueetega da lapaxaguenataxanaxac nam l'enaxat estoicos, nachi namayipi n'aqtaxaatague' somayi. Nachi namayipi huo'o na 'eeta': –¿Négue't da qomi' i'axattapeguema dam da' shiÿaxaua? yi ÿapacteec da ltaxaÿaxac. Qataq huo'o na 'eeta': –Damayi 'eeta'am da i'axattapeguec cam lÿa nnatac. Qaq qoÿiitec de'eda, cha'ayi so Pablo i'axattac dam no'on qad'axaÿaxac mayi n'aqtaguec so Jesús qataq da 'eetec da qaltaq nca'aleec ca shiÿaxaua.

1 Pedro 4:14

Da huo'otaq qami' qaishiueeta'pe souaxat so Cristo, qalaq ÿataqta qami' machiyiñi, cha'ayi som qaica ca 'en'am da lli'oxoyic n'Espíritu ñi Dios qami' hueta'agueta. Namayipi ÿataqta sa iyacnapec da detaxaÿa so Cristo, qalaxayi qami' ÿataqta qavi'oxoyiñi somayi.

2 Corintios 13:9

Qaq ÿoqo'oyi qomi' ÿataqta samaqchiguiñi da huo'otaq qaica ca qad'añaxac, lamaaxa da ÿataqta qami' 'añaxaiqa. Qaq soqolaqtot da ñoqouagaxaunaqtac, yaqto' qami' ishit da ÿataqta qanaloichiguiñi.

1 Corintios 3:18

Qaica qome ca natenachittapeguela't. Da huo'o ca ipettega da ÿaÿaten da lliquiaxac na naÿajnec mayi lma'na, camayi no'on da nacoola't da qaica ca ÿaÿaten, yaqto' ÿataqta 'eesa da ÿajnaxanaxaic.

1 Ts 4:8

Qaq ÿoqo'oyi ca n'otane' de'eda napaxaguenataxanaxac, camayi sa ishit da i'otan ca chochi shiÿaxaua deto. Cha'ayi nachiñi ñi Dios i'otan, ñim qomi' ÿanema so Espíritu Santo.

2 Corintios 11:29

Qataq da huo'o ca qaica ca l'añaxac, nachi aÿim nataq'en 'eeta'am da qaica ca i'añaxac. Da huo'otaq huo'o ca huañi qanqoÿin, qalaq aÿim huo'o da ñique'etaxangui da icoxo qataq da ÿalemataic.

2 Corintios 11:19

Cha'ayi qami' ÿataqta qaupi'itaxañiitega da qami' ÿajnaxanaxaiqa, qalaq ¿tá'ainco' yi qanviñiiguet nam huo'o da n'onataxac?

2 Corintios 10:10

Cha'ayi qoÿinac naxa da naua ÿide ÿataqta sa nsattegueta, qataq huo'o da l'añaxa'c, qaq dam ÿataxac da salectauo, qalaq qaica ca yi'oqchigui i'añaxac, qataq naua i'aqtaqa ÿataqta qai'ota'n.

1 Corintios 10:12

Qaq ÿoqo'oyi da huo'o ca ipi'itaxaatega da sa ishit da huañi, qaq no'on da ntelañi, da yaqto' sa ishit da huañi.

1 Corintios 4:8

Qami' 'eeta'am da mashi qami' sallaxanqa, qataq qami' hueto'oto 'enauac nam qauviñiitac. 'Eeta'am da mashi qami' nta'al, qaq qomi' nachi qomi' qauasaqaitreec. ¡'Onaxaico' da ÿataqta 'eesa da qami' nta'al, yaqto' qami' ñiuanaqhua'alo da qomi' nta'al nataq'en!

1 Corintios 3:2

Qami' sanema da napaxaguenataxanaxac huosotta, 'eeta'am ñaq'en qami' ca nogotolec mayi ñaq lliptac qoÿaata'ai' na nchi', qaq sa ishit da qoÿanem ca nallic mayi sa nsatta. Cha'ayi qami' saxanaxa da ishit da qolliqui ca nallic mayi sa nsatta. Qaq nagui ñaq 'eetalec da saxanaxa da qaushichi da qolliqui ca sa nsatta nallic,

1 Corintios 2:14

Qaq ca shiÿaxaua mayi sa ishit da netanguit so Espíritu, sa ishit da ÿaconguet cam i'ot so n'Espíritu ñi Dios. Cha'ayi camayi da n'axaÿaxaatega, qalaq 'eeta'am naq'en da 'ico' chochi 'oopashic. Sa ishit da ÿaÿaten damayi, cha'ayi da qanmit, qalaq qaiuen da ltaunaxanaxac so Espíritu.

Hechos 17:32

Qaq co'ollaq qai'axaÿa de'eda 'eetec da qaltaq nca'aleec na leuaxaicpi, nachi huo'o na daÿalliguittac, qataq huo'o na laÿipi 'eeta': –Qaltaq ñi'axaÿaxanaxa de'eda qom qaltaq 'aupaquejlec da 'au'axat.

Hechos 9:16

Qaq ñimayi aÿim sachaxana qome da ÿataqta qalota da nque'ejnaxac souaxat aÿim.

Lucas 18:9

Qaq souaxat nam ipi'itaxaatega da no'on shiÿaxauapi qataq i'otan ca lÿa, nachi so Jesús qaltaq ÿauo'o da daloqnaxana, 'eeta':

Lucas 10:16

Qaq ca qami' n'axaÿaxanalo, qaq nachaÿim aÿim n'axaÿaxana, qaq ca qami' sa ÿacongueta, qaq nachaÿim aÿim sa ÿaconguet. Qaq ca aÿim sa ÿaconguet, qaq nachiñi ñi aÿim namaq ñim sa ÿaconguet.

Lucas 6:22

Nataq'en ÿataqta qauamaichiguiñi qom qami' nquiÿalo na shiÿaxauapi, souaxat ne'ena shiÿaxaua llalec, qataq da huo'otaq qami' qai'oldaue'c, huo'otaq da qami' qaishiue'n, huo'otaq da qai'otan da qad'enaxachi, 'eeta'am ca ÿapacteec qauem.

Mateo 24:9

Huaña, nachi qami' qoÿaadeuo, da yaqto' qami' qaiuaxaata'pe, qataq da qami' qaÿalauat. Qataq 'enauac na shiÿaxauapi ÿataqta qami' nquiÿalo, souaxat da aÿim qoquiitague'.

Mateo 5:11

Qataq ÿataqta qauamaichiguiñi qom qami' ishiueeta'pe na shiÿaxauapi, huo'otaq da sa ishit da qami' iyacna'pe qataq da qami' ÿasaxalguete na ÿotta'a't shipegaxanaxacpi, souaxat da aÿim qoquiitague'.

1 Corintios 1:21

Qaq ñi Dios mayi ÿaÿateetalec cam i'ot, ñimayi sa ÿashinem nam huetalecna da huo'otaq ÿachigoxotchigui da maichi lauattonaxanaxac da ÿauatton ñimayi. Chaqdata da ÿauotaique da nca'alaxateec na i'amaqten ñimayi, chigoqchigui naq'en de'eda n'aqtaxanaxac mayi 'ico' 'oopashic naq'en na laÿipi.

1 Corintios 1:23

Qalaxayi qomi' sa'axataqtac da n'aqtaguec so Cristo co'ollaq qaiuaxaneuo. Na judío l'ecpi da hua'axaÿa de'eda n'aqtaxanaxac, nachi ÿataqta da'aguelec. Qaq nam saq judío l'ecpi da hua'axaÿa, nachi 'eeta'am naq'en da chochi 'oopashic.

1 Corintios 1:25

Cha'ayi na shiÿaxauapi dam ipettega da chochi 'oopashic naÿajnec mayi chigoqo'ot ñi Dios, damayi napacalec da laÿajnaxanaxa nam huetalecna. Qataq dam qaipettega da 'ico' saqca ca l'añaxac mayi chigoqo'ot ñi Dios, damayi napacalec da l'añaxac na huetalecna.

2 Corintios 6:8

Qaq huo'o yi na'a'q qaq huo'o da qañi'oxonnataguec, qataq da qomi' sa qaiyacna'pe. Qataq huo'o da no'on da qan'aqtaguec, qataq da qauem da qan'aqtaguec. Qataq huo'o da qoÿiitega qomi' shipecaiqa, qataq huo'o da qoÿiitega da qomi' 'eesoda.

2 Corintios 4:12

Qaq ÿoqo'oyi de'eda nleuaxa do'onataxaatapoigui da qad'oquiaxac, qaq dam achaalataxac, qalaq do'onataxaatapoigui da qad'oquiaxaqui.