1 Corintios 3:9 - Nuevo Testamento Toba Sur

⁹ Cha'ayi qomi' n'onataxanaxauapi da l'onataxanaxac ñi Dios. Qaq qami' 'ico' da qoñiÿa'am ca lanaxanqa' ñi Dios. Qami' nataq'en qoñiÿa'am ca noÿic mayi n'oxootapiguishiguem ñi Dios.

Nuevo Testamento Toba Sombrero Negro

⁹ Qa'a jayem nataq'aen Apolo qo'mi necochaĝa'u da'me 'lonataĝanaĝac ñe'me Dios, qama'le da'me ami aueñiya'am ga'me lanaĝanaqa' ñe'me Dios, nach'e ena'am aueñiya'am ga'me emec 'me 'noĝojeguem ñe'me Dios.

La'aqtaqa Ñim Lo'onatac 'Enauacna 2013

⁹ So Apolo qataq aỹem qomi' no'onataxanaxau' da lo'onataxanaxac Ñim Lo'onatac 'Enauacna. Qaq qami' qalaq qoñiỹa'am ca nanqa' na trigo, qaq Ñim Lo'onatac 'Enauacna qalaq nacheñi ñim lalamaxat; nataqa'en qoñiita'am ca nỹec maye maiche lo'oxonec Ñimaye.

1 Corintios 3:9 Referans Kwoze

1 Pedro 2:5

Nataq'en qami' qoñiita'am qome ca coma' mayi ÿataqta nca'altauec, qataq ÿataqta qanañañiÿot ñi Dios, da yaqto' qami' do'onataxanalo da n'oxooshiguem aca maichi l'onaxanaxaqui mayi saq cha'a, qataq da ÿauo'oi qami' ltaxaÿaxanaxanqa naq'en na shiÿaxauapi da qan'aqtaxañi' ñimayi, qataq nshitaique da qai'añiitacot aca maichi qadachitaqtaxanaqchi mayi saq cha'a, qaq acamayi ÿataqta ÿaÿamaxadeeta ñimayi, cha'ayi huo'o da qadpi'iÿaxaqui so Jesucristo.

2 Corintios 6:1

Cha'ayi qomi' lta'u ñi Dios dam l'onataxanaxac, qaq ÿoqo'oyi qami' ñachoxodenaqtoiguilo da sa ishit qome da saqca ca naigui qanqashiñi da lqouagaxanaqtaic mayi qami' ÿachaxanalo ñimayi.

1 Corintios 3:16

¿Qami' sa qauaÿajñiÿo' da qoñiÿa'am da qami' lauo' ñi Dios, qaq so Espíritu Santo mayi chigoqo'ot ñimayi qami' netaiguilo?

Marcos 16:20

Nachi soomayi je'c da i'axa't da n'aqtac mayi chigaqaigui da nca'alaxa 'enauaque naua laÿil. Qaq som qadataxala' itauaata'pe soomayi da ÿataqta ipacchiguilo naq'en naua l'aqtaxanaxaco, qataq da ÿachaxan na n'anecpi mayi sa qaÿauanapigui. Aja', nachi 'eetec de'eda.

Mateo 9:37

Nachi 'enapegalo soua nale't, 'eeta': –'Eesa da ÿataqta qalota na ala na nanguishic da yaqto' qanqat, qalaxayi nam 'onataxanaxaicpi saq 'amaqtaq.

1 Corintios 3:6

Aÿim saañi co'ollaxa da n'onataxanaxac, qaq so Apolo anac da icodelec, qalaxayi ñi Dios mayi i'ot da lañaxataxac.

Colosenses 2:7

cam lpa'a'q da qanachaalataxaqui n'attalec somayi, qataq n'oxootalec somayi da qadpi'iÿaxaqui. Cha'ayi nachida da qami' qaÿapaxaguenque co'ollaxa, yaqto' nachi 'eetai' da qai'añiitacot da qan'achiquiaxaqui ñi Dios.

Efesios 2:10

Cha'ayi ñi Dios qomi' l'onataqa, qataq qomi' nañaxateu'alo naq'en so Cristo Jesús, cha'ayi nshitaique da so'otaq ca ÿaÿamaqchiguiñi. Qaq damayi nal'eno' da lapaqtapiguiñi da ÿauotaique qoyiquiaxac.

1 Corintios 6:19

¿Qami' sa qauaÿajñiÿo' da qad'oquiaxaqui da 'eeta'am da lauo' so Espíritu Santo mayi qami' ÿanema ñi Dios, qaq somayi qami' netaiguilo? Qaq ÿoqo'oyi qami' sa ishit da qadalamaxachi da qad'oquiaxaqui,

Hechos 4:11

Qaq se'eso Jesús, nachiso som coma' mayi qaualachi co'ollaxa, qami' mayi qami' noÿic l'opi. Qalaxayi nagui nachiso so qadamchiguiñi naq'en ca noÿic.

3 Juan 1:8

Qaq ÿoqo'oyi qomi' ishit da ñachoxola't da seloxoguet namayipi da setauanaxac da l'aqtaxanaxac da i'axat da n'aqtac mayi 'eesa.

1 Timoteo 3:15

yaqto' da aÿim lcopata'aguet, qalaxayi mashi lhuotta da 'auaÿaten ca no'on n'onataxac ca 'oonolec na llalaqpi ñi Dios, mayi qoÿinac, nachina na 'amqajnataxanaxaicpi nam i'amaqten ñi Dios mayi ÿataqta nca'altauec. Namayipi nachina na nllitañi da 'eesa lataxac, qataq 'ico' lcopaqtaxat.

2 Corintios 6:16

Qataq ¿ishit peta'a da qaipa'axanoigui ca noÿic mayi huaigui da qanatamnot ñi Dios na nqolacpi? Cha'ayi qami' qoñiita'am cam lauo' ñi Dios mayi nca'altauec. Cha'ayi ñimayi nachi 'enapec, 'eeta': Sootaigui qataq salectaigui namayipi; aÿim mayi nachaÿim lta'a Dios, qaq namayipi nachi ÿalamaxatpi.

Hebreos 3:6

Qalaxayi so Cristo, somayi llalec ñi Dios qataq ÿataqta npe'et da ilo'ogue se'eso lma' ñi Dios, mayi nachiqomi', da ÿataqta qomi' qadamchiyiñi qataq da qadpi'iÿaxac chochi ivitta'a ca qadaloqo', nda'a't da ÿataqta samaqchiguiñi souaxat da qanaquitaxac.

Mateo 16:18

Qaq aÿim 'am shinapega da 'am Pedro mayi 'am coma', qaq da ne'ena coma' aÿim so'oxootelec qome aca i'onaxanaxaqui. Qaq ivida'a qome da l'añaxac da nleuaxa ÿataqta sa ishit da nlaxajñi acamayi.

Mateo 15:13

Qalaxayi so Jesús 'enapeco': –Camachaqaca qo'ipaq mayi sa ishit co'ollaxa da ÿaañi ñi ita'a mayi neta'ague da piguem, nachi acamayi qanapoguishiguem qome.