1 Corintios 3:23 - Nuevo Testamento Toba Sur

²³ Nataq'en qami' lalamqa'te so Cristo, qaq so Cristo lalamaxat ñi Dios.

Nuevo Testamento Toba Sombrero Negro

²³ Qalaĝaja ami nejoĝonaqa ñe'me Cristo, nataq'aen Cristo mach'e Dios nejoĝonec.

La'aqtaqa Ñim Lo'onatac 'Enauacna 2013

²³ Qaq qami' qalaxaye qami' lalamaqa'ate So Cristo, qaq So Cristo lalamaxat Ñim Lo'onatac 'Enauacna.

1 Corintios 3:23 Referans Kwoze

Gálatas 3:29

Cha'ayi da mashi qami' lalamqa'te so Cristo, qaq nataq'en qami' lalamqa'te llalqa so Abraham, qaq nataq'en qauacoñiiguet qome cam ÿachaxanapec co'olloxochiyi ñi Dios.

1 Corintios 15:23

Qalaxayi ñi 'oonolec ÿataqta ca maichi lalamaxat lliquiaxac. So Cristo mashi sogote l'auaxanec da nca'aleec qanqoÿin. Ime, qaltaq jec na lalamaxatpi, qom ñi'iguelaq somayi.

1 Corintios 11:3

Qalaxayi ñishitaique da qauaÿajñiita da so Cristo nachiso so lqaic ca shiÿaxaua, qaq ca shiÿaxaua nachica ca lqaic aca lhua, qaq ñi Dios nachiñi ñi lqaic so Cristo.

Juan 17:18

Qaq de'eda 'eetec da aÿim 'anamaxa na huetalec ana 'alhua, qaq nachida da shiitec nataq'en da aÿim samaxa namayipi nam huetalec ana 'alhua.

2 Corintios 10:7

Qami' mayi qauloitagui ca chochi yi'oqchigui shiÿaxaua. Qom huo'otaq huo'o ca 'eetega da quetague' so Cristo, qaq camayi no'on da ÿaÿateeta da qomi' nataq'en qolaqtague' so Cristo.

Romanos 14:8

Cha'ayi da huo'otaq ñica'alaqtauec, qalaq da qanachaalataxac naigui da lli'oxoyic so qadataxala'. Qaq da huo'otaq seleuaq, qalaq da qadeleuaxa naigui da lli'oxoyic so qadataxala'. Qaq ÿoqo'oyi da huo'otaq ña ñica'alaqtauec, huo'otaq da seleuaq, qalaxayi nachi 'en'am qomi' lalamqa'te somayi.

Juan 17:21

Qataq 'am seÿaxanot, 'am ita'a, da yaqto' 'enauac namayipi ÿataqta n'atta't, da ÿataqta 'oonolec ca lataxac da qomi' n'attau'alo, yaqto' ishit da 'eeta'am da 'am aÿim qoueta'aguet, qataq aÿim 'am soota'aguet. Qataq ñishitaique da namayipi ÿataqta n'atta't, yaqto' nam huetalec ana 'alhua ishit da i'amaqten da aÿim 'adamaxashic.

Gálatas 5:24

Qataq ca shiÿaxaua mashi sogote da lalamaxat so Cristo, nachi camayi 'eeta'am da sogote da qaiuaxaneuo da l'oquiaxac, lÿatchiguem 'enauac na lqopitaxanaqtaic qataq nam 'eetapeguecpi.

1 Corintios 8:6

qalaxayi qomi' saÿajnaq da 'oonolec ñi qadta'a, l'enaxat Dios. Ñimayi mayi chigoqchigui 'enauac nam huetalecna, qaq qomi' i'o't da qomi' lalamqa'te. Qataq 'oonolec so qadataxala', l'enaxat Jesucristo, som ÿachigoxotchigui ñi Dios 'enauac nam huetalecna, nataq'en qomi'.

1 Corintios 7:22

Cha'ayi ca shiÿaxaua da nlatac co'olla qaiÿaxana da i'amaqten so qadataxala', camayi nagui ÿataqta huosochiguiñi da quetague' somayi. Qaq nachi 'eeta'am ca shiÿaxaua da huo'otaq sa ishit da nlatac co'olla qaiÿaxana, camayi nagui l-latac so Cristo.

Efesios 1:10

Qaq de'eda 'eetapeguec ñimayi mayi ÿataqta ipacchigui qom ivita ca laloqo', 'eeta': Ñi Dios nshitaique da 'enauac hueto'ot naq'en da lamaxasoxonaxac so Cristo nam hueto'ot na piguem qataq na huetalec ana 'alhua.

Mateo 17:5

Qaq co'ollaq ña detaqtac so Pedro, nachi anac so l'oc mayi ÿataqta 'edoigui. Somayi ipelteelguete soomayi. Nachi se'eso l'oc chimaqtoigui so n'aqtac, 'eeta': –'Eda dam ÿalec mayi ÿataqta ÿauotaxat, damayi ÿataqta ñitootapeguec. Qaq damayi qan'axaÿaxañiÿa qome.

1 Corintios 15:28

Qaq qom ivita da mashi ime da qaipataxalec 'enauacna so Cristo, qaq somayi som llalec ñi Dios nachi nañanot ñi lta'a Dios ñim chigoqchigui da ipataxalec somayi da ilo'ogue 'enauacna. Huaña, qanachi ñi Dios imata da ilo'ogue 'enauacna.