1 Corintios 3:18 - Nuevo Testamento Toba Sur

¹⁸ Qaica qome ca natenachittapeguela't. Da huo'o ca ipettega da ÿaÿaten da lliquiaxac na naÿajnec mayi lma'na, camayi no'on da nacoola't da qaica ca ÿaÿaten, yaqto' ÿataqta 'eesa da ÿajnaxanaxaic.

Nuevo Testamento Toba Sombrero Negro

¹⁸ Ena'te anoqoviñela't. Qom 'uo ga'me adaqayai jo'ne eetapela't yatenaĝanaĝaic, qama'le 'noota qom yeguem da'me layatenaĝanaĝac 'me chiyaqalegue jena'me aleua, qaedi eja yovida'a da'me yataqachiñe yatenaĝanaĝaic.

La'aqtaqa Ñim Lo'onatac 'Enauacna 2013

¹⁸ Saishet qome da maiche qanatenacheetapeguela't da huo'o ca 'eetega da ỹaanaxanaxaic qataq ỹaỹaten na qalota lataxacpi maye huetalecna, nachaqrata da qavi'eguelaqaỹa da qaica ca qauaỹachiñi, yaqto' 'eesa da qami' ỹaanaxanaxaiqa.

1 Corintios 3:18 Referans Kwoze

Gálatas 6:3

Cha'ayi ca ipi'itaxaatega da 'amaqtaqaic, qamaq qaica ca naigui, qaq camayi 'eeta'am da maichi natenachittapeguela't.

Santiago 1:22

Qalaxayi qau'ochi cam qami' ÿapaxaguenque da n'aqtac. Sa ishit da chochi qan'axaÿaxañiitega. Cha'ayi da nachi qoñiita'ac de'eda, qaq 'en'am da chochi qanatenachiitapeguela't.

Lucas 18:17

Cha'ayi aÿim shinapec da ca ÿaconguet da l'onataxanaxac ñi Dios da ilo'ogue 'enauacna, da huo'otaq sa ishit da 'eeta'am ca nogotolec, nachi camayi sa ishit da ÿañoxot da inoxoneuo.

Mateo 18:4

Qaq ÿoqo'oyi cam ÿoqta ÿacteec da l'amaqchic da huetaigui da l'onataxanaxac ñi Dios mayi neta'ague da piguem, nachica cam sa ishit da n'amaqchin qataq ÿi'iguelaxa da 'eeta'am ne'ena nogotolec.

Marcos 10:15

Qaq ÿataqta 'eesa de'eda qami' sa'axatema, da ca sa ishit da i'enaxat ca nogotolec da ÿaconguet da l'onataxanaxac ñi Dios da ilo'ogue 'enauacna, nachi camayi sa ishit da inoxoneuo.

Santiago 1:26

Da huo'o ca ipi'itaxaatega da ÿataqta 'amqajnataxanaxaic, qalaxayi sa ishit da icoñidai' ñi lachaxat, camayi maichi natenachittapeguela't. Qaq da l'amqajnataxanaxac ÿataqta saqca ca naigui.

Tito 3:3

Cha'ayi nachi 'en'ama qomi' co'olloxochi saxanaxa da sa'amqajnataxanaq. Ÿataqta qaica ca saÿajnaqpec, qataq sa salaxasoxolec ñi Dios. Sesomaqtac, qataq qomi' l-lataqa na ÿotta'a't qadqopitaxanaqtaic qataq qadamanaxanaqtaic. Souaqtaigui da so'otaqtapeguec ca sa ÿaÿamaxañi ca qadÿa, qataq sepa'aguenaqtac. Mashi sotaq qomi' qaishitegueta. Chaqdata da ñipa'aguenaqtega't.

Efesios 5:6

Qataq sa ishit qome da huo'o ca qami' ÿatenachi't da qami' idolguete naua napaxaguenataxanaxaco mayi qaica ca naiguilo. Cha'ayi ne'enaua sa ÿaÿamaxayiñi, nachinaua na chigoqchiguilo dam qaica ca 'en'am da lchic layiloxo ñi Dios, da ÿauo'o da nhuaxanaguec nam sa ishit da ÿalaq.

1 Corintios 6:9

¿Qami' sa qauaÿajñiÿo' da ca i'otec ca sa ÿaÿamaxañi ca lÿa, qaq sa ishit da inoxoneu'a ca ñaq natauo l'onataxanaxac ñi Dios? Sa ishit qome da qaupe'enaxañi. Cha'ayi sa ishit qome da inoxoneu'a que'eca l'onataxanaxac ñi Dios nam quetaigui da lquishiguetaxac, qataq na natameetacot na nqolacpi, qataq na lauatapiguiñi' aca sa lhua, qataq na huetapeeguet ca 'eeta'am lÿa shiÿaxaua, qataq na cachaxaicpi, qataq na mataxalaicpi, qataq na taxaicpi, qataq na n'aqtaqa l'o'pi, qataq na ÿayin ca lÿa da nqat aca alom.

1 Corintios 4:10

Qaq qomi' qaÿamata'aque da qaica ca saÿajnaq, souaxat da soqolaqtague' so Cristo, qalaq qami' qanamachiitala't da qami' ÿajnaxanaxaiqa so Cristo. Qomi' qaica ca qad'añaxac, qalaq qami' qanamachiitala't da qami' 'añaxaiqa. Na shiÿaxauapi qomi' n'otanguilo, qalaq qami' ÿataqta huo'o naq 'enec qanqoÿin.

1 Juan 1:8

Qaq da shinaqpec da qaica ca qadasouaxashit, nachi qomi' maichi ñatenachitaqtapeguela't, qataq sa ishit da qomi' 'eesoda.

2 Timoteo 3:13

Qalaxayi na qauemaicpi qataq na tenataxanaxaicpi taÿañicda, nquicta'aguet 'enauac na sa ÿaÿamaxañisat. Namayipi datenataxaatac, qalaxayi nachi 'en'am natenatac.

Gálatas 6:7

Qami' sa ishit qome da qanatenachiitapeguela't, cha'ayi qaica ca ishit da ÿi'inai' ñi Dios. Cha'ayi cam ÿaañi ca shiÿaxaua, qaq nachica cam nqat ca alaÿaxac.

1 Corintios 15:33

Sa ishit qome da qami' qaÿatenachi't. 'Eeta'am da 'enapec quenaxa da n'aqtac, 'eeta': “Ca qauemaic shiÿaxaua n'aqchit ca no'on n'onataxac ca lÿa.”

Romanos 12:16

Qataq sa ishit da huo'o ca ÿoqtapeuga da qoñiita. Qataq sa ishit da qami' ñi'oxonnaxaiqa. Chaqdata da qau'enaxachi cam qaica ca l'amaqchic. Qataq sa ishit da qaupi'itaxañiitega da qami' ÿajnaxanaxaiqa.

Romanos 11:25

Ÿoqo'oyi qami' ÿaqaÿa't, ñishitaique da qauaÿajñi de'eda saq cha'a lataxac mayi 'eetapeguec ñi Dios, yaqto' qami' sa ishit da qaupi'itaxañiitega da qami' ÿajnaxanaxaiqa. Cha'ayi huo'o nam Israel l'ecpi nam ÿataqta qadamchigui, qalaxayi to' qom ivita ca laloqo' da nala'a't na sa ishit da Israel l'ecpi da inoxoneuo.

Lucas 21:8

Nachi so Jesús 'enapeco': –Maxatchaxa qome, qadvichiÿai'. Qataq sa ishit qome da huo'o ca chochi qami' ÿatenachi't. Cha'ayi qalota qome na anac da anactaigui da i'enaxat, nachi 'eeta': “Aÿim mayi nachaÿim nta'a nca'alaxaqui;” huo'otaq 'eeta': “Nagui mashi ivita yi naloqnec.” Qalaxayi sa ishit qome da qauca'achiigue.

Mateo 13:22

Qaq aso nanguishi mayi tajlec so lma' ana ÿaxat, qalaq asomayi naigui nam shiÿaxauapi mayi n'axaÿaxaatega da n'aqtac. Qalaxayi souaxat da imelec 'enauac nam chochaqna huetalec ana 'alhua, qataq da lqopichi da nsallaxa, qaq 'enauac ne'ena i'ot da sa ishit da ñaxat naq'en da n'aqtac, qataq sa ishit da huo'o ca alaÿaxac naq'en ne'ena shiÿaxauapi.

1 Corintios 3:17

Qaq da huo'o ca nlaxajñi na lauo' ñi Dios, qaq ñimayi nlaxajñi que'eca shiÿaxaua. Cha'ayi ne'ena lauo' ñi Dios lalamaxat ñimayi, qaq ne'ena nhuo' nachida da qoñiita.