1 Corintios 3:16 - Nuevo Testamento Toba Sur

¹⁶ ¿Qami' sa qauaÿajñiÿo' da qoñiÿa'am da qami' lauo' ñi Dios, qaq so Espíritu Santo mayi chigoqo'ot ñimayi qami' netaiguilo?

Nuevo Testamento Toba Sombrero Negro

¹⁶ ¿Qo'li ja auayachiñe queda'me aueñiya'am ga'me 'lemec ñe'me Dios nataq'aen da'me ami uetauelo ñe'me Lepaqal?

La'aqtaqa Ñim Lo'onatac 'Enauacna 2013

¹⁶ ¿Qami' sa qauaỹaañiỹo' da qami' lma' Ñim Lo'onatac 'Enauacna, qaq So Saqcha'a La'añaxac Ñimaye qami' netaiguilo?

1 Corintios 3:16 Referans Kwoze

1 Corintios 6:19

¿Qami' sa qauaÿajñiÿo' da qad'oquiaxaqui da 'eeta'am da lauo' so Espíritu Santo mayi qami' ÿanema ñi Dios, qaq somayi qami' netaiguilo? Qaq ÿoqo'oyi qami' sa ishit da qadalamaxachi da qad'oquiaxaqui,

2 Corintios 6:16

Qataq ¿ishit peta'a da qaipa'axanoigui ca noÿic mayi huaigui da qanatamnot ñi Dios na nqolacpi? Cha'ayi qami' qoñiita'am cam lauo' ñi Dios mayi nca'altauec. Cha'ayi ñimayi nachi 'enapec, 'eeta': Sootaigui qataq salectaigui namayipi; aÿim mayi nachaÿim lta'a Dios, qaq namayipi nachi ÿalamaxatpi.

Romanos 8:11

Cha'ayi da mashi qami' netanguita som n'Espíritu ñi Dios mayi nca'alaxateeguesop naq'en da nleuaxa so Cristo Jesús, qaq ñimayi nachiñi qome ñi qami' ÿanema ca dalaxaic nachaalataxac da qad'oquiaxaqui mayi taÿa'a da ileu, qalaxayi ÿachigoxotchigui qome naq'en som n'Espíritu mayi qami' netanguita.

Juan 14:17

cam Espíritu mayi ÿoqta 'eesa. Qaq nam shiÿaxauapi mayi huetalec ana 'alhua, namayipi qome sa ishit da ÿaconguet camayi, cha'ayi sa ishit da ila'a, qataq sa ishit da ÿauatton. Qami', qalaxayi qauauattoñi, cha'ayi qami' hueta'agueta, qataq camayi nachi 'eetai' qome da qami' hueta'agueta.

Romanos 8:9

Qalaxayi qami' mashi sa ishit da qoquiitague' cam 'eetapeguec da qadapachiyaxaqui. Chaqdata da qoquiitague' cam 'eetapeguec so Espíritu Santo, qom ÿoqta 'eesa da qami' netanguita so Espíritu mayi chigoqo'ot ñi Dios. Qaq cam sa ishit da netanguit so Espíritu mayi chigoqo'ot so Cristo, nachi camayi sa ishit da lalamaxat somayi.

1 Pedro 2:5

Nataq'en qami' qoñiita'am qome ca coma' mayi ÿataqta nca'altauec, qataq ÿataqta qanañañiÿot ñi Dios, da yaqto' qami' do'onataxanalo da n'oxooshiguem aca maichi l'onaxanaxaqui mayi saq cha'a, qataq da ÿauo'oi qami' ltaxaÿaxanaxanqa naq'en na shiÿaxauapi da qan'aqtaxañi' ñimayi, qataq nshitaique da qai'añiitacot aca maichi qadachitaqtaxanaqchi mayi saq cha'a, qaq acamayi ÿataqta ÿaÿamaxadeeta ñimayi, cha'ayi huo'o da qadpi'iÿaxaqui so Jesucristo.

2 Timoteo 1:14

'Antelo'o' da 'am ipataxalec ñi Dios da 'aulo'ogue, qaq 'am itauan so Espíritu Santo mayi qomi' hueta'agueta.

Hebreos 3:6

Qalaxayi so Cristo, somayi llalec ñi Dios qataq ÿataqta npe'et da ilo'ogue se'eso lma' ñi Dios, mayi nachiqomi', da ÿataqta qomi' qadamchiyiñi qataq da qadpi'iÿaxac chochi ivitta'a ca qadaloqo', nda'a't da ÿataqta samaqchiguiñi souaxat da qanaquitaxac.

1 Juan 4:12

Ñi Dios qaica da huo'o ca nma'ai' da ÿauatton. Qalaxayi ñi 'oonolec da shinaqta da ÿataqta ÿauotec ca lÿa, nachi ñi Dios qomi' hueta'agueta, nachi da lauotaxanaqtaic ñimayi ivitta'a da nalochiguiñi da qomi' huetaiguilo.

Romanos 6:3

Cha'ayi 'enauaque qomi' mayi mashi qomi' qanachilaxa'n, da yaqto' ñi'adaxau'a so Cristo Jesús, 'eeta'am da qomi' qanachilaxanguilo da l-leuaxa somayi. Qaq ¿peta'a sa ishito' da qauaÿajñi damayi?

1 Corintios 9:24

Qami' mashi qauaÿajñi da huo'otaq huo'o aca aloxo, qaq 'enauac na nqomittac ÿataqta nqalgoqchin, qalaxayi 'oonolec ca ÿaconguet ca nshiitenaxanaxat. Qaq qami' ÿataqta qanqalgoqchiñi qome, yaqto' qauacoñiiguet ca nshiitenaxanaxat.

1 Corintios 9:13

Qami' mashi qauaÿajñi da na huetapegue' da n'onataxanaxac aca n'onaxanaxaqui, namayipi chigaqaigui da nshiitenaguec de'eda l'onataxanaxac. Dam ÿoqta shiitega 'eeta' da nam huetapegue' aca nca'atoxonaxalate da ÿavigaxattac na nachitaqtaxanaxat huaca lapat, namayipi chictac na qaiÿotauga lapat.

1 Corintios 6:9

¿Qami' sa qauaÿajñiÿo' da ca i'otec ca sa ÿaÿamaxañi ca lÿa, qaq sa ishit da inoxoneu'a ca ñaq natauo l'onataxanaxac ñi Dios? Sa ishit qome da qaupe'enaxañi. Cha'ayi sa ishit qome da inoxoneu'a que'eca l'onataxanaxac ñi Dios nam quetaigui da lquishiguetaxac, qataq na natameetacot na nqolacpi, qataq na lauatapiguiñi' aca sa lhua, qataq na huetapeeguet ca 'eeta'am lÿa shiÿaxaua, qataq na cachaxaicpi, qataq na mataxalaicpi, qataq na taxaicpi, qataq na n'aqtaqa l'o'pi, qataq na ÿayin ca lÿa da nqat aca alom.

1 Corintios 6:16

Qalqo' ¿sa qauaÿajñi peta'a da huo'otaq huo'o ca huadonguet aca quishiguetaxai, nachi que'ecaua dos 'eeta'am da 'oonolec da n'oquiaxac? Cha'ayi nachi 'enapec naua ñiyigui'shi l'aqtaqa ñi Dios, 'eeta': “Caua dos ivilda'a da 'ico' 'oonolec.”

1 Corintios 5:6

Qami' sa ÿaÿamaxañi da qañi'oxonñiitapigui da qau'ochiitac. ¿Sa qauaÿajñiÿo' naxa da n'aqtac mayi 'eeta': “Aca saq 'amaqtaq lalecte ana pan ishit da quichigui da ÿashiidaxachigui 'enauac ca ndaqnguishic 'ayiiña”?

Santiago 4:4

¡Qami' mayi qai'axañiiuec da qauauochiic ñi Dios! ¿Qami' sa qauaÿajñiÿo' da ca shiÿaxaua da nauote' na nqopitaxanaqtaicpi mayi huetalec ana 'alhua, nachi camayi 'ico' npa'aguenaxaua ñi Dios? Qaq ca ÿi'iguena'a da nauote' na nqopitaxanaqtaiguesat mayi huetalecna, que'eca shiÿaxaua ÿataqta npa'aguene' ñi Dios.

Romanos 6:16

Cha'ayi qami' qauaÿajñiita da huo'otaq qanañañiÿot ca 'aco' da ÿauo'o qami' l-lataqa, huaña, nachi qami' ÿataqta qaualaqaiguet camayi, cha'ayi qan'aco'oi. Qaq nachi 'eetec nataq'en qami' da huo'otaq ÿataqta qaualaqaiguet da ñi'itaxaloxo mayi chigaqaigui da nleuaxa da 'eeta'am da qan'aco'oi, huo'otaq da qaualaqaiguet ñi Dios da qau'ochi ca ÿaÿamaqchiguiñi.

1 Corintios 3:9

Cha'ayi qomi' n'onataxanaxauapi da l'onataxanaxac ñi Dios. Qaq qami' 'ico' da qoñiÿa'am ca lanaxanqa' ñi Dios. Qami' nataq'en qoñiÿa'am ca noÿic mayi n'oxootapiguishiguem ñi Dios.

1 Corintios 3:17

Qaq da huo'o ca nlaxajñi na lauo' ñi Dios, qaq ñimayi nlaxajñi que'eca shiÿaxaua. Cha'ayi ne'ena lauo' ñi Dios lalamaxat ñimayi, qaq ne'ena nhuo' nachida da qoñiita.

1 Timoteo 3:15

yaqto' da aÿim lcopata'aguet, qalaxayi mashi lhuotta da 'auaÿaten ca no'on n'onataxac ca 'oonolec na llalaqpi ñi Dios, mayi qoÿinac, nachina na 'amqajnataxanaxaicpi nam i'amaqten ñi Dios mayi ÿataqta nca'altauec. Namayipi nachina na nllitañi da 'eesa lataxac, qataq 'ico' lcopaqtaxat.