1 Corintios 3:11 - Nuevo Testamento Toba Sur

¹¹ Qaq ÿoqo'oyi qaica ca ishit da qaltaq lapaxañi ca lÿa n'oxonaxala' que'eca noÿic, cha'ayi mashi huo'o so qalapaqtañi. Somayi nachiso so Jesucristo.

Nuevo Testamento Toba Sombrero Negro

¹¹ Qaya'te yaqanatet ta'le ye'et jaga'me lamo laqaya, qa'a jaga'me lamo jo'ne qo'yaeñi joote yem jo'ne nach'eñe Jesucristo.

La'aqtaqa Ñim Lo'onatac 'Enauacna 2013

¹¹ Qaq ỹoqo'oye, qaica ca ishet da qaltaq lapaxañi ca lỹa no'oxonaxala' que'eca nỹec, cha'aye mashe huo'o so qalapaqtañi. Qaq Somaye, nacheso So Jesucristo.

1 Corintios 3:11 Referans Kwoze

Efesios 2:20

Qataq qami' qoñiita'am ca noÿic mayi qan'oxootapiguishiguem, n'oxootelec qanqoÿin som lapaxañi co'olloxochiyi na lamaxashicpi so Jesús qataq na l'aqtaxanaxanecpi ñi Dios. Qaq nachiso so Jesucristo som 'ico' coma' mayi nllañi ca noÿic.

2 Timoteo 2:19

Qalaxayi ñi Dios mashi lapaxañi so 'ico' l'oxonaxala' da l'onataxanaxac mayi qaica ca idaxanapec. Qaq somayi nanettalec so nedec, 'eeta': “Ñi qadataxala' Dios ÿauatton ca mashi lalamaxat;” nataq'en 'eeta': “'Enauac na mashi ncosatapegueueegue da l'enaxat so Cristo, ÿataqta ca'ai qome 'enauac na sa ÿaÿamaxañisat.”

Mateo 16:18

Qaq aÿim 'am shinapega da 'am Pedro mayi 'am coma', qaq da ne'ena coma' aÿim so'oxootelec qome aca i'onaxanaxaqui. Qaq ivida'a qome da l'añaxac da nleuaxa ÿataqta sa ishit da nlaxajñi acamayi.

1 Corintios 3:10

Qaq aÿim shiita'am ca ilotague' na noÿic l'opi, cha'ayi ñi Dios aÿim ÿanem da llapaxañi so n'oxonaxala' ca noÿic. Qaq na laÿipi n'oxootapiguishiguem somayi. Qalaxayi ñi 'oonolec iuen da ilotelec da lataxac da do'oxonaxan.

1 Corintios 3:12

Qaq ca 'oonolec ishit da i'oxoolec se'eso n'oxonaxala' ca noÿic, do'oxonaxana ca oro, qataq ca plata, qataq ca qashilgaxadaic coma', huo'otaq do'oxonaxana ca qo'ipaq, qataq na 'auaqpi, qataq ana coqta late'e.

1 Pedro 2:4

Qaq ÿoqo'oyi qanquiquiu'a qome so qadataxala' Jesús som 'eeta'am ca coma' mayi ÿataqta nca'altauec. Se'eso coma' l'otanec co'olloxochiyi na shiÿaxauapi, qalaxayi ñi Dios lca'aguishic qataq ÿataqta lauotaxat.