1 Corintios 3:10 - Nuevo Testamento Toba Sur

¹⁰ Qaq aÿim shiita'am ca ilotague' na noÿic l'opi, cha'ayi ñi Dios aÿim ÿanem da llapaxañi so n'oxonaxala' ca noÿic. Qaq na laÿipi n'oxootapiguishiguem somayi. Qalaxayi ñi 'oonolec iuen da ilotelec da lataxac da do'oxonaxan.

Nuevo Testamento Toba Sombrero Negro

¹⁰ Dios jayem 'yetem da'me qaedi jaloĝonataĝalegue da'me 'netaguec ga'me emec da'me qo'noĝojeguem, chane'eja je'et jaga'me lamo; qama'le nayi 'uo ga'me jiyaĝaua laqaya jo'ne 'noĝodijeguem gaa'me lael ga'me emec. Qalaĝaja 'noota qom onolqa'tape netela' ga'me mach'e 'yetetac qaedi yataqachiñe 'noota ga'me 'noĝojeguem.

La'aqtaqa Ñim Lo'onatac 'Enauacna 2013

¹⁰ Qaq aỹem sheeta'am ca ilotague' ca nỹec lo'opi, cha'aye Ñim Lo'onatac 'Enauacna aỹem ỹanem da llapaxañi so no'oxonaxala' ca nỹec. Qaq na ỹaỹepi qalaq no'oxootapiguisheguem somaye. Qalaxaye ñi 'oonolec iuen da ilotelec da lataxac ca lo'onataxanaxac.

1 Corintios 3:10 Referans Kwoze

1 Corintios 3:11

Qaq ÿoqo'oyi qaica ca ishit da qaltaq lapaxañi ca lÿa n'oxonaxala' que'eca noÿic, cha'ayi mashi huo'o so qalapaqtañi. Somayi nachiso so Jesucristo.

Efesios 2:20

Qataq qami' qoñiita'am ca noÿic mayi qan'oxootapiguishiguem, n'oxootelec qanqoÿin som lapaxañi co'olloxochiyi na lamaxashicpi so Jesús qataq na l'aqtaxanaxanecpi ñi Dios. Qaq nachiso so Jesucristo som 'ico' coma' mayi nllañi ca noÿic.

Romanos 15:20

Qaq ÿataqta huo'o da iuogoxo da sa'axattac da nca'alaxa nam huañalo da saxanaxa da qai'axat da l'enaxat so Cristo, da yaqto' sa ishit da 'ico' shiita'am ca n'oxooshiguem ca noÿic mayi ÿaqa'a ca lapaxañi ca l'oxonaxala'.

Mateo 24:45

¿Negue'tom ca nlatac da ÿataqta ipactelec ca l'onatac qataq huo'o na ÿaÿaten, da huo'otaq ca n'aco' ipataxalec camayi, da yaqto' iqui'axaatac nam hueta'a ca lma' da ivita yi laloqo' da nqui'axac?

Apocalipsis 21:19

Qaq na coma' mayi lli'oxodaxat se'eso ncopaqtaxanaxat, namayipi ÿataqta ÿotta'a't na l'oguiaxacpi. Qaq so hua'auchiguiñi l'oxonaxat na coma' l'enaxat jaspe, qaq so lÿa l'oxonaxat na zafiro, qaq so lÿa l'oxonaxat na ágata, qaq so lÿa l'oxonaxat na esmeralda,

1 Corintios 9:2

Qaq da huo'o na sa ishit da i'amaqten da aÿim lamaxashic so Jesús, qalaxayi qami' sa ishit da saq aÿim qau'amaqchiñi. Cha'ayi aÿim qauachigoxochiichigui da qau'amaqchiñi so qadataxala', qaq nachida da yi'oq naq'en da aÿim lamaxashic so Jesús.

Mateo 7:24

Qaq ÿoqo'oyi cam ÿataqta aÿim n'axaÿaxana qataq i'ot da shiitega, qaq camayi 'eeta'am ca shiÿaxaua mayi ÿataqta ÿajnaxanaxaic mayi n'oxootelec naq'en ca coma' da n'oxooshiguem ca lma'.

1 Pedro 4:11

Da huo'o ca qoÿanem da da'aqtaxan, qalaq naua l'aqtaqa ÿataqta nachinaua naua l'aqtaqa ñi Dios. Qataq ca qoÿanem da l'onataxanaxac, qalaq nachida da n'añaxac mayi ÿanem ñi Dios. Qaq 'enauac nam qaÿacoolec da qai'ot, namayi naigui da yaqto' qaÿi'oxoden ñi Dios, chigoqchigui so Jesucristo. Somayi mayi lalamaxat da lli'oxoyic qataq da l'añaxac mayi qaica ca loga't. Aja', nachi 'eetec.

2 Timoteo 2:15

Ÿataqta 'an'añaxato' qome da 'anachaxanot ñi Dios, qoneta'amo' ca n'onataxanaxanec ÿataqta qaÿaÿamaxadeeta, qataq qaica ca ncoqtaique. Chaqdata da 'auloteueeguelo naua lataxaco ÿaÿamaqchiyiñi de'eda n'aqtac mayi 'eesa lataxac.

Colosenses 4:17

Nataq'en qoñiÿapega qome ca Arquipo, qoñiita': “Ÿataqta 'aupactelco' qome da 'ad'onataxanaxac mayi 'am ÿami' so qadataxala', da yaqto' 'au'onataxanot.”

Romanos 12:3

Cha'ayi ñi Dios aÿim nqouaguec da aÿim ÿanem de'eda i'onataxanaxac. Ÿoqo'oyi qami' shinapegalo da 'enauac da qoñiita sa ishit qome da huo'o ca ñi'oxonnapec da lhuennataxa da nlotapeguela't. Chaqdata qome da ñi 'oonolec ÿataqta nloteec da deuennataxaatac, qataq iloteguet cam nalotau'a da lpi'iÿaxac mayi ÿanem ñi Dios.

Romanos 1:5

Qaq nachi chigoqchigui so Jesucristo da ñi Dios qomi' nqouagueque da qomi' ÿanaguilo da qomi' lamaxa'shi, da yaqto' so'onataxanqot somayi, yaqto' 'enauac na ÿotta'a't shiÿaxauapi ishit da huo'o ca da'amqajnataxan qataq ÿalaq.

Hechos 18:27

Nachi so Apolo co'ollaq huo'o da lyaxa da taitague da 'alhua Acaya, nachi so nqaÿañicpi itauan somayi da i'añaqchit, nachi qaÿauo'o aso nede qaÿamaxa so 'amqajnataxanaxaicpi mayi naña que'eca 'alhua da ÿataqta qailo'oguet somayi. Nachi somayi co'ollaq ivita yi Acaya, nachi ÿataqta lta'adaic da ltaunaxanaxac da itauaatac nam ñi Dios ÿachigoxotchigui naq'en da lqouagaxanaqtaic da da'amqajnataxan naq'en.

Lucas 11:35

Qaq maxatchoxo' qome naua 'adcoÿadaxanaqte, ten qom 'ico' qouetaigui ca napalaxa.

Santiago 3:1

Qami' ÿaqaÿadolqa, sa ishito' qome da saqalota na dapaxaguenataxanapec da qoñiita, cha'ayi mashi qauaÿajñi da qomi' mayi sapaxaguenataxanaqtac, qomi' naÿalguete ca saq llalcolec qanhuaxanaguec, saq shinaqa'am na qadaÿipi.

1 Timoteo 4:16

Qataq 'antel-la't, 'aulotegue da 'adapaxaguenataxanaxac. Ÿataqta qoquetot de'eda shiitega, cha'ayi da 'au'ot de'eda, nachi ÿataqta 'avida'aguet da 'am qanca'alaxateec qataq 'enauac na 'am n'axaÿaxaatega.

Colosenses 1:29

Qaq nachida da huo'o mshi aÿim ÿataqta imauec ñaq'en da ñi'añaxataxac mayi aÿim ÿami' so Cristo da so'onataxaatac.

Romanos 15:15

Qalaxayi ñaqaiyita sa ishit da shi'iÿalec ana'ana ÿide da qami' samaxalo da sa'axatta 'enauac namayipi, yaqto' sa ishit qome da qaucouai'ai. Cha'ayi maichi chigoqchigui naq'en da lqouagaxanaqtaic ñi Dios da aÿim ÿanagui da i'onataxanaxac,

Lucas 21:8

Nachi so Jesús 'enapeco': –Maxatchaxa qome, qadvichiÿai'. Qataq sa ishit qome da huo'o ca chochi qami' ÿatenachi't. Cha'ayi qalota qome na anac da anactaigui da i'enaxat, nachi 'eeta': “Aÿim mayi nachaÿim nta'a nca'alaxaqui;” huo'otaq 'eeta': “Nagui mashi ivita yi naloqnec.” Qalaxayi sa ishit qome da qauca'achiigue.

Apocalipsis 21:14

Qaq se'eso lcopaqtaxat se'eso la ciudad, qalaq somayi n'oxootalguete qanqoÿin soua doce coma'yi. Qaq soomayi nachi nanettalguete naua l'enqa'te soua doce lamaxa'shi so qagueta llalec.

2 Corintios 10:15

Qaq sa ishit da ñipa'axanaqpeguelec ca l'onatac ca lÿa shiÿaxaua da huo'otaq se'enaxataqteguem ca maichi qadalamaxat. Chaqdata da qomi' ñaquitaqta'a da ña nquic da qadpi'iÿaxaqui, yaqto' qomi' ishit da nquicteec da qad'onataxanaxac da qoñiita, qalaxayi nachi 'eetai' da sa ishit da ñapagaqlec yi loga't da qad'onataxanaxac.

1 Ts 3:2

Nachi qami' samaxasaxalo sa qadqaÿa Timoteo. Cha'ayi somayi lamaxashic ñi Dios qataq qad'onataxanaxaua da sa'axataq da no'on qad'axaÿaxac mayi n'aqtaguec so Cristo. Somayi taÿalo qami' da qami' nauaxaÿaxaayishigue'm qataq i'añaqchit da qadpi'iÿaxaqui,

2 Pedro 3:15

Qataq qantouñiita'ac da lhualaxavic ñi Dios da qomi' iuatta'alo. Damayi naigui da qadca'alaxa. Qaq 'eeta'am nataq'en da 'eetec ana ledepi so qanauochaxaua qadqaÿa Pablo mayi qami' ÿamaxalo co'ollaq somayi ÿiyiñi da laÿajnec mayi ÿami' ñi Dios.