1 Corintios 2:15 - Nuevo Testamento Toba Sur

¹⁵ Qalaxayi ca shiÿaxaua mayi netanguit so Espíritu, camayi ishit da nmit 'enauac na lataxaguesat. Qaq camayi qaica ca ishit da nmit.

Nuevo Testamento Toba Sombrero Negro

¹⁵ Ga'me jo'ne joote yaconeguet ñe'me Dios Lepaqal qamqa'me naloqote'n ena'uaque gaa'me uo'oe, qama'le qaya'te jiyaĝaua laqaya ta'le yaqanatet da'me naloqoten joga'me.

La'aqtaqa Ñim Lo'onatac 'Enauacna 2013

¹⁵ Qalaxaye ca shiỹaxaua maye netanguit So Saqcha'a La'añaxac Ñim Lo'onatac 'Enauacna, camaye ishet da nmit 'enauac na lataxaguesat. Qaq camaye, qaica ca ishet da nmit.

1 Corintios 2:15 Referans Kwoze

1 Ts 5:21

Qalaxayi qavi'iguiñi 'enauac, qaq cam ÿaÿamaqchiguiñi, nachica ca qauaÿamaxachi.

Hebreos 5:14

Qalaxayi nam nallic mayi sa nsatta, namayi taiguet cam shiÿaxaua mashi ÿi, mayi mashi dauattonaxan, qataq nai'ac da ÿauatton cam no'on qataq ca qauem.

1 Juan 4:1

Qami' ÿaqaÿañicpi, sa ishito' qome da qau'amaqchiñi 'enauac nam 'eetega da i'aqtaxanaxac ñi Dios. Chaqdato' da qauchimaxachiÿa camayi, yaqto' qauaÿajñiita da naua lhuennataxaco ÿataqta chigoqo'oto ñi Dios, huo'otaq sa ishit. Cha'ayi ana 'alhua mashi huotaique da nlaxalec na tenataxanaxaicpi mayi 'eetega da i'aqtaxanaxan ñi Dios.

1 Corintios 14:37

Da huo'o ca ipi'itaxaatega da l'aqtaxanaxanec ñi Dios, huo'otaq ipi'itaxaatega da netanguit so Espíritu Santo, qaq no'on da ÿaÿateeteguet de'eda shiyiñi da damayi lqataxac so qadataxala' Jesús.

Gálatas 6:1

Qami' ÿaqaÿa't, da huo'o ca 'oonolec da qoñiita huo'o ca ilamaxata'aguet lasouaxashit, nachi qami' mayi qami' netanguita so Espíritu ishit da qautauañi camayi, da yaqto' ishit da ñishiguem. Qalaxayi ÿataqta huesottac da qadquiyaqteÿaxaqui. Qataq ñi 'oonolec ÿataqta ntelañi. Ten, sa iuena'a camayi da nataq'en qaÿauo'o ca ñi'iguenataguec.

Filipenses 1:10

yaqto' ishit da qauaÿajñi da qalca'aiua'a ca ÿataqta ÿaÿamaqchiguiñi. Qataq yaqto' ishit da qui'itta da qanachaalataxaqui, qataq sa ishit da huo'o ca qami' qaÿasaxalguete qadasouaxashichi qom ivita da ñi'iguelaq so Cristo.

1 Corintios 3:1

Ÿoqta 'eesa, qami' ÿaqaÿa't, da aÿim sa seshit co'ollaxa da setaxaiguilo qami' da se'enaxatteguema ca shiÿaxaua mayi netanguit so Espíritu Santo. Chaqdata da shiita'am ñaq'en qami' ca shiÿaxaua mayi ñaq quetaigui da lapachiyaxac, cha'ayi qami' 'ico' da ñaq nogotolec da qadpi'iÿaxaqui so Cristo.

Colosenses 1:9

Qaq ÿoqo'oyi qomi' se'eso na'a'q can huo'o da qad'axaÿaxac, nachi qolaqtot da qami' ñoqouagaxaunaqtapeguelguete, seÿaxanaqtacot ñi Dios da ña qami' ÿauattonaxanaxanque cam 'eetapeguec ñimayi, qataq da qami' ÿanema na ÿotta'a't naÿajneguesat qataq da nauattonaxanaxac mayi chigoqo'ot so Espíritu.

1 Corintios 4:5

Qaq ÿoqo'oyi qami' sa ishit da huo'o ca qau'aviÿalec da qanmichi. Qauachiÿa'aguet so qadataxala' qom ñi'iguelaq da yi'oq naq'en na huetaigui na napalaxa. Somayi mayi yi'aqlec naq'en na 'eetapeguecpi ana nquiyaqtepi. Ime, qanachi ñi Dios ÿaconguet ca 'oonolec da ÿanem ca 'itchiguiñi naÿamaxannataguec.

Hechos 16:3

Nachi so Pablo ÿauotaique da lÿatac so Timoteo. Nachi i'auaxaañi da qaÿauo'o naq'en so n'anaxashit na l'oc, cha'ayi nshitaique da na judiopi mayi netañalo se'esoua 'ale'u ishit da ÿaÿamaxadeeta somayi, cha'ayi 'enauac qaÿaÿaten da so lta'a griego l'ec.

Juan 7:17

Da huo'o ca qaica ca i'apigui da i'ot cam 'eetapeguec ñi Dios, nachi camayi ishit da ÿaÿateeta da naua ÿapaxaguenataxanaxaco ÿataqta chigoqtoto ñi Dios, huo'otaq da chochi maichi aÿim chigoqtoto.

1 Juan 2:20

Qalaxayi so Cristo mashi qami' ÿanema so Espíritu Santo, nachi 'enauac da qoñiita huo'o da qadauattonaxanaxaqui.