1 Corintios 2:14 - Nuevo Testamento Toba Sur

¹⁴ Qaq ca shiÿaxaua mayi sa ishit da netanguit so Espíritu, sa ishit da ÿaconguet cam i'ot so n'Espíritu ñi Dios. Cha'ayi camayi da n'axaÿaxaatega, qalaq 'eeta'am naq'en da 'ico' chochi 'oopashic. Sa ishit da ÿaÿaten damayi, cha'ayi da qanmit, qalaq qaiuen da ltaunaxanaxac so Espíritu.

Nuevo Testamento Toba Sombrero Negro

¹⁴ Qalaĝaja ga'me jiyaĝaua jo'ne ja ue'tajop ñe'me Lepaqal joñe'me Dios ja yaqanatet ta'le 'youategueta gaa'me uo'oe jo'ne chiyoqo'oto joñe'me, qa'a ga'me en lelnataĝac queda'me ch'e chiyoĝojoĝoc, ja yaqanatet ta'le yayaten da'me yataqachiñe lajoĝoc da'me dojo', qa'a ga'me ch'e jiyaĝaua ja yaqanatet ta'le naloqoten ga'me jo'ne chiyaqayi ñe'me Dios Lepaqal qom ja naqaeñe uetaue ga'me.

La'aqtaqa Ñim Lo'onatac 'Enauacna 2013

¹⁴ Qaq ca shiỹaxaua, maye saishet da netanguit So Saqcha'a La'añaxac Ñim Lo'onatac 'Enauacna, saishet da ỹaconeguet da napaxaguenataxanaxac maye chegoqo'ot Somaye, cha'aye 'eeta'am naqa'en da choche 'oopashec. Qataq saishet da ỹaỹaten damaye, cha'aye saishet da netanguit So Saqcha'a La'añaxac Ñim Lo'onatac 'Enauacna.

1 Corintios 2:14 Referans Kwoze

1 Corintios 1:18

Cha'ayi da n'aqtaguec da l-leuaxa so Cristo co'ollaq qaiuaxaneuo, 'eeta'am da chochi 'oopashic da hua'axaÿa nam taÿa'a da qanlaxajñi. Qalaxayi qomi' mayi saqa'a da qomi' qanca'alaxatreec, de'eda n'aqtaxanaxac, damayi l'añaxac ñi Dios.

1 Juan 2:27

Qalaxayi qami' mashi qami' netanguita so Espíritu Santo mayi qami' ÿanema so Jesucristo. Qaq sa ishit da iuen da huo'o ca qami' ÿapaxague'n, cha'ayi nachiso som Espíritu qami' ÿapaxaguenque 'enauac na lataxaguesat. Qaq nam lapaxaguenataxanaxacpi somayi ÿataqta 'eesa, qaq sa ishit da saq 'en. Qaq ÿoqo'oyi nachi 'eetai' qome da qan'ayiitau'a so Cristo, cha'ayi nachiqami' ÿapaxaguenque so Espíritu.

1 Corintios 15:46

Qalaxayi de'eda saq cha'a n'oquiaxac sa ishit da nachida da l'auaxanec. Chaqdata da yi'oqchigui. Qaq ÿaqa'aguet dam saq cha'a.

Judas 1:19

Qaq 'ena nam i'ot da iÿodacachi naq'en na shiÿaxauapi, cha'ayi ÿalaxaguet cam 'eetapeguec da lapachiyaxac. Qataq namayipi sa ishit da netanguit so n'Espíritu ñi Dios.

Santiago 3:15

Cha'ayi de'eda naÿajnec sa ishit da nachida da naÿajnec mayi chigoqo'ot ñi Dios. Damayi nachida da naÿajnec lma'na, chigaqaigui da lqopitaxanaqtaic na shiÿaxauapi, qataq nataq'en so shiÿaxaua lma'na.

1 Juan 2:20

Qalaxayi so Cristo mashi qami' ÿanema so Espíritu Santo, nachi 'enauac da qoñiita huo'o da qadauattonaxanaxaqui.

1 Corintios 15:44

Qaq ca qailayiñi, yi'oqchigui n'oquiaxac, qalaxayi qom qanca'alaxateec, nachi huo'o da l'oquiaxac saq cha'a. Cha'ayi da huo'o ca n'oquiaxac yi'oqchigui, qaq nataq'en huo'o ca n'oquiaxac saq cha'a.

1 Corintios 2:12

Qaq qomi' sa ishit da qomi' tanguita da nauattonaxanaxac mayi lma'na, chaqsota so Espíritu mayi chigoqo'ot ñi Dios, nachiso so qomi' tanguita, yaqto' saÿatenaq da 'achiquiaxac mayi qomi' ÿanema ñimayi.

Juan 12:37

Qaq nai'ctaxa da so Jesús ÿataqta qalota na i'ot n'anec mayi sa qaÿauanapega da ÿauaachigui naq'en somayipi, qalaxayi ñaqaiyita sa ishit da qai'amaqten somayi.

Juan 5:44

Qaq ¿táloxochiyictoxo' da qami' ishit da qau'amqajnataxañi, yi ñi 'oonolec da qoñiita maichi ÿaconguet ca lli'oxonnataxanaxac ca maichi 'en'am lÿa, qaq sa ishit da qanmichiÿaique ca ñi'oxoyic mayi chigoqo'ot ñi 'oonolec Dios?

Mateo 16:23

Qalaxayi so Jesús nachi nchimaxañi, nachi 'enapega so Pedro, 'eeta': –¡'Am Satanás, aÿim qoca'ai! Cha'ayi 'am ÿataqta aÿim sa 'aualemaxat. 'Am sa ishit da qoneta'am da lhuennataxac ñi Dios, chaqnata nam shiÿaxauapi mayi qoneta'am.

Juan 14:26

Qalaxayi cam Espíritu Santo, mayi ñi ita'a qami' namaxalo qome, nactaigui naq'en da i'enaxat, da yaqto' qami' itaua'n qataq qami' i'añaqchi't, camayi qome qami' ÿapaxaguenque 'enauac na lataxaguesat, qataq qami' iuennataxanaxanque 'enauac na i'aqtacpi mayi qami' sanoiguilo.

Hechos 16:14

Qaq huo'o aso 'oonole 'alo, l'enaxat Lidia, chigaqa'ague co'ollaxa da la ciudad Tiatira. Qaq asomayi imeetac ana ÿataqta no'on npotoyic nauedalec na ltogaxa. Asá'aso 'alo nachi 'eetai' da quetague' ñi Dios. Nachi asomayi n'axaÿaxaatac, nachi so qadataxala' ÿauatoigui da lquiyaqteÿaxac da yaqto' ÿaconguet dam i'axattac so Pablo.

Juan 8:43

Qaq ¿tá'ainco' qami' yi sa ishit da qauaÿajñi da qami' sa'axattapeguema? Cha'ayi souaxat peta'a da sa ishit da qan'axaÿaxañiÿa dam i'aqtaxanaxac.

1 Corintios 1:23

Qalaxayi qomi' sa'axataqtac da n'aqtaguec so Cristo co'ollaq qaiuaxaneuo. Na judío l'ecpi da hua'axaÿa de'eda n'aqtaxanaxac, nachi ÿataqta da'aguelec. Qaq nam saq judío l'ecpi da hua'axaÿa, nachi 'eeta'am naq'en da chochi 'oopashic.

1 Juan 5:20

Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.

Hechos 25:19

Chaqdata da qancotatapigui dam maichi n'amqajnataxanaxac, qataq cam l'enaxato' Jesús mayi qaÿalauat co'ollaxa, qalaxayi ñi Pablo 'eetega camayi da qaltaq nca'aleec.

Juan 15:26

Qalaxayi qom ivita da anac cam qami' itaua'n qataq qami' i'añaqchi't, cam Espíritu mayi ÿoqta 'eesa, cam qami' ñamaxalo qome mayi chigoqo'ot ñi ita'a, qaq camayi qome aÿim i'axat.

Hechos 18:15

Qalaxayi da aÿim qandoiua'a yi chochi n'aqtac dam qancotaitapigui, qataq dam n'enaxat, qataq nam maichi qanqataxaqui mayi qami' qoÿanema co'ollaxa, qaq ÿoqo'oyi no'on da maichi qau'ochi ca lataxac. Aÿim sa ishit da saÿapegueu'a da so'ot ca lataxac damayi.

Hechos 17:32

Qaq co'ollaq qai'axaÿa de'eda 'eetec da qaltaq nca'aleec na leuaxaicpi, nachi huo'o na daÿalliguittac, qataq huo'o na laÿipi 'eeta': –Qaltaq ñi'axaÿaxanaxa de'eda qom qaltaq 'aupaquejlec da 'au'axat.

Juan 10:20

Nachi qalota somayipi na 'eeta': –¿Tá'ainco' yi qaualaqaitapeeguet damayi, yi huo'o ñi l'ec leguemaxaic, qataq huo'o da aloic?

Hechos 17:18

Qaq huo'o nam shiÿaxauapi mayi napaxagueetega da lapaxaguenataxanaxac nam l'enaxat epicúreos, qataq nam napaxagueetega da lapaxaguenataxanaxac nam l'enaxat estoicos, nachi namayipi n'aqtaxaatague' somayi. Nachi namayipi huo'o na 'eeta': –¿Négue't da qomi' i'axattapeguema dam da' shiÿaxaua? yi ÿapacteec da ltaxaÿaxac. Qataq huo'o na 'eeta': –Damayi 'eeta'am da i'axattapeguec cam lÿa nnatac. Qaq qoÿiitec de'eda, cha'ayi so Pablo i'axattac dam no'on qad'axaÿaxac mayi n'aqtaguec so Jesús qataq da 'eetec da qaltaq nca'aleec ca shiÿaxaua.

Juan 14:17

cam Espíritu mayi ÿoqta 'eesa. Qaq nam shiÿaxauapi mayi huetalec ana 'alhua, namayipi qome sa ishit da ÿaconguet camayi, cha'ayi sa ishit da ila'a, qataq sa ishit da ÿauatton. Qami', qalaxayi qauauattoñi, cha'ayi qami' hueta'agueta, qataq camayi nachi 'eetai' qome da qami' hueta'agueta.

1 Corintios 1:21

Qaq ñi Dios mayi ÿaÿateetalec cam i'ot, ñimayi sa ÿashinem nam huetalecna da huo'otaq ÿachigoxotchigui da maichi lauattonaxanaxac da ÿauatton ñimayi. Chaqdata da ÿauotaique da nca'alaxateec na i'amaqten ñimayi, chigoqchigui naq'en de'eda n'aqtaxanaxac mayi 'ico' 'oopashic naq'en na laÿipi.

1 Corintios 1:25

Cha'ayi na shiÿaxauapi dam ipettega da chochi 'oopashic naÿajnec mayi chigoqo'ot ñi Dios, damayi napacalec da laÿajnaxanaxa nam huetalecna. Qataq dam qaipettega da 'ico' saqca ca l'añaxac mayi chigoqo'ot ñi Dios, damayi napacalec da l'añaxac na huetalecna.

1 Corintios 3:1

Ÿoqta 'eesa, qami' ÿaqaÿa't, da aÿim sa seshit co'ollaxa da setaxaiguilo qami' da se'enaxatteguema ca shiÿaxaua mayi netanguit so Espíritu Santo. Chaqdata da shiita'am ñaq'en qami' ca shiÿaxaua mayi ñaq quetaigui da lapachiyaxac, cha'ayi qami' 'ico' da ñaq nogotolec da qadpi'iÿaxaqui so Cristo.