1 Corintios 16:7 - Nuevo Testamento Toba Sur

⁷ Cha'ayi aÿim sa saÿamaxaden da chochi qami' saÿalguete. Chaqdata da ñishitaique da loiguilo caua na'axa'te da qami' soota'agueta, qom huo'otaq aÿim ÿashiitem so qadataxala' de'eda ÿiquiaxac.

Nuevo Testamento Toba Sombrero Negro

⁷ Qa'a nayi ja jetaque ch'e ami jec'atenaĝanalo da'me ami jayoĝolo'te, dite da'me 'uo da'me yeuataqataĝanaĝac qaedi cada'ac copa'ta da'me ami jouetauelo, qom naq'aeta da'me jayem yanem ñe'me Jaliaĝanec.

La'aqtaqa Ñim Lo'onatac 'Enauacna 2013

⁷ Cha'aye aỹem sa saỹamaxaren da choche qami' saỹaleguete. Chaqrata da ñeshetaique da loiguilo caua na'axa'te da qami' soota'agueta, qom huo'otaq aỹem ỹasheetem So Qarataxala' de'era ỹecỹaxac.

1 Corintios 16:7 Referans Kwoze

Hechos 18:21

Chaqdata da ncoyiguene' somayipi da jec. Nachi 'eetega, 'eeta': –Aÿim huo'o da iyaxa da sovita yi Jerusalén, da yaqto' salectauo ca naponaxac mayi naÿa'cna. Qalaxayi huo'o qome ca na'a'q da aÿim qaltaq qami' ñi'iguelaxalo, qom huo'otaq aÿim ÿanem ca ÿiquiaxac ñi Dios. Nachi somayi huenoteuo, chigoqchiguiña yi Éfeso.

Santiago 4:15

Da qad'aqtaquíctaxa 'eeta': “Da nachida ÿaÿamaxadeeta ñi qadta'a Dios, qaq ñachaataqtague' da so'otaq de'eda, huo'o chaq de'eda lÿa.”

1 Corintios 4:19

Qalaxayi saqaÿaloq da qami' ñauaneto, qom aÿim ÿanem ca ÿiquiaxac so qadataxala'. Hua'a, qanachi ishit da saÿaten chaq 'eetec da l'añaxac que'eca ñi'oxonnaxaicpi, yaqto' sa ishit da chaqdata da l'aqtac mayi qai'axattac.

2 Corintios 1:15

Qaq 'eda da sepe'etalec co'ollaxa. Qaq ÿoqo'oyi huo'o da iuennataxa da sa'auaxaañi da qami' ñoqo'onalo, da yaqto' qauamaichiguiñi da dos da shi'iguelaxalec da qami' ñamaqtegalo.

Romanos 1:10

Qaq sa i'atai' da seÿaxaatacot ñi Dios da maichi chigoqchigui ñimayi da ishit da aÿim ÿanem ca na'a'q da ishit da qami' ñamaqtegalo.

Mateo 3:15

Qalaxayi so Jesús 'enapeco': –Qalaxayi nagui no'on da 'auauaqta'a da nachi shinaqtec de'eda. Cha'ayi ÿaÿamaqchiguiñi da qomi' so'otaq 'enauac nam 'eetapeguecpi ñi Dios. Nachi so Juan ÿaÿamaxadeeta.