1 Corintios 16:2 - Nuevo Testamento Toba Sur

² Da iviteuga ca na'a'q l'auaxanec naua la semana, nachi ñi 'oonolec da qoñiita huo'o aca iÿotauga, qalaxayi acatai' nalotau'a nachaca ÿaÿamaxat, yaqto' sa ishit da iuen da qai'ot aca ntaunaxanaqte qom qami' sevitalo.

Nuevo Testamento Toba Sombrero Negro

² Jalcote 'noota ta'le nalochiguilo naa'me noloqo'ote 'me niyamaqataqa da'me onolqa'tape yiyota'a jaga'me naicaua, onole jaga'me yiyota'a jaga'me lomataĝanaqate nale yenoĝonegue ga'me semana, qama'le yiyamaĝat. Chane'eja qom ami jovitalo, qama'le ja jouetaque ta'le japetena't jaga'me nachetaqataĝanaqate.

La'aqtaqa Ñim Lo'onatac 'Enauacna 2013

² Da iviteuga ca na'a'q la'auaxanec naua siete na'axa'te, nache ñi 'oonolec da qoñiita huo'o aca iỹotauga, qalaxaye acatai' nalotaua'a nachaca ỹaỹamaxat, yaqto' saishet da iuen da ỹoltaq qaime'eguet da qalapootega't aca ntaunaxanaqte qom qami' sevitalo.

1 Corintios 16:2 Referans Kwoze

Hechos 20:7

Qaq so l'auaxanec na'a'q naua na'axa'te, nachi huo'o so qalaponaxac, da yaqto' sachiguenaq ana pan. Nachi so Pablo ÿapaxagueetac na 'amqajnataxanaxaicpi. Qaq cha'ayi somayi huotaique da jec so lÿa na'a'q, nachi ÿataqta quetot da l'aqtaxanaxac, chochi ivitta'a da laiñi so pe.

Lucas 16:10

Cam 'onaxaic da n'aqtaguec souaxat cam saq 'amaqtaq mayi ilotague', qaq nachi 'en'am no'on da n'aqtaguec da ilo'ogue ca qalota; qaq cam qauem da n'aqtaguec da ilotague' cam saq 'amaqtaq, qaq nachi 'en'am qauem da n'aqtaguec da ilo'ogue ca qalota.

Apocalipsis 1:10

Qaq huetoigui so na'a'q mayi laloxoqui da qaÿi'oxoden so qadataxala', co'ollaq aÿim nvita da sootaigui da l'añaxac so Espíritu Santo. Nachi sa'axaÿa co'ollaxa so lta'adaic nvilÿaxac, chimaxague na ilaq, 'eeta'am na l-lamaxa ana nashiide.

Juan 20:19

Qaq se'eso na'a'q mayi l'auaxanec naua na'axa'te co'ollaq mashi pe, nachi soua napaxaguenataqa, soomayi lapoota'a't. Qaq ÿataqta ÿapochiyigui so lasom, souaxat da qañi'itega na judiopi. Nachi so Jesús pa'auo, nachi vichiguinguilo na laiñi soua lapaxaguenataqa. Nachi iqui'n, 'eeta': –Qami' huo'o qome da qadlagaxayiqui.

Lucas 24:1

Qaq co'ollaq ña nte'etom so l'auaxanec soua na'axa'te, nachi som 'alpi nqo'oneuga aso huachiqui, qaÿachitac som codaxat mayi qaÿaqataxaatapigui'. Qataq huo'o so laÿipi 'alpi qannaictague'.

Juan 20:26

Qaq co'ollaq mashi ivi' naua ocho na'axa'te, nachi soua napaxaguenataqa qaltaq lapoota'a't da huetra'a so noÿic, nachi ÿalectauo so Tomás da hueta'agueta soomayi. Qaq nai'ctaxa da ÿataqta ÿapochigui so lasom, qalaq so Jesús pa'auo, nachi vichiguinguilo soomayi. Nachi iqui'n, 'eeta': –Huo'o qome da qadlagaxayiqui.

Marcos 14:8

Ada'ada 'alo, adamayi i'ot dam nalotau'a. Adamayi icodelec da i'oquiaxac so codaxat, llaxatemallaxa da saxanaxa da aÿim qailayiñi.

2 Corintios 8:10

Qaq qami' sanema de'eda iuennataxac, yaqto' saqca ca da da qoñiita. Qami' so lÿa vi'i sogote da qau'ochiitac de'eda. Qaq saqdata da qau'ochiitac damayi, cha'ayi ÿataqta huo'o da qadhuogoqoi.