1 Corintios 16:15 - Nuevo Testamento Toba Sur

¹⁵ Qaq nagui, qami' ÿaqaÿa't mayi qoñiitaña na 'alhua Acaya, mashi qauaÿajñiita da na llalaqpi na Estéfanas da nachina na l'auaxanecpi da da'amqajnataxan da qoñiita, qataq namayipi ÿataqta nañanguet da itauan na qadqaÿañicpi 'amqajnataxanaxaicpi.

Nuevo Testamento Toba Sombrero Negro

¹⁵ Ami yaqaya'olqa, joote auayachiñe queda'me Estéfanas nataq'aen gaa'me 'lachaqa' laje' nach'egaua 'uaediñe ga'me jiyaĝadipi di'me aleua Acaya jo'ne yacoteguet da'me 'laqataĝanaĝac ñe'me Jesucristo, nataq'aen nach'egaua yauote da'me qaedi lecochiyalo joga'me p'etaqadaiquipi.

La'aqtaqa Ñim Lo'onatac 'Enauacna 2013

¹⁵ Qaq nagui, qami' ỹaqaỹañicpi maye qoñiitaña na 'alhua Acaya, mashe qauaỹaañita da na Estéfanas qataq naua llalqa, nachenaua naua la'auaxanaqa da da'amqaanataxa'n da qoñiita, qataq naamaye ỹataqta nañaareguet da itauan na laỹepi qarqaỹañicpi 'amqaanataxanaxaicpi.

1 Corintios 16:15 Referans Kwoze

1 Corintios 1:16

'Eesa nataq'en da ÿachilaxanatac na lauo' l'ecpi ca Estéfanas, qaq sa ishit da ñitounec da huo'otaq huo'o ca lÿa ÿachilaxanatac.

Romanos 16:5

Nataq'en samaxa da iquinaxanaxac ca qadqaÿañicpi mayi natamnaqa' yi lma' aca Priscila qataq ca Áquila, qataq nataq'en ca ñauochaxaua ÿaqaÿa Epéneto mayi nachica ca l'auaxanec da i'amaqten so Cristo nam lma' yi Acaya.

1 Pedro 4:10

Qataq ñi 'oonolec ÿataqta iloteguet ca nshitaxat mayi ÿanem ñi Dios da do'onataxaalec na laÿipi, qoñiita'am ca ÿataqta ÿaÿaten da ilo'ogue na ÿotta'a't lachitaqtaxanaxatpi ñi Dios.

2 Corintios 9:1

Qaq de'eda lataxac da qai'ot aca ntaunaxanaqte da yaqto' qaitauan ca qad'amqajnataxanaxaua, qalaq damayi sa ishit da iuen da shiyiñi.

2 Corintios 8:4

Qataq ÿataqta qomi' nachoxodeetapoiguilo da sauaxasoqta'a da nhuanau'a de'eda ntaunaxanaxac da qaitauan ca qadqaÿañicpi.

Romanos 16:2

da ÿataqta qauacoñiiguet, cha'ayi acamayi lalamaqte so qadataxala'. 'Eeta'am qanqashiñi da 'eetec na nqaÿañicpi da ÿaconguet ca l'amqajnataxanaxaua. Qataq ÿataqta qautauañi da huo'o ca iueetac, cha'ayi acamayi ÿataqta qalota na itauan, ivida'a nataq'en aÿim.

Romanos 15:25

Qalaxayi nagui aÿim satapeegue da Jerusalén da sedo aca ntaunaqte cam qadqaÿañicpi mayi netaña yimayi.

Romanos 12:13

Qataq qautauañi ca qad'amqajnataxanaxauai da huo'o ca lhuenaxanaxa, qataq ÿataqta qauloÿiguet ca qanamaxasoxoiqui.

Apocalipsis 14:4

Qaq somayipi nachiso som sa ishit da ÿauana aca 'alo, qaq ÿataqta qui'itta. Qataq somayipi nachi ca'attapiguiñi' som qagueta llalec cam dataigue. Somayipi qaÿachigoxottaigui co'ollaxa na shiÿaxauapi mayi huetalec ana 'alhua da qanca'alaxateec, 'eeta'am qanqoÿin aca l'auaxana nachitaqtaxanaqte da qoÿanot ñi Dios qataq so qagueta llalec.

Hebreos 6:10

Cha'ayi ñi Dios sa ishit da huo'otaq sa ipaguelec ca l'aqtac. Qataq ñimayi sa ishit da icoua'ai da qad'onataxanaxaqui qataq da qadauotaxanaqtaiqui nam qadqaÿanquiipi mayi qad'amqajnataxanaxauaipi, dam ña qoquiito'ot nagui da qau'ochiitac.

Filemón 1:7

Qaq ÿoqo'oyi aÿim ÿataqta samachiguiñi qataq huo'o da i'añaxac souaxat da 'adauotaxanaqtaic, cha'ayi 'am ÿaqaÿa, ÿataqta 'am chigoqchigui da huo'o da l'añaxac da lquiyaqteÿaxac 'enauac na qadqaÿañicpi.

1 Timoteo 5:10

Qataq qaÿauattoota da l'onataxanaxac ÿaÿamaqchiguiñi. Qaq 'eda da n'aqtaguec acamayi: Da ÿataqta no'on da lco'oxoc, qataq da ilo'oguet ca namaxasoxoic, qataq qaica ca huotaique da huapegue' na 'amqajnataxanaxaicpi, qataq da huo'otaq mashi itauaatac da huo'o ca huetapigui ca lÿa, qataq da huo'o ca lÿa l'onataxanaxac ÿaÿamaqchiguiñi.

1 Corintios 16:17

Ÿataqta ñitootapeguec da nvilda'a na soota'a na Estéfanas, qataq na Fortunato, qataq na Acaico, cha'ayi naamayi ishit da i'o't dam sa qauañoxochi, souaxat da qomi' qaÿoqtachi.

Romanos 15:31

da yaqto' ñimayi aÿim nca'alaxateeguesop nam sa da'amqajnataxanpi mayi netaña yi Judea, qataq yaqto' aca ntaunaxanaqte mayi seda'a ca qadqaÿañicpi mayi netaña yi Jerusalén ishit da saqca ca da qom qaÿaconguet,

Hechos 18:12

Qalaxayi so na'a'q co'ollaq lta'a nam netaña yi Acaya so l'enaxat Galión, nachi na judiopi huaxaÿa't da qanpa'aguena so Pablo. Nachi qaÿaconeu'a somayi da qaÿauegueu'a aca l'onataxanaxaqui so nta'a.

1 Corintios 16:1

Qaq qom qau'ochi aca ntaunaqte na qadqaÿañicpi 'amqajnataxanaxaicpi, qalaq qau'enaxachiichigui da ÿapaxaguenataxanaxac mayi sanem na 'amqajnataxanaxaicpi mayi netaña yi 'alhua, l'enaxat Galacia.