1 Corintios 16:11 - Nuevo Testamento Toba Sur

¹¹ Ÿoqo'oyi qaica ca 'oonolec da qoñiita da i'otan somayi. Chaqdata da qautauañiic da lliquiaxac, yaqto' qaica ca da. Cha'ayi seuattaique camayi nataq'iñi caua lÿa't qadqaÿa't da yaqto' ñauaneto.

Nuevo Testamento Toba Sombrero Negro

¹¹ Chane'eja 'noota qom qaya'te gamachaqaega ami ta'le 'yotan ñe'me, dite da'me alecochiiya qaedi 'uo da'me 'lemaĝac qom yitaĝa ya'uo leuoĝoc, qaedi jayem nec'atenaĝana, qa'a jeuatetaque, nach'e naq'aeta naa'me qadecochaĝa'u jena'me jenjo'.

La'aqtaqa Ñim Lo'onatac 'Enauacna 2013

¹¹ Ỹoqo'oye qaica ca 'oonolec da qoñiita da ỹo'otan somaye. Nachaqrata da qautauñic da llecỹaxac, yaqto' qaica ca da. Cha'aye seuattaique somaye nataqa'en caua lỹa't qarqaỹa't da yaqto' ñauaneto.

1 Corintios 16:11 Referans Kwoze

1 Timoteo 4:12

Qataq 'antel-la't, yaqto' sa ishit da 'am qanamattaña, souaxat da ñaq 'am nsoqolec. Chaqdato' da 'am laloqnaxanaxat na 'amqajnataxanaxaicpi souaxat da ÿaÿamaqchiguiñi 'adtaxaÿaxac, qataq da no'on 'iquiaxac, qataq da 'adsoxoyic, qataq da 'adataxac, qataq da 'adpi'iÿaxac, qataq da qui'itta n'aqtaguec da 'anachaalataxac.

Hechos 15:33

Qaq co'ollaq mashi qaÿata'aguelo soua na'axa'te, nachi so nqaÿañicpi ncoyigueetagueto soomayi da ÿi'iguela'q. Nachi qoÿanema da ÿataqta ÿachitreec da l-lagaxayi'c, da yaqto' ÿi'iguelaxalo som lamaxa'shi soomayi.

Tito 2:15

Qaq 'eda qome da 'auapaxaguenataxanec. Ÿataqta 'au'añaqtaxan, qataq 'anloqteneec ca shiÿaxaua. Ÿataqta sa 'aldetalec da 'au'axat de'eda, yaqto' sa ishit da 'am qanamattaña.

1 Corintios 16:10

Qom qami' nvitalo ca Timoteo, qaq ÿataqta qanpogoxoiñiÿapegue' da machiguiñi qanqashiñi, yaqto' qaica camachaqca. Cha'ayi somayi i'ottac da l'onataxanaxac so qadataxala', 'eeta'am aÿim.

1 Corintios 16:6

Qaq huo'otaq cada'ac da qami' soota'agueta, huo'otaq sovidaxatteec na n'omaxa da qami' soota'agueta, nachi qom ime, qaq ishit da aÿim qautauañi da ÿiquiaxac cam sata'ague.

3 Juan 1:6

Cha'ayi namayipi da'aqtaxaatapeguem 'enauac na 'amqajnataxanaxaicpi ne'ena soota'a, i'axattac da 'adauotaxanaqtaic. Qaq ÿoqo'oyi aÿim 'anqouaguec qome da 'autaunec namayipi ca lhuenaxanaxa, yaqto' ishit da qaltaq cot da lliquiaxac. Qalaxayi ca 'adtaunaxanaxac ÿataqta ÿaÿamaxadeeta 'anqa'en ñi qadta'a Dios.

1 Ts 4:8

Qaq ÿoqo'oyi ca n'otane' de'eda napaxaguenataxanaxac, camayi sa ishit da i'otan ca chochi shiÿaxaua deto. Cha'ayi nachiñi ñi Dios i'otan, ñim qomi' ÿanema so Espíritu Santo.

Lucas 10:16

Qaq ca qami' n'axaÿaxanalo, qaq nachaÿim aÿim n'axaÿaxana, qaq ca qami' sa ÿacongueta, qaq nachaÿim aÿim sa ÿaconguet. Qaq ca aÿim sa ÿaconguet, qaq nachiñi ñi aÿim namaq ñim sa ÿaconguet.

Hechos 15:3

Nachi so 'amqajnataxanaxaicpi mayi netaña yi Antioquía ÿama'q soomayi. Qaq da lliquiaxa'c soomayi nachi tatrelec yi 'alhua Fenicia qataq yi 'alhua Samaria. Nachi i'axatta'pe da 'eetec nam saq judiopi da ÿalat da toguishic l'amqajnataxanaxac, nachi quegue ñi Dios. Nachi 'enauac na 'amqajnataxanaxaicpi ÿataqta huo'o da ntonaxac, souaxat de'eda l'axaÿaxac.

2 Corintios 1:16

Tatapigui iuel da qami' satelguete co'ollaq ñanaÿa'ague na Macedonia. Qaq da shi'iguelaq, nachi ltaq saÿalguete da qami' ñamaqtegalo, yaqto' qami' ishit da aÿim qautauañi, qom ivita da saigue da Judea.