1 Corintios 15:57 - Nuevo Testamento Toba Sur

⁵⁷ Qalaxayi saqalota da qan'achic ñi Dios da qomi' ÿanema da sauegaxanaq, chigoqchigui naq'en so qadataxala' Jesucristo.

Nuevo Testamento Toba Sombrero Negro

⁵⁷ Qalaĝaja, ¡janemaĝam qadamaic ñe'me Dios, qa'a ñe'me qo'mi yanema da'me qadomataĝanaĝac, chiyaqayi ga'me jo'ne 'lonatac ca'li ñe'me mach'e Qadejaliaĝanec Jesucristo!

La'aqtaqa Ñim Lo'onatac 'Enauacna 2013

⁵⁷ Qalaxaye sanaqot da qana'achec Ñim Lo'onatac 'Enauacna da qomi' ỹanema da ishet da sauegaxanaq, chegoqchigui naqa'en So Qarataxala' Jesucristo.

1 Corintios 15:57 Referans Kwoze

2 Corintios 2:14

Qaq ÿoqo'oyi qomi' sanqot da qan'achic ñi Dios ñim chigoqchigui naq'en so Cristo Jesús da qomi' 'añaxaiqa, qataq chigoqchiguilo naq'en qomi' da qaÿaÿaten da n'aqtaguec somayi. Qaq damayi 'en'am da no'on alaitaÿaxac mayi huaÿoxoneec 'enauaque naua 'ale'u.

Romanos 8:37

Qalaxayi 'enauac namayipi senoxotaqchiviigui. Chaqdata da ÿataqta qomi' 'añaxaiqa, da qad'añaxac chigoqchigui som qomi' lauotaqa'te.

Apocalipsis 12:11

Cha'ayi na qadqaÿañicpi loxonec somayi, qaÿachigoqchiguilo naua ltago'q so qagueta llalec, qataq souaxat da n'aqtac mayi i'axattac. Cha'ayi namayipi ÿataqta sa ishit da ñi'itac, qataq qaica ca ÿictega da nai'ctaxa da ileutalec damayi.

Juan 16:33

Qaq aÿim qami' sa'axatema 'enauac de'eda, yaqto' huo'o da qadlagaxayiqui da aÿim qan'ayiitau'a. Qami' ana 'alhua mayi qoviitalec huo'o qome da qanque'ejnaxaqui. Qalaxayi qan'añaxachi qome, cha'ayi aÿim mashi sogote da ÿoxonec nam 'onataxac mayi huetalec ana 'alhua.

2 Corintios 9:15

Qomoxochictaxa qone', ¡sanqot da qan'achiquiaxac ñi Dios, cha'ayi ñimayi ÿataqta lta'adaic da qomi' ÿanema qan'achiquiaxac, qaq damayi sa ishit da sañoxotaq da sa'axataq ca naigui!

Efesios 5:20

Qataq nachi 'eetai' qome da qai'añiitacot da qantonaxaqui ñi qadta'a Dios souaxat 'enauac na lataxaguesat, cha'ayi qami' qoviito'ot so qadataxala' Jesucristo.

Romanos 7:25

Qaq nachaqñita ñi Dios mayi ishit da ÿachigoxotchigui naq'en so qadataxala' Jesucristo. ¡Ñi'achic ñi ita'a Dios! Qaq ÿoqo'oyi aÿim nagui saÿateeta da ÿataqta ñañanot da so'ot na lqataxacpi ñi Dios. Qaq dam yi'oqchigui ÿapachiyaxac, qalaxayi l-latac dam lamaxasoxonaxac dam ñi'itaxaloxo.

2 Corintios 1:11

lamaaxa da qomi' qautauañi', qomi' qanqouagaxauñiitalguete. Qaq da saqalota na shiÿaxauapi qomi' nqouagaxaueetalguete, qaq nachi 'en'am saqalota na ÿaatacot da n'achiquiaxac ñi Dios souaxat da lqouagaxanaqtaic mayi qomi' ÿanema.

1 Corintios 15:51

Qalaxayi ñishitaique da qauaÿajñi de'eda saq cha'a da sa ishit da 'enauac da seleuaq, qalaxayi 'enauac qome da qomi' qanadalaxa't.

Hechos 27:35

Qaq co'ollaq 'enapec de'eda so Pablo, nachi ÿacona aso pan, nachi ÿaatacot da n'achic ñi Dios, ÿauaachigui 'enauac somayipi. Ime, nachi ncolaxajñi aso pan, nachi deque'e.

Hebreos 2:14

Ca ñalaqpi mayi 'oonolec ca qaÿachigoxoigui, camayipi 'eeta'a't da l'oquiaxac qataq naua ltago'q. Qaq nachi 'eetec nataq'en so Jesús, somayi da l'oquiaxac qataq naua ltago'q chigoqchiguilo na shiÿaxauapi, yaqto' somayi ishit da ileu, huaña, nachi nlaxajñi som hueto'ot da n'añaxac da dalaataxan, som shiÿaxaua mayi lma'na.

Apocalipsis 21:4

Nachi ñimayi iÿodeec 'enauaque naua lachi' namayipi. Huaña, nachi sa ishit da ileu ca shiÿaxaua, qataq sa ishit da noÿiitac, huo'otaq da n'alaqtapiguiñi, huo'otaq da huo'o da nqui'ic. Cha'ayi 'enauac na seloqtaigui nagui 'enauac imeuo.