1 Corintios 15:52 - Nuevo Testamento Toba Sur

⁵² Qalaxayi ÿataqta nque'elaxatta qome de'eda, 'eeta'am da 'oonolec nqachigoxoñi ca shiÿaxaua, qom qai'axaÿa aca pa'ateec nashiide. Qom qaÿashiidaxaalecna, nachi na leuaxaicpi nca'aleec qanqoÿin. Huaña, qanachi sa ishit da lta ileu. Qaq qomi', nachi qomi' qanadalaxa't.

Nuevo Testamento Toba Sombrero Negro

⁵² Dojo' 'uo yataqachiñe nepelaĝat qomle, ena'am ta'le qanaqategoĝoñi qom qodomachiya jaga'me najeede jo'ne p'ategue. Qa'a qom yejam jaga'me najeede qama'le dia'me joote yele'u male qo'niyelaĝachidijeguem, nataq'aen male ja yitaĝa yele'u, nataq'aen qo'mi queda'me maliaĝa qadec'aletaye male qo'mi qoyeleguemaĝa't qomle.

La'aqtaqa Ñim Lo'onatac 'Enauacna 2013

⁵² Qaq ỹataqta nque'elaxatta qome de'era, 'eeta'am da 'oonolec nqachegoxoñi ca shiỹaxaua, qom qaỹa'axaỹa aca pa'atec nasheere. Qom qaỹasheeraxalecna, nache na leuaxaicpi nca'alec qanqa'en. Huaña, nache saishet da qaltaq ileu. Qaq qomi' maye sa'amaqtenaqtac So Cristo maye ñaq ñeca'alaqtauec qomi' qanaralaxa't.

1 Corintios 15:52 Referans Kwoze

Mateo 24:31

Nachi ÿamaq qome na lamaxashicpi piguem l'ecpi, da yaqto' n'axannec na l-lamaxa ana lashiide da dashiidaxan, da yaqto' lapona't 'enauac na lca'aguishicpi mayi neta'aguelo naua cuatro llico na l'at. Qaq 'enauac namayipi ÿachigoxottalo naua loga'te ana 'alhua.

Juan 5:25

Qataq ÿataqta 'eesa de'eda qami' sa'axatema, da nagui mashi ivita yi laloqo', qaq nachina nagui na huetoigui da nam leuaxaicpi, da huo'otaq hua'axaÿa da lavilÿaxac na llalec ñi Dios, nachi cam ÿalaq nachi nca'aleec.

Juan 5:28

Qaq sa ishit qome da qau'aalaic de'eda, cha'ayi huo'o qome ca laloqo' da 'enauac na leuaxaicpi, da hua'axaÿa da lavilÿaxac namayi,

2 Pedro 3:10

Qalaxayi que'eca lli'iguelaxasoxoc so qadataxala' ivita qom sa qalligueme da taÿapigui yi nhuel, 'eeta'am ca cachaxaic da quetagui yi pe. Huaña, nachi na piguem nlaguiñi, ÿataqta qaica ca 'en'am ca l-lamaxa. Nachi nam hueto'ot na piguem ÿavigaxat que'eca nodec, nataq'en ana 'alhua, qataq 'enauac nam huetalec.

1 Corintios 15:42

Qaq nachi 'eetec nataq'en qom qanca'alaxateec na leuaxaicpi. Cam qailayiñi, taÿa'a da nlaguiñi, qalaxayi qom qanca'alaxateec, nachi sa ishit da ileu.

Apocalipsis 8:13

Qaq can ime, nachi qaltaq ñamatashiguem, nachi sa'axaÿa so namaxashic piguem l'ec huaÿotac, hueto'ot na piguem ÿataqta nlamaxaden da detaqtac. 'Eeta': –¡Aicoue! ¡Ÿataqta choxodaxaso' na netalec ana 'alhua, qom ivita da ÿashiiyigui aca nashiide caua lÿa't tres namaxa'shi piguem lashi'!

1 Corintios 15:50

Qami' ÿaqaÿa't, da sauotaique da qami' sa'axatema 'eeta': de'eda yi'oqchigui qad'oquiaxac sa ishit da inoxoneu'a ca l'onataxanaxac ñi Dios mayi ñaq natai'. Cha'ayi ca ishit da nlaguiñi, sa ishit da taÿapegueu'a cam qaica ca loga't.

Apocalipsis 8:2

Ime, nachi sela'a so siete namaxashic piguem l'ecpi nachattañi, datatau'a yi nso'onqa' ñi Dios. Nachi somayipi qoÿami' aso siete nashiidepi.

1 Corintios 15:23

Qalaxayi ñi 'oonolec ÿataqta ca maichi lalamaxat lliquiaxac. So Cristo mashi sogote l'auaxanec da nca'aleec qanqoÿin. Ime, qaltaq jec na lalamaxatpi, qom ñi'iguelaq somayi.

1 Ts 4:15

Qaq ÿoqo'oyi de'eda sa'axataqtapeguema qami', damayi l'aqtac so qadataxala' Jesús, da qomi' mayi ña ñica'alaqtauec qom ñi'iguelaq somayi, sa ishit da qomi' datalguete nam mashi qanmataxanaxaneec.