1 Corintios 15:45 - Nuevo Testamento Toba Sur

⁴⁵ Qaq ÿoqo'oyi 'ena'pe naua ñiyigui'shi l'aqtaqa ñi Dios: “So hua'auchiguiñi shiÿaxaua, l'enaxat Adán, co'olla qai'ot, nachi ÿataqta qoÿanagui da nca'altauec qanqoÿin.” Qalaxayi so Cristo som pa'ateec Adán, nachiso som saq cha'a mayi ishit da deca'alaqtaxan.

Nuevo Testamento Toba Sombrero Negro

⁴⁵ Nach'e ena'am naq'aeta da'me qoyediñe ca'li naa'me nedii's jo'ne 'laqatac ñe'me Dios, eet'oi: “Ñe'me 'uaeñe jiyaĝaua 'me lenaĝat Adán, ca'li qoye'et qama'le qoyanem da'me yataqata nec'aletaye qoyen.” Qalaĝaja ñe'me Adán jo'ne p'ategue, dojo' nach'eñe Cristo, qamqa'me nach'eñe yanegue da'me 'noyaĝac jo'ne chiyaqayi ñe'me Dios Lepaqal.

La'aqtaqa Ñim Lo'onatac 'Enauacna 2013

⁴⁵ Qaq ỹoqo'oye ana nere maye huetalec na la'aqtacpi Ñim Lo'onatac 'Enauacna 'eeta': «So hua'auchiguiñi ỹale, le'enaxat Adán, nacheso so la'auaxanec da huo'o da lca'alaxa.» Qalaxaye So Cristo som pa'atec Adán, nacheso som saqcha'a maye ishet da ỹan da nca'alaxa.

1 Corintios 15:45 Referans Kwoze

Juan 5:21

Cha'ayi de'eda 'eetec da ñi ita'a da ishit da qaltaq nca'alaxateec ca leuaxaic, nachi ÿanem da lca'alaxa, qaq nachi 'eetec nataq'en nam llalec da ishit da ÿanem da lca'alaxa cam tajlec da ÿanem.

Romanos 8:2

Cha'ayi dam l'añaxac so Espíritu mayi ÿan da achaalataxac, damayi aÿim huesoueguesop naq'en da l'añaxac da ñi'itaxaloxo qataq da nleuaxa, chigoqchigui naq'en da mashi qan'attau'a so Cristo Jesús.

Juan 6:63

Som Espíritu, nachiso so chigoqo'ot da nca'alaxa; qaq dam yi'oqchigui n'oquiaxac, damayi sa ishit da huo'o ca chigaqaigui. Qaq dam shinapec, damayi ÿataqta 'eesa, qataq chigoqo'ot so Espíritu, qataq damayi chigaqaigui da nca'alaxa.

Juan 14:6

Nachi so Jesús 'enapega somayi, 'eeta': –Aÿim mayi nachaÿim nqa'aic, qataq nachaÿim 'eesa lataxac, qataq nachaÿim nca'alaxa. Saqca ca lÿa ñigueuo da qainoxoneu'a ñi ita'a, nachaqaÿimta.

Juan 6:57

Ñim ita'a mayi aÿim namaq, ñimayi huo'o da lca'alaxa, nachi de'eda ica'alaxa chigoqo'ot ñimayi. Qaq nachi 'eetec nataq'en ca aÿim chic, nachi camayi aÿim ÿachigoxoto'ot da lca'alaxa.

Juan 6:33

Cha'ayi acam pan mayi ÿan ñi Dios, nachaca acam chigoqtot na piguem mayi anac da ÿanem da lca'alaxa na shiÿaxauapi.

Juan 6:54

Qaq ca chic da i'oquiaxac qataq nÿomguilo naua itago'q, nachi huo'o da lca'alaxa mayi chochaq tateec. Nachi camayi qaltaq ñica'alaxateec ca pa'ateec na'a'q.

Apocalipsis 22:17

Qaq so Espíritu Santo qataq aso huotaique da lhua so qagueta llalec 'eeta': –Ña 'auanac. Qaq cam hua'axaÿa de'eda n'aqtac, qaq nataq'en 'eeta': –'Auanac. Qaq cam ilem na laquip, qaq da nshapeque da nÿom, qaq no'on da anac, nachi nÿomgui ca 'etaxat mayi chigaqaigui da nca'alaxa. Qaq camayi chochi qoÿaachi'.

Apocalipsis 22:1

Nachi so namaxashic aÿim ÿachaxana so tala mayi chigoqtapoigui da nca'alaxa na l'ec 'etaxat. Somayi 'eeta'am na chauec, ÿataqta yi'oqchiguiñi. Qaq somayi chigoqteu'a ca nso'onqa' ñi Dios qataq so qagueta llalec.

Apocalipsis 21:6

Qataq aÿim 'enapega, 'eeta': –Mashi sogote da ime. Aÿim mayi nachaÿim l'atchiguiñi qataq sepa'ateec, shiita'am aca l'auaxana ana leetrapi qataq aca pa'ateec. Qaq cam ilem na laquip, qaq aÿim sanem ca 'etaxat mayi chigaqaigui da nca'alaxa mayi chigaqangui acam npaxaatashiguem na l'ec. Qaq camayi chochi qoÿaachi'.

Colosenses 3:4

Cha'ayi so Cristo nachiso so qanachaalataxac. Qaq qom ivita da ñi'iguelaq da nachaxan, nachi qami' nataq'en qanachaxañi. Nachi qanhuañiÿau'a da lli'oxoyic somayi.

Filipenses 3:21

Qaq somayi nadalaxat qome da qad'oquiaxac mayi taÿa'a da ileu, da yaqto' 'eeta'am naq'en dam l'oquiaxac mayi ÿi'oxodaic. Qaq nachida qome de'eda l'añaxac da ilo'ogue 'enauacna da do'onataxana.

Romanos 5:21

Cha'ayi dam 'eetec da nasouaxashit co'ollaq ÿataqta huo'o da l'añaxac da ishit da dalaataxan, qaq nachi 'eetec nataq'en da qomi' ÿaÿamaxadeete' ñi Dios, nachi de'eda lqouagaxanaqtaic ñimayi ÿataqta huo'o da l'añaxac da qomi' ÿanema da achaalataxac mayi qaica ca loga't, chigoqchigui naq'en so qadataxala' Jesucristo.

Romanos 5:17

Cha'ayi de'eda nleuaxa da huo'otaq chigoqchigui da lasouaxashit so 'oonolec shiÿaxaua da ÿataqta huo'o da l'añaxac co'ollaxa, nachi ¿táloxochiyictoxo' da saq 'eetec nam shiÿaxauapi mayi chochi ÿaatem ñi Dios da ishit da ÿaÿamaxadeeta? Namayipi ishit da huo'o da l'añaxac dam dalaxaic achaalataxac mayi chigoqchigui so 'oonolec shiÿaxaua Jesucristo.

Hechos 3:15

Qaq 'eda da 'eetec da qami' qaualauachi som chigoqo'ot da achaalataxac. Qalaxayi ñi Dios qaltaq nca'alaxateec somayi, qaq 'enauac de'eda qomi' sauanaqchigui.

Juan 14:19

Qaq mashi yaqta'a da ivita yi laloqo' da na shiÿaxauapi qome sa ishit da aÿim ila'a, qalaxayi qami' qome qalaq aÿim qauloita'a. Cha'ayi qanca'alliitauec, cha'ayi aÿim ñica'altauec.

Juan 10:28

Qaq aÿim sanem da lca'alaxa mayi chochaq tateec anamayipi. Huaña, nachi sa ishit da ileu, qataq sa ishit da huo'o ca ishit da nqateeguesop da iuaqÿaxac anamayipi.

Juan 10:10

Ca cachaxaic da anac, qalaq chaqdata da huo'o ca decachiÿa qataq da huo'o ca ÿalauat qataq da huo'o ca nlaxajñi. Aÿim, qalaxayi ñanac, da yaqto' huo'o da lca'alaxa anamayipi, qataq da chochaq huañi de'eda lca'alaxa.

Juan 6:68

Qalaxayi so Simón Pedro 'enapeco': –'Am ÿataxala', ¿negue'tom ca lÿa soqolaxague? Yi nachi'amta mayi naua 'ad'aqtaqa naamayi chigaqaiguilo da achaalataxac mayi chochaq tateec.

Juan 4:14

Qaq cam nÿomgui ca 'etaxat mayi sanem, camayi sa ishit da ÿi'iguelaxalec da huo'o na laquip. Cha'ayi cam 'etaxat mayi sanem, camayi ÿataqta npaxaatashiguem, 'eeta'am na l'auaxac pa'ataigui camayi. Qaq nachica ca ividaxata'a cam nca'alaxa mayi chochaq tateec.

Juan 4:10

Nachi so Jesús 'enapeco': –Nashíctaxa da 'am 'auauatton cam ÿan ñi Dios, qataq nam 'am iÿaxaatacot ca laquip, nachi yi'oqtáctaxa da 'am ishit da aÿim 'auÿaxanot, nachi aÿímctaxa 'am sanem ca 'etaxat mayi npaxaatashiguem.

Juan 1:4

Qaq somayi nachiso so chigoqchigui da nca'alaxa, qaq de'eda nca'alaxa nachida da yi'oqojlec naq'en na shiÿaxauapi.

Apocalipsis 16:3

Qataq jec so lÿa namaxashic da icodelec aso auaxai. Nachi nam l'ec 'etaxat aso auaxai, nachi nañigui na 'eeta'am na ltago'q na leuaxaic. Nachi ileu 'enauac nam huo'o da lca'alaxa mayi huetaigui na 'etaxat.

1 Corintios 15:46

Qalaxayi de'eda saq cha'a n'oquiaxac sa ishit da nachida da l'auaxanec. Chaqdata da yi'oqchigui. Qaq ÿaqa'aguet dam saq cha'a.

Hebreos 9:14

Qaq da nachi 'eetec de'eda, qaq ¡huá'ago' da saq ÿacteec da l'añaxac soua ltago'q so Cristo! Cha'ayi chigoqchigui da l'añaxac som Espíritu mayi chochaq tateec da so Cristo maichi nañanot ñi Dios, 'eeta'am aca nachitaqtaxanaqte mayi ÿataqta qui'itta. Nachi naua ltago'q somayi ishit da iÿoueguesop da qadvilÿaxac na qadasouaxashitpi mayi taÿa'a da nleuaxa, da yaqto' ishit da so'onataxanqot ñim Dios mayi nachi 'eetai' da nca'altauec.