1 Corintios 15:44 - Nuevo Testamento Toba Sur

⁴⁴ Qaq ca qailayiñi, yi'oqchigui n'oquiaxac, qalaxayi qom qanca'alaxateec, nachi huo'o da l'oquiaxac saq cha'a. Cha'ayi da huo'o ca n'oquiaxac yi'oqchigui, qaq nataq'en huo'o ca n'oquiaxac saq cha'a.

Nuevo Testamento Toba Sombrero Negro

⁴⁴ Ga'me 'noyaĝac jo'ne qoyijeñi nach'ega 'noyaĝac jo'ne quetapegue'to ga'me lamaico 'me naya'ague da'me jiyaĝauayaĝac; ga'me jo'ne 'niyelaĝajeguem nach'ega 'noyaĝac jo'ne dalaĝaic 'me chiyoĝoguet ñe'me Dios Lepaqal 'me ja 'nalegue. Qom 'uo da'me qat'oyaĝac jo'ne netaye da'me loec 'me naya'ac da'me qanejiyaĝauayaĝac, chane'eja nach'e ena'am jaconaĝaguet da'me qat'oyaĝac dalaĝaic 'me chiyoĝoguet ñe'me Dios Lepaqal 'me ja 'nalegue.

La'aqtaqa Ñim Lo'onatac 'Enauacna 2013

⁴⁴ Ca qailareñi yo'oqchigui no'ocỹaxac, qalaxaye qom qanca'alaxatec, nache huo'o da lo'ocỹaxac saqcha'a. Qaq da 'eesa da huo'o ca no'ocỹaxac yo'oqchigui, nache nataqa'en huo'o ca no'ocỹaxac saqcha'a.

1 Corintios 15:44 Referans Kwoze

1 Corintios 15:50

Qami' ÿaqaÿa't, da sauotaique da qami' sa'axatema 'eeta': de'eda yi'oqchigui qad'oquiaxac sa ishit da inoxoneu'a ca l'onataxanaxac ñi Dios mayi ñaq natai'. Cha'ayi ca ishit da nlaguiñi, sa ishit da taÿapegueu'a cam qaica ca loga't.

Lucas 24:31

Huaña, nachi soomayi 'ico' da qaÿauatoiguilo naua l'ai'te, nachi ÿauatto'n somayi, qalaxayi somayi nachi pal.

Juan 20:26

Qaq co'ollaq mashi ivi' naua ocho na'axa'te, nachi soua napaxaguenataqa qaltaq lapoota'a't da huetra'a so noÿic, nachi ÿalectauo so Tomás da hueta'agueta soomayi. Qaq nai'ctaxa da ÿataqta ÿapochigui so lasom, qalaq so Jesús pa'auo, nachi vichiguinguilo soomayi. Nachi iqui'n, 'eeta': –Huo'o qome da qadlagaxayiqui.

Juan 20:19

Qaq se'eso na'a'q mayi l'auaxanec naua na'axa'te co'ollaq mashi pe, nachi soua napaxaguenataqa, soomayi lapoota'a't. Qaq ÿataqta ÿapochiyigui so lasom, souaxat da qañi'itega na judiopi. Nachi so Jesús pa'auo, nachi vichiguinguilo na laiñi soua lapaxaguenataqa. Nachi iqui'n, 'eeta': –Qami' huo'o qome da qadlagaxayiqui.

1 Corintios 2:14

Qaq ca shiÿaxaua mayi sa ishit da netanguit so Espíritu, sa ishit da ÿaconguet cam i'ot so n'Espíritu ñi Dios. Cha'ayi camayi da n'axaÿaxaatega, qalaq 'eeta'am naq'en da 'ico' chochi 'oopashic. Sa ishit da ÿaÿaten damayi, cha'ayi da qanmit, qalaq qaiuen da ltaunaxanaxac so Espíritu.