1 Corintios 15:27 - Nuevo Testamento Toba Sur

²⁷ Cha'ayi ñi Dios mashi ipataxalec da ilo'ogue 'enauacna so Cristo. Qalaxayi naua ñiyigui'shi l'aqtaqa ñi Dios qom 'enapec da qaipataxalec 'enauacna somayi, qaq sa ishit da ñi Dios ÿalectoigui 'enauacna, cha'ayi ñimayi nachiñi ñi chigoqchigui da ipataxalec somayi 'enauacna.

Nuevo Testamento Toba Sombrero Negro

²⁷ Joote qoyediñe ca'li gaa'me nedii's 'me 'laqatac ñe'me Dios, eet'oi: “Ena'uaque gaa'me uo'oe, Dios 'yetem ñe'me Cristo qaedi ena'uaque yelolo'te.” Qalaĝaja qom enaac queda'me ena'uac yelolegue ñe'me Cristo, qama'le dojo' di'yoq q'aen queda'me ja yalequeten ñe'me Dios, qa'a nach'eñe ñe'me jo'ne 'yetem qaedi yelolegue ena'uac.

La'aqtaqa Ñim Lo'onatac 'Enauacna 2013

²⁷ Ana nere maye huetalec na la'aqtacpi Ñim Lo'onatac 'Enauacna da 'eeta': «Ñim Lo'onatac 'Enauacna ipataxalec da ilo'ogue 'enauac So Cristo», qaq de'era na'aqtac «'enauac» damaye saishet da ỹalectoigui Ñim Lo'onatac 'Enauacna da nataqa'en qailo'ogue, cha'aye Ñimaye maye ỹami' da 'enec So Cristo da ilo'ogue 'enauacna.

1 Corintios 15:27 Referans Kwoze

Mateo 28:18

Nachi so Jesús nquiga somayipi, nachi 'enapega, 'eeta': –Aÿim mashi aÿim qaipataxalec da samaqpec 'enauac na hueto'ot na piguem qataq na huetalec ana 'alhua.

Hebreos 2:8

qaq 'enauac na 'ad'onatacpi 'eeta'am da 'auacho'oto naua lapia'te namayipi. Qaq ÿoqo'oyi co'ollaq mashi ime da qaÿacho'oto naua lchil na shiÿaxauapi 'enauac na n'onatacpi, nachi ñi Dios sa ishit da huo'o ca 'oonolec da daqaptauec da saq hueto'ot naq'en da lamaxasoxonaxac na shiÿaxauapi. Qamaq nagui saxanaxa da huo'otaq qomi' selaqa'a da huo'otaq 'enauac na n'onatacpi ishit da ÿalaxaguet na shiÿaxauapi.

Mateo 11:27

Ñi ita'a aÿim imato'ot 'enauac da l'onataxanaxac. Qaq qaica ca ishit da ÿauatton na llalec, chaqñita ñimayi mayi ÿauatton. Qataq qaica ca ishit da ÿauatton ñimayi, chaqnata na llalec mayi ÿauatton, qataq cam ÿauattonaxanaxanec ñimayi nam llalec.

Efesios 1:22

Nachi ipataxalec da ilo'ogue naq'en 'enauacna so Cristo, qataq ÿanem da nachisota 'oonolec lqaic naq'en 'enauac na 'amqajnataxanaxaicpi.

Juan 3:35

Cha'ayi ñi lta'a Dios ÿataqta ÿauotec so llalec, ÿoqo'oyi ÿataqta imato'ot 'enauac nam lalamaxatpi.

1 Pedro 3:22

som taigue da piguem, nachi nso'oota'ague da aloic ñi Dios da ÿamaqpec na namaxashicpi piguem l'ecpi qataq na damaxasoxonapecpi qataq na n'añaxacpi.

Apocalipsis 1:18

Qaq aÿim mayi nachaÿim ñica'alapeguec. Aÿim co'ollaxa seleu, qalaxayi nagui qaltaq ñica'altauec, qanachi sa lÿa da seleu. Qaq nagui aÿim hueto'ot da l'añaxac da nleuaxa qataq cam laponqa' na leuaxaicpi.

Hebreos 1:13

Qataq ñi Dios sa ÿauango' da 'enapega ca 'oonolec nam lamaxashicpi da 'eeta': 'Anso'oota'ague qome da aÿoic, to' qom mashi sacho'oto naua 'adchil nam 'am ipa'agueetacpi.

Hebreos 10:12

Qalaxayi so Jesucristo nañan da qaÿalauat souaxat na nasouaxashitpi, nachi sa lÿa da qaltaq nañan. Ime, nachi nso'ongue da aloic ñi Dios.

Efesios 1:20

co'ollaq nca'aleeguesop naq'en da nleuaxa so Cristo. Nachi taigue naq'en da piguem, da yaqto' nso'ongue da aloic ñimayi,