1 Corintios 15:2 - Nuevo Testamento Toba Sur

² Damayi chigoqchigui da huo'o mshi qami' qanca'alaxatreec, qom qoquiitelec dam qami' sa'axatema, qataq qom sa ishit da chochi n'ajnaxaic da qadpi'iÿaxaqui.

Nuevo Testamento Toba Sombrero Negro

² Nataq'aen dojo' 'naqatac chiyaqayi da'me male adec'aliyegue, ta'le aviyamaĝachi naq'aeta da'me ami japaĝagueneque ca'li. Qom ja naq'aeta, qama'le qaya'te chiyaqayi da'me adepi'i jo'ne qaedi qoyiyamaĝam.

La'aqtaqa Ñim Lo'onatac 'Enauacna 2013

² Da qoquiito'ot da qanaquitaxaqui de'era no'on na'axaỹaxac, nache qarca'alliiuec. Qaq da saishet, nache qaica ca naigui damaye co'ollaxa da qauacoñiiguet.

1 Corintios 15:2 Referans Kwoze

Hebreos 3:6

Qalaxayi so Cristo, somayi llalec ñi Dios qataq ÿataqta npe'et da ilo'ogue se'eso lma' ñi Dios, mayi nachiqomi', da ÿataqta qomi' qadamchiyiñi qataq da qadpi'iÿaxac chochi ivitta'a ca qadaloqo', nda'a't da ÿataqta samaqchiguiñi souaxat da qanaquitaxac.

Hebreos 2:1

Qaq ÿoqo'oyi qomi' qome ÿataqta seloqtegue ca llic dam sa'axasoqchigui, yaqto' sa ishit da 'ico' selamaxataqhuec.

Hebreos 3:14

Cha'ayi da ÿataqta qomi' qadamchiyiñi, chochi sevidaqta'a ca loga't da qanaquitaxac mayi saconaxaguet som hua'auchiguiñi, nachi ishit qome da ñiuanaqhua'a so Cristo.

2 Timoteo 1:9

Ñim Dios mayi qomi' nca'alaxatreec, qataq iÿaxana da qanachaalataxac da yaqto' sanqot. Qaq de'eda qomi' i'oteque, damayi nachi 'eetai' da lhuennataxa. Sa ishit da huo'otaq chochi nqopita'a ca qadataxac no'on. Mayi souaxat da qomi' ÿauoteque, cha'ayi mashi ñi'adaqtau'a so Cristo Jesús. Qataq nal'eno' da qomi' ÿauoteque co'ollaq saxanaqaca ana 'alhua.

Colosenses 1:23

Qalaxayi damayi iuen da qami' sa ishit da qai'axañiiuec da qadpi'iÿaxaqui, qoñiita'am aca qo'ipaq mayi ÿataqta qaÿoqchiguingui ca lpa'a'q. Qataq sa ishit da qai'axañiiuec da qanaquitaxaqui mayi qauachigoxochiichigui da n'aqtac mayi chigaqaigui da nca'alaxa mayi qan'axaÿaxañiÿa. Qaq de'eda n'aqtac nachida da qai'axattac 'enauaque naua 'ale'u. Qaq aÿim Pablo nachida da sa'axattac.

Efesios 2:8

Cha'ayi nachida da lqouagaxanaqtaic ñi Dios da huo'o mshi qami' nca'alaxatreec, cha'ayi huo'o da qadpi'iÿaxaqui ñimayi. Qaq damayi sa ishit da qami' chigoqchiguilo, cha'ayi damayi maichi lachitaqtaxanaxat ñi Dios.

1 Corintios 1:18

Cha'ayi da n'aqtaguec da l-leuaxa so Cristo co'ollaq qaiuaxaneuo, 'eeta'am da chochi 'oopashic da hua'axaÿa nam taÿa'a da qanlaxajñi. Qalaxayi qomi' mayi saqa'a da qomi' qanca'alaxatreec, de'eda n'aqtaxanaxac, damayi l'añaxac ñi Dios.

Santiago 2:26

Qaq ÿoqo'oyi ca npi'iÿaxac, da saqca ca ÿaÿamaqchiguiñi l'onataxanaxac, nachi 'ico' leuaxaic. 'Eeta'am da qad'oquiaxac da saqca som capegue' lqui'i, nachi ileu.

Santiago 2:14

Qami' ÿaqaÿadolqa, ¿négue'to' ca naigui da huo'o ca 'eetega da huo'o da lpi'iÿaxac, da huo'otaq sa ishit da i'ot ca ÿaÿamaqchiguiñi? ¿Peta'a ishit da nca'alaxateec de'eda lpi'iÿaxac?

Hebreos 10:23

Qaq ÿataqta ñi'añaxataqtec qome da qanaquitaxac da qad'amqajnataxanaxac, cha'ayi ñi Dios ÿataqta ipacchigui qome da qomi' ÿachaxanapeguema.

Lucas 8:13

Qaq asom nanguishi mayi tajlec so 'alhua mayi ÿalliigui na coma', qalaq naigui ca shiÿaxaua mayi n'axaÿaxaatega da n'aqtac, qalaq huo'o da ntonaxac. Qalaxayi qaica ca ÿoqta huo'o ca lpa'a'q da n'aqtac. Cada'ac da da'amqajnataxan, qalaxayi da nvita ca ñi'iguenataguec, nachi dashiuec.

Santiago 2:17

Qaq 'eda da 'eetec da lpi'iÿaxac ca shiÿaxaua. Da qaica ca ÿaÿamaqchiguiñi l'onataxanaxac, nachi 'ico' leuaxaic da lpi'iÿaxac.

Hebreos 4:14

So Jesús mayi llalec ñi Dios, somayi nachiso som 'oonolec qadtaxaÿaxanaxanec mayi inoxoneu'a ca hueta'a ñi Dios da detaxaÿapegue'. Qaq ÿoqo'oyi qomi' ÿataqta ñi'añaxataqtec qome da qad'amqajnataxanaxac.

2 Ts 2:15

Qaq ÿoqo'oyi qami' qadqaÿa't, saqco' qome ca qauqochiÿa, qataq qan'añaxachiitec da qadapaxaguenataxanaxac dam qami' sanaxama co'ollaq qami' souaqta'agueta, huo'otaq na huetalec ana qodede.

Gálatas 3:4

¿Peta'a sa ishito' da huo'o ca naigui 'enauac da qanque'ejnaxaqui? ¡'Onaxaico' da huo'o ca qauachigoxochiÿaigui damayi!

2 Corintios 6:1

Cha'ayi qomi' lta'u ñi Dios dam l'onataxanaxac, qaq ÿoqo'oyi qami' ñachoxodenaqtoiguilo da sa ishit qome da saqca ca naigui qanqashiñi da lqouagaxanaqtaic mayi qami' ÿachaxanalo ñimayi.

Romanos 1:16

Cha'ayi aÿim sa ishit da yicoqtapeguelec da no'on qad'axaÿaxac, cha'ayi damayi l'añaxac ñi Dios mayi ishit da nca'alaxateec 'enauac cam i'amaqten. Hua'auchiguiñi na judiopi da qanca'alaxateec. Ime, qataq jec na saq judío l'ecpi.

2 Corintios 2:15

Cha'ayi qomi' shinaqta'am da alaitaÿaxac cam nchinaxanaxat mayi ÿanot ñi Dios so Cristo, qataq ÿataqta huaÿoxoneec da alaitaÿaxac, ividauga nam mashi qanca'alaxateec qataq nam ñaq huetaigui da lsomaxac.

1 Corintios 15:14

Qaq da sa ishíttaxa da nca'aleec qanqoÿin so Cristo, nachi da sa'axataqtac qaica ca naigui, qata nataq'en da qadpi'iÿaxaqui.

1 Corintios 1:21

Qaq ñi Dios mayi ÿaÿateetalec cam i'ot, ñimayi sa ÿashinem nam huetalecna da huo'otaq ÿachigoxotchigui da maichi lauattonaxanaxac da ÿauatton ñimayi. Chaqdata da ÿauotaique da nca'alaxateec na i'amaqten ñimayi, chigoqchigui naq'en de'eda n'aqtaxanaxac mayi 'ico' 'oopashic naq'en na laÿipi.

Romanos 11:22

Qaq ña 'aula'a, ÿataqta qouagaxanaqtaqaic ñi Dios, qalaxayi nataq'en ÿataqta qaica ca lqouagaxat. Ñimayi ÿataqta sa ichoxonnai' nam huo'o co'ollaxa ca ÿasouaxat, qaq 'am qalaxayi ñimayi ÿataqta 'am nqouaguec. Qalaxayi iuen da 'am nachi 'eetai' da qoquetalec de'eda lqouagaxanaqtaic. Cha'ayi qom sa ishit, qaq nataq'en ishit da 'am qaiquesoxouec.

Hechos 8:13

Nachi nataq'en ÿalecteuo so Simón da da'amqajnataxan, nachi qanachilaxan. Huaña, nachi ca'attague' so Felipe, ÿataqta huo'o da l'aalaxa da imeteetac nam lta'adaicpi mayi sa qaÿauanapega qataq nam n'anecpi mayi i'ottac somayi.

Hechos 2:47

Nachi qaÿi'oxodeetac ñi Dios, nachi 'enauac na shiÿaxauapi ÿataqta sa lateta'pe soomayi. Nachi so qadataxala' Jesús nqochinaxattauec 'enauaque naua na'axa'te na 'amqajnataxanaxaicpi nam nca'alaxateec.

1 Corintios 11:2

Qami' ÿaqaÿa't, ÿataqta qami' ñitootegueque, cha'ayi ÿataqta aÿim qadhuennataxachi, qataq qoquiitelec da ÿapaxaguenataxanaxac mayi qami' sanema.