1 Corintios 15:10 - Nuevo Testamento Toba Sur

¹⁰ Qalaxayi da lqouagaxanaqtaic ñi Dios nachida da huo'o mshi aÿim nagui, qaq de'eda ñoqouagaxa sa ishit da saqca ca naigui. Cha'ayi aÿim ÿacteec da i'onataxanaxac, ñapacalec 'enauac na laÿipi namaxashicpi. Qalaxayi sa ishit da nachaÿim, nachida da lqouagaxanaqtaic ñi Dios mayi aÿim ÿanem.

Nuevo Testamento Toba Sombrero Negro

¹⁰ Qalaĝaja nach'eñe ñe'me Dios jo'ne jayem yichoĝoden, ya'uo da'me qaedi nayi male jayem lamaĝajec joñe'me Cristo, nataq'aen da'me lichoĝodenataĝanaĝac ñe'me Dios 'uo da'me jalayaĝac, qa'a yataqachiñe t'adaic da'me 'yonataĝanaĝac, ja jena'ama gaa'me namaĝa's laqaya'. Qalaĝaja ja mach'e 'yonataĝanaĝac, dite da'me jayem 'yonataĝanaĝan da'me lichoĝodenataĝanaĝac ñe'me Dios.

La'aqtaqa Ñim Lo'onatac 'Enauacna 2013

¹⁰ Qalaxaye Ñim Lo'onatac 'Enauacna ỹataqta aỹem ỹauotec, ỹoqo'oye ỹauo'o aỹem lamaxashec nagui Ñimaye. Saishet co'ollaxa da so'otan da la'añaxac maye aỹem ỹami', qataq ñapacalec da lo'onataxanaxac na laỹepi lamaxashecpi Ñimaye. Qalaxaye 'enauac de'era so'ot, damaye chegoqchigui da la'añaxac Ñim Lo'onatac 'Enauacna.

1 Corintios 15:10 Referans Kwoze

Filipenses 4:13

Aÿim ishit da ñala'aguet 'enauac na chochaqna, cha'ayi so Cristo aÿim ÿanem da i'añaxac.

2 Corintios 3:5

Qaq sa ishit da nachiqomi' chigoqchiguilo da maichi qad'añaxac da huo'otaq huo'o ca so'otaq, chaqdata da 'enauac nam ishit da so'otaq chigoqchigui ñi Dios.

Filipenses 2:13

Cha'ayi ñi Dios nachiñi ñi qami' ÿanema cam ÿaÿamaqchiguiñi mayi qoñiitapeguec, qataq qami' itauanque da ña qaumachiita 'enauac. Qaq damayi maichi chigoqchigui ñimayi.

Gálatas 2:8

Qaq ñim Dios mayi ÿanagui da Jesús lamaxashic naq'en so Pedro, da yaqto' da'aqtaxanem na judiopi, nachiñi ñi aÿim ÿanagui da Jesús lamaxashic naq'en aÿim, da yaqto' sa'aqtaxanem nam saq judiopi.

Romanos 12:3

Cha'ayi ñi Dios aÿim nqouaguec da aÿim ÿanem de'eda i'onataxanaxac. Ÿoqo'oyi qami' shinapegalo da 'enauac da qoñiita sa ishit qome da huo'o ca ñi'oxonnapec da lhuennataxa da nlotapeguela't. Chaqdata qome da ñi 'oonolec ÿataqta nloteec da deuennataxaatac, qataq iloteguet cam nalotau'a da lpi'iÿaxac mayi ÿanem ñi Dios.

2 Corintios 12:11

Aÿim 'ico' huo'o da ñi'onataxac souaxat da maichi ñi'amaqten, qalaxayi qami' mayi qauayiñiÿa'a aÿim. Qamaq qamí'ctaxa mayi qavi'oxoyiñiitac aÿim, cha'ayi sela'a da sa ishit da aÿim napacalec nam qoquiitague'pi mayi 'eetega da nataÿaña nam Jesús lamaxashicpi, nai'ctaxa da aÿim qaica ca shinec.

2 Corintios 6:1

Cha'ayi qomi' lta'u ñi Dios dam l'onataxanaxac, qaq ÿoqo'oyi qami' ñachoxodenaqtoiguilo da sa ishit qome da saqca ca naigui qanqashiñi da lqouagaxanaqtaic mayi qami' ÿachaxanalo ñimayi.

1 Corintios 4:7

Cha'ayi ¿négue't ca 'am ÿanagui da 'anataÿaña na 'adaÿipi? ¿Negue'to' ca saq chigoqo'ot ñi Dios na 'am hueto'ot? Qaq ñimayi da 'am ÿanem na 'am hueto'ot, qaq ¿tá'ainco' yi 'an'amaqchiitac, 'eeta'amo' da 'enauac na 'am hueto'ot maichi 'ad'añaqtaguishic?

1 Corintios 15:2

Damayi chigoqchigui da huo'o mshi qami' qanca'alaxatreec, qom qoquiitelec dam qami' sa'axatema, qataq qom sa ishit da chochi n'ajnaxaic da qadpi'iÿaxaqui.

Romanos 11:1

Qaq ÿoqo'oyi nagui aÿim senataxan, shiita': ¿Ñi Dios peta'a imaqhuec na Israel l'ecpi mayi maichi lalamaxatpi? ¡'A'i, sa ishit! Cha'ayi aÿim nataq'en aÿim Israel l'ec, aÿim lauo' l'ec so Abraham, qataq sachigoxoigui na llalaqpi so laual Benjamín.

Mateo 10:20

Cha'ayi sa ishit da nachiqami' da qautaqai. Cha'ayi som n'Espíritu ñi qadta'ai Dios, nachiso som qami' detaxaiguilo.

1 Corintios 3:6

Aÿim saañi co'ollaxa da n'onataxanaxac, qaq so Apolo anac da icodelec, qalaxayi ñi Dios mayi i'ot da lañaxataxac.

1 Corintios 3:10

Qaq aÿim shiita'am ca ilotague' na noÿic l'opi, cha'ayi ñi Dios aÿim ÿanem da llapaxañi so n'oxonaxala' ca noÿic. Qaq na laÿipi n'oxootapiguishiguem somayi. Qalaxayi ñi 'oonolec iuen da ilotelec da lataxac da do'oxonaxan.

1 Corintios 15:11

Qaq nai'ctaxa da huo'otaq aÿim ÿacteec da i'onataxanaxac, huo'otaq namayipi, qalaxayi 'eda da qad'aqtaxanaxac, qaq 'eda da qau'amaqchiñiitac.

1 Ts 5:12

Qami' qadqaÿa't, qami' ñachoxodenaqtoto da ÿataqta qauloÿiguet na l'onataxanaxanecpi so qadataxala' Jesús nam qami' ilotagueto qataq qami' huaqattegalo.

1 Timoteo 4:10

Qaq nachida da huo'o mshi so'onataxanaqtac qataq ñi'añaxataxaguet da qanshiunaguec, cha'ayi mashi hueto'ot ñi Dios da qanaquitaxac. Ñimayi mayi nca'altauec, qataq nachiñi ñi nshitaique da nca'alaxateec 'enauac na shiÿaxauapi, qalaxayi ca da'amqajnataxan nachica ca qanca'alaxateec.

Mateo 25:16

Nachi so l-latac mayi ÿaconguet aso cinco mil, somayi do'onataxangui asa'aso anom da nmen. Nachi ivi' cinco mil aso laÿi laueque.