1 Corintios 14:5 - Nuevo Testamento Toba Sur

⁵ Qaq aÿim ñishitaique da 'enauac da qoñiita da ishit da qautaqÿoiguilo naua n'aqtaqa sa qaÿauangalo, qalaxayi ÿacteec ñaqashin da qau'axachi' naua l'aqtaqa ñi Dios. Cha'ayi ÿacteec ca naigui da qai'axat da n'aqtac, qa saq 'en'am da qaitaxaiguilo naua n'aqtaqa sa qaÿauangalo. Lamaaxa da sa qai'axat ca naigui ne'enaua n'aqtaqa da yaqto' ishit da nañaxat na 'amqajnataxanaxaicpi.

Nuevo Testamento Toba Sombrero Negro

⁵ Mate mane'e jayem chiliajaĝa ena'uaque ami auadenaĝachi' gaa'me 'naqataqa laqaya', qalaĝaja jepaquetapega ta'le a'uaĝachetac da'me 'laqataĝanaĝac ñe'me Dios. Ga'me jo'ne 'yaĝatetac da'me 'laqataĝanaĝac ñe'me Dios, nach'ega p'ajaye; ga'me jo'ne yadenaĝa't naa'me 'naqataqa laqaya' ja p'ajaye, lama'aja qom qaya'te yaqanatet ta'le yechoĝo't ga'me yelo'tegueta naa'me 'naqataqa laqaya' 'me yadenaĝa't qaedi chiyaqayi ta'le p'etaqadaiquipi nichiquetedajeguem.

La'aqtaqa Ñim Lo'onatac 'Enauacna 2013

⁵ Aỹem ỹataqta ỹaỹamaqchiguiñi ñaqa'en da 'enauac da qoñiita da qautaqaiguilo naua sa qaỹauanapegalo na'aqtaqa, qalaxaye ỹactec ñaqa'en da ỹaỹamaqchiguiñi da qami' qaua'axache' naua na'aqtaqa maye chegoqo'oto Ñim Lo'onatac 'Enauacna. Cha'aye ỹactec da naigui da qaỹa'axa't naua la'aqtaqa Ñimaye, qaq sa 'ena'am da qaitaxaiguilo naua na'aqtaqa maye sa qaỹaỹate'n, nachaqrata da huo'o ca ỹa'axa't ca naiguilo ne'enaua na'aqtaqa. Huaña nache na 'amqaanataxanaxaicpi ishet da nañaxat.

1 Corintios 14:5 Referans Kwoze

1 Corintios 12:10

Qataq huo'o na ÿanem da ishit da i'ot na n'añaxacpi mayi sa qaÿauanapega, qataq huo'o na ÿanem da i'axa't naua l'aqtaqa ñimayi. Qataq huo'o na ÿanem da ishit da ÿauatton nam saq cha'api da huo'otaq chochi tenataxanaxaic, huo'otaq nachiso so Espíritu Santo. Qataq huo'o na ÿanem da detaxaiguilo naua n'aqtaqa sa qaÿauangalo. Qataq huo'o na ÿanem da ÿaÿaten da i'axat ca naigui ne'enaua n'aqtaqa.

1 Corintios 13:1

Aÿim da huo'otaq setaxaiguilo naua l'aqtaqa na shiÿaxauapi, qataq naua l'aqtaqa na chigaqshiguem lamaxashicpi ñi Dios, qalaxayi da qaica ca isoxoyic, nachi shiita'am aca qataqui mayi lamtapigui, huo'otaq aca nasaquiaxanata mayi qaÿasaquiaxaatac.

Marcos 16:17

Qaq cam hueta'ague ca da'amqajnataxan, camayi i'ot qome na n'anecpi mayi 'eeta': qai'onataxana da i'enaxat da qai'odauec na n'ecpi leguemaxaic, qataq da qai'aqtaxanguilo naua ÿaqa'alo n'aqtaqa,

1 Corintios 14:1

Qanpogoxoiñiÿapegue' da huo'o da qadsoxoyiqui qataq da ña qami' ÿanema ñi Dios na lshitaxanaxatpi, qalaxayi ÿacteec qanqashiñi da qau'axachi' naua l'aqtaqa.

1 Corintios 13:4

Ca huo'o da lsoxoyic ÿataqta nque'ejnaxaic, qataq huotaxanaqtaqaic, qaq sa ishit da quiÿaxanaqtaqaic, qataq sa ishit da n'amqajnaxaic, huo'otaq ñi'oxonnaxaic.

Romanos 14:19

Qaq ÿoqo'oyi qolaqtot qome da ñimitaqaique cam i'ot ca nlagaxayic, yaqto' ñi 'oonolec da shinaqta itaunec ca lÿa da da'añi naq'en da lpi'iÿaxac.

1 Corintios 14:17

Qaq de'eda 'anqouagaxaunaxac 'eesa da huo'otaq ÿaÿamaqchiguiñi, qalaxayi que'eca 'adÿa sa ishit da nañaxat qanqoÿin.