1 Corintios 14:37 - Nuevo Testamento Toba Sur

³⁷ Da huo'o ca ipi'itaxaatega da l'aqtaxanaxanec ñi Dios, huo'otaq ipi'itaxaatega da netanguit so Espíritu Santo, qaq no'on da ÿaÿateeteguet de'eda shiyiñi da damayi lqataxac so qadataxala' Jesús.

Nuevo Testamento Toba Sombrero Negro

³⁷ Qom 'uo ga'me eetapela't 'laqataĝanaĝanec ñe'me Dios, uotaĝa eetapela't 'uo ga'me qoyanem 'me chiyaqayi ñe'me Dios Lepaqal, 'noota qom yatetoneguet nataq'aen 'yamaqaten ga'me jo'ne ami jedenaqatenalo 'me yediijec, qa'a mach'e lamaĝajoĝonaĝac ñe'me Jaliaĝanec.

La'aqtaqa Ñim Lo'onatac 'Enauacna 2013

³⁷ Da huo'o ca 'eetega da la'aqtaxanaxanec Ñim Lo'onatac 'Enauacna, huo'otaq 'eetega da netanguit So Saqcha'a Na'añaxac Qui'itta, qaq no'on da ỹaỹateeteguet de'era shiyiñi da ỹataqta lqataxac So Qarataxala'.

1 Corintios 14:37 Referans Kwoze

1 Juan 4:6

Qomi', qalaxayi qomi' lalamqa'te ñi Dios. Qaq nam ÿauatton ñi Dios nachi ÿataqta qomi' n'axaÿaxanalo. Qaq nam sa ishit da lalamaxatpi ñi Dios, qalaq sa ishit da qomi' n'axaÿaxanalo. Qaq ÿoqo'oyi qomi' ishit da sauattonaq cam hueto'oto naua nhuennataxaco mayi ÿataqta 'eesoda qataq cam hueto'oto naua nhuennataxaco mayi desomaxanaqtaxa'n.

2 Corintios 10:7

Qami' mayi qauloitagui ca chochi yi'oqchigui shiÿaxaua. Qom huo'otaq huo'o ca 'eetega da quetague' so Cristo, qaq camayi no'on da ÿaÿateeta da qomi' nataq'en qolaqtague' so Cristo.

Judas 1:17

Qalaxayi qami' ñauochaxa'u ÿaqaÿadolqa, qauennachiÿa'a da nal'ena co'ollaxa soua lamaxa'shi so qadataxala' Jesucristo,

2 Pedro 3:2

Qami' qauennachiÿa'alo qome naua qami' i'axatema co'ollaxa som qui'itta l'aqtaxanaxanecpi ñi Dios qataq naua lapaxaguenataxanaxaco so qadataxala' qataq qadca'alaxaqui mayi qami' ÿapaxaguenque soua lamaxa'shi somayi.

Gálatas 6:8

Ca shiÿaxaua da nqopita da ÿaañi cam 'eetapeguec da lapachiyaxac, nachi camayi nqat ca naigui nleuaxa de'eda lapachiyaxac mayi ÿaañi. Qalaxayi da huo'otaq ÿaañi cam ÿaÿamaxadeeta so Espíritu, nachi so Espíritu ÿanem camayi da nqat ca achaalataxac mayi qaica ca loga't.

2 Corintios 11:4

Cha'ayi qami' ÿapacteec da qan'añaxachiiguet nam qami' nvittapegueu'alo mayi i'axattac ca lÿa Jesús mayi saq 'en'am som sa'axataqtac, qataq da qami' qauacoñiiguet ca lÿa espíritu mayi saq 'en'am som mashi qauacoñiiguet, qataq da qauacoñiiguet ca lÿa n'aqtaxanaxac mayi saq 'en'am da mashi sogote qau'aqaichigui.

2 Corintios 10:12

Cha'ayi qomi' sa ishit da sauoqtaique da shinaqta'am, huo'otaq da ñaloqnaxaguet da qanachaalataxac nam shiÿaxauapi mayi maichi ñi'oxodeetapeguela't. Namayipi huo'o da n'oopaxac, souaxat da maichi naloqnaxaatapeguela't, qataq da ñi 'oonolec maichi naloqnaxaatapeeguet da nachaalataxac ca lÿa.

1 Corintios 8:2

Da huo'o ca ipi'itaxaatega da huo'o na ÿaÿaten, camayi saxanaxa da huo'o ca ÿaÿaten, cha'ayi saxanaxa da ÿoqta lataxac da lauattonaxanaxac.

1 Corintios 7:40

Qalaxayi acamayi ÿataqta ÿacteec da machiguiñi da sa ishit da ÿi'iguelaxalec da ladonaxac. Qaq 'eda da iuennataxac, cha'ayi aÿim nataq'en sa'amaqten da aÿim netanguit so Espíritu mayi chigoqo'ot ñi Dios.

1 Corintios 7:25

Qaq ca shiÿaxaua mayi saxanaxa da huadon, aÿim qaica ca ÿaqataxac chigoqo'ot so qadataxala' da sanem. Qalaxayi sami' da iuennataxac, cha'ayi aÿim mashi sevi' da aÿim npe'et souaxat da lchoxonnataxanaxa so qadataxala'.

Romanos 12:3

Cha'ayi ñi Dios aÿim nqouaguec da aÿim ÿanem de'eda i'onataxanaxac. Ÿoqo'oyi qami' shinapegalo da 'enauac da qoñiita sa ishit qome da huo'o ca ñi'oxonnapec da lhuennataxa da nlotapeguela't. Chaqdata qome da ñi 'oonolec ÿataqta nloteec da deuennataxaatac, qataq iloteguet cam nalotau'a da lpi'iÿaxac mayi ÿanem ñi Dios.

Lucas 10:16

Qaq ca qami' n'axaÿaxanalo, qaq nachaÿim aÿim n'axaÿaxana, qaq ca qami' sa ÿacongueta, qaq nachaÿim aÿim sa ÿaconguet. Qaq ca aÿim sa ÿaconguet, qaq nachiñi ñi aÿim namaq ñim sa ÿaconguet.

1 Corintios 2:15

Qalaxayi ca shiÿaxaua mayi netanguit so Espíritu, camayi ishit da nmit 'enauac na lataxaguesat. Qaq camayi qaica ca ishit da nmit.

1 Corintios 3:1

Ÿoqta 'eesa, qami' ÿaqaÿa't, da aÿim sa seshit co'ollaxa da setaxaiguilo qami' da se'enaxatteguema ca shiÿaxaua mayi netanguit so Espíritu Santo. Chaqdata da shiita'am ñaq'en qami' ca shiÿaxaua mayi ñaq quetaigui da lapachiyaxac, cha'ayi qami' 'ico' da ñaq nogotolec da qadpi'iÿaxaqui so Cristo.

1 Corintios 14:29

Qaq da huo'otaq huo'oi caua i'axa't naua l'aqtaqa ñi Dios, qaq no'on da nachajyiñi caua dos huo'otaq tres da da'aqtaxa'n. Qaq na laÿipi naloqten da l'aqtaxanaxa'c caamayi.

1 Corintios 14:36

Qami' qauennachiÿa'a da sa ishit da nachiqami' chigoqchiguilo da l'aqtac ñi Dios, qataq sa ishit da nachiqamita da qauacoñiiguet damayi.

1 Corintios 14:38

Qalaxayi da sa ishit da ÿoqocha'a de'eda, qaq camayi nataq'en sa ishit da qaÿoqocha'a.