1 Corintios 14:33 - Nuevo Testamento Toba Sur

³³ cha'ayi ñi Dios sa ishit da chigoqo'ot da nasouaxattega't naq'en na shiÿaxauapi. Chaqdata da nlagaxayic. Cha'ayi da n'onataxac 'enauac ana l'onaxanaxaquipi na qadqaÿañicpi 'amqajnataxanaxaicpi 'eeta':

Nuevo Testamento Toba Sombrero Negro

³³ qa'a Dios ja 'yamaqaten ta'le ja niyamaĝa ga'me uetaue joga'me yema'a't, dite da'me 'nemaĝac. Naq'aeta ga'me p'etaqadaiquipi jo'ne c'oqo'tepi ñe'me Dios.

La'aqtaqa Ñim Lo'onatac 'Enauacna 2013

³³ cha'aye Ñim Lo'onatac 'Enauacna saishet da lauela ca qaica ca laỹamqa' qataq da cotaxac, nachaqrata da nlagaxayec qataq ca ỹaỹamaqchiguiñi lataxac. Cha'aye da lataxac 'enauac na ỹa'amaqten So Jesús, 'eeta':

1 Corintios 14:33 Referans Kwoze

1 Corintios 14:40

Qalaxayi qauaÿamaxachiichiguiñi da lliquiaxac 'enauac namayipi, yaqto' sa ishit da huo'o ca qan'enaguiiqui.

2 Ts 3:16

Qaq so qadataxala' Jesús mayi chigoqo'ot da nlagaxayic, somayi qami' ÿanema qome da qadlagaxayiqui 'enauaque naua vi'iyi qataq 'enauac na sochaqna lataxaguesat. Qaq somayi hueta'agueta qome 'enauac da qoñiita.

Gálatas 5:22

Qaq dam alaÿaxac ca netanguit so Espíritu Santo, qalaq 'eeta': Huo'o da lsoxoyic, ntonaxac, l-lagaxayic, lhualaxavic, lauotaxanaqtaic, i'ot ca ÿaÿamaqchiguiñi, qataq npe'et,

1 Corintios 11:16

Qalaxayi da huo'o ca nshitaique da taÿa'aguet de'eda, qaq no'on da ÿaÿateeta da qomi' qaica ca lÿa qan'onataxac, qataq 'enauac nam neteguelo naua laÿil ana 'alhua nam i'amaqteetacpi ñi Dios.

Hebreos 13:20

Qaq ñim Dios mayi i'ot da nlagaxayic, ñim nca'alaxateeguesop da nleuaxa so qadataxala' Jesucristo, mayi nachiso so 'oonolec lataxala' ana qagueta, souaxat soua ltago'q mayi ÿoqta 'itchiguiñi naq'en dam qanaÿamaxataxac mayi chochaq tateec,

1 Corintios 7:17

Nai'ctaxa ca 'eetec ca lataxac ñi 'oonolec, nachica saq ÿaxaneec. Chaqdata da ilotelec da lliquiaxac cam ÿanem so qadataxala'. Da 'eetec da lataxac co'ollaq Dios iÿaxana, nachida saq ÿaxaneec. Qaq 'eda da saqattega 'enauac ana n'onaxanaxaquipi.

1 Corintios 7:15

Qalaxayi ca ÿale, huo'otaq aca 'alo mayi sa da'amqajnataxan, da ipacapegue' da dalataxan, qaq no'on da ipacalec. Qaq da nachi 'eetec de'eda, qaq ca 'amqajnataxanaxaic, huo'otaq aca 'amqajnataxanaxai, nachi qalta ipactegue da huosochiguiñi. Cha'ayi ñi Dios qomi' iÿaxanalo da selagaqtapiguiñi.

Romanos 15:33

Qaq ñim Dios mayi chigoqo'ot da nlagaxayic hueta'aguet 'enauac qome da qoñiita. Aja', nachi 'eetec.

Lucas 2:14

¡Ÿataqta lta'adaic da ñi'oxonnataxanaxac ñi Dios mayi neto'ot na piguem, nataq'en na 'alhua huo'o da l-lagaxa na shiÿaxauapi mayi ÿaÿamaxadeeta ñimayi!

1 Corintios 4:17

Qaq ÿoqo'oyi mashi qami' samaxalo so Timoteo mayi 'eeta'am da ÿalec, cha'ayi aÿim ÿachigoxotchigui da quetague' so qadataxala'. Somayi qami' iuennataxanaxanque da 'eetec da ÿataxac da shictague' so Cristo dam sapaxagueetapeguec 'enauac ana qad'onaxanaxaquipi mayi neta'alo naua 'ale'u.

Hechos 9:13

Nachi co'ollaq hua'aqchigui de'eda so Ananías, nachi 'enapeco': –'Am ÿataxala', ÿataqta qalota na aÿim da'aqtaxanem que'eca shiÿaxaua qataq 'enauac nam qauem mayi i'otec nam netaña yi Jerusalén mayi 'am i'amaqteetac.

1 Corintios 14:32

Qaq na i'axatta'pe naua l'aqtaqa ñi Dios, namayipi no'on da iloteguelo naua ltaxaÿaxaco,

2 Corintios 12:20

Cha'ayi aÿim huo'o da itelaxa da huo'otaq ivita da qami' ñoqo'onalo, qaq sa iuena'a da sa ishit da tachigui cam tatapigui yi iuel da qami' ñauaneto, qataq sa iuena'a, da qami' nataq'en sa ishit da tachigui cam tatapigui yi qadvilli da aÿim qanauañi'. Cha'ayi aÿim huo'o da icolanaxa da huo'otaq qami' quetanguilo ca cotaxac, pa'aguenaxac, nalemataic, shiÿaxaua sa iuen ca lÿa, qaÿasaxalec ca lasouaxashit ca nÿa, nvidaqtaxanaxac, 'amqajnaxac, qataq qaica ca naÿamaxa.