1 Corintios 14:27 - Nuevo Testamento Toba Sur

²⁷ Qaq da huo'otaq huo'oi caua detaxaiguilo naua n'aqtaqa sa qaÿauangalo, qaq ishit da nachajyiñi caua dos. Qaq da huo'otaq huo'o ca lÿa, qaq no'on da sa lapagaxala't yi tres, qalaxayi qanayicteu'oguet ñi 'oonolec da qan'axaÿaxana. Qalaxayi huo'o ca ishit da nsoyiñi ne'enaua n'aqtaqa.

Nuevo Testamento Toba Sombrero Negro

²⁷ Qom uo'oe gaa'me jetaque yaconalo gaa'me 'naqataqa laqaya', 'noota ta'le dojolqa uotaĝa trejolqa, nataq'aen 'noota qom noqoiquetedegue, nataq'aen 'uo ga'me netaĝayaĝanaĝanec ta'le 'yaĝate'tape ga'me yelo'tegueta jogaa'me 'naqataqa laqaya'.

La'aqtaqa Ñim Lo'onatac 'Enauacna 2013

²⁷ Qaq da huo'otaq huo'oi caua detaxaiguilo naua na'aqtaqa sa qaỹauanapegalo, qalaq saishet da napacalec ye dos huo'otaq tres shiỹaxau', qataq ñi 'oonolec iuen da iuata'a ca lỹa da imat da ltaxaỹaxac, ime, nache chaxanaq detaqa. Nataqa'en iuen da huo'o ca ỹaỹaten da ỹa'axategue ca naigui cam la'aqtaxanaxac caamaye.

1 Corintios 14:27 Referans Kwoze

1 Corintios 14:26

Ÿoqo'oyi qami' ÿaqaÿa't, da ivita da qalapoñiÿa't, qaq da huo'o ca 'oonolec da qoñiita huo'o ca l'onec, huo'otaq ca lÿa huo'o ca lapaxaguenataxanaxac, huo'otaq ca lÿa huo'o ca ÿaÿajnaxanaxanec ñi Dios, huo'otaq ca lÿa detaxaiguilo naua n'aqtaqa sa qaÿauangalo, huo'otaq ca lÿa nsoyiñi ne'enaua n'aqtaqa, hua', qaq 'enauac ne'enapi no'on da nañaxat naq'en na 'amqajnataxanaxaicpi.

1 Corintios 12:10

Qataq huo'o na ÿanem da ishit da i'ot na n'añaxacpi mayi sa qaÿauanapega, qataq huo'o na ÿanem da i'axa't naua l'aqtaqa ñimayi. Qataq huo'o na ÿanem da ishit da ÿauatton nam saq cha'api da huo'otaq chochi tenataxanaxaic, huo'otaq nachiso so Espíritu Santo. Qataq huo'o na ÿanem da detaxaiguilo naua n'aqtaqa sa qaÿauangalo. Qataq huo'o na ÿanem da ÿaÿaten da i'axat ca naigui ne'enaua n'aqtaqa.

1 Corintios 14:2

Cha'ayi ca shiÿaxaua mayi detaxaiguilo naua n'aqtaqa sa qaÿauangalo, camayi n'aqtaxaatague' ñi Dios, qaq sa ishit da nachina na shiÿaxauapi, cha'ayi qaica ca ishit da hua'axaiguet. Camayi itaxaÿaxanaxan so Espíritu Santo da i'axat na 'eesa lataxacpi mayi saq cha'a.

1 Corintios 14:5

Qaq aÿim ñishitaique da 'enauac da qoñiita da ishit da qautaqÿoiguilo naua n'aqtaqa sa qaÿauangalo, qalaxayi ÿacteec ñaqashin da qau'axachi' naua l'aqtaqa ñi Dios. Cha'ayi ÿacteec ca naigui da qai'axat da n'aqtac, qa saq 'en'am da qaitaxaiguilo naua n'aqtaqa sa qaÿauangalo. Lamaaxa da sa qai'axat ca naigui ne'enaua n'aqtaqa da yaqto' ishit da nañaxat na 'amqajnataxanaxaicpi.

1 Corintios 14:13

Qaq ÿoqo'oyi ca shiÿaxaua mayi hueto'ot da ishit da detaxaiguilo naua n'aqtaqa sa qaÿauangalo, no'on da nqouagaxaunot ñi Dios da ñaq ishit da ÿanem da i'axat ca naigui ne'enaua l'aqtaqa.

1 Corintios 14:28

Qalaxayi da sa ishit da huo'o ca ishit da nsoyiñi ne'enaua n'aqtaqa, qaq no'on da sa ishit da huo'o ca detaqa. Chaqdata da ñi 'oonolec maichi nalamaqte' ñi Dios.