1 Corintios 14:26 - Nuevo Testamento Toba Sur

²⁶ Ÿoqo'oyi qami' ÿaqaÿa't, da ivita da qalapoñiÿa't, qaq da huo'o ca 'oonolec da qoñiita huo'o ca l'onec, huo'otaq ca lÿa huo'o ca lapaxaguenataxanaxac, huo'otaq ca lÿa huo'o ca ÿaÿajnaxanaxanec ñi Dios, huo'otaq ca lÿa detaxaiguilo naua n'aqtaqa sa qaÿauangalo, huo'otaq ca lÿa nsoyiñi ne'enaua n'aqtaqa, hua', qaq 'enauac ne'enapi no'on da nañaxat naq'en na 'amqajnataxanaxaicpi.

Nuevo Testamento Toba Sombrero Negro

²⁶ Chane'eja ami yaqaya'olqa, nale ademiya'a't, 'noota ta'le onolqa'tape uo'oe gaa'me lalaco, uotaĝa 'uo ga'me lapaĝaguenataĝanaĝac, uotaĝa 'yaĝatetac ga'me jo'ne Dios yaloĝona, uotaĝa yadenaĝa't gaa'me 'naqataqa laqaya', uotaĝa 'yaĝatetac ga'me yelo'tegueta gaa'me 'naqataqa. Qalaĝaja ena'uac 'noota ta'le chiyaqayi da'me nichiquetaye ga'me p'etaqadaiquipi.

La'aqtaqa Ñim Lo'onatac 'Enauacna 2013

²⁶ Qami' ỹaqaỹañicpi, da ivita da qalapoñiỹa't, nache 'enauac nam qauo'oche, iuen da nañaxat naqa'en na 'amqaanataxanaxaicpi. Huo'o ca ishet da do'onaxaatac, qataq huo'o ca dapaxaguenataxaatac qataq huo'o ca ỹa'axat cam ỹachaxana Ñim Lo'onatac 'Enauacna qataq huo'o ca detaxaiguilo naua na'aqtaqa maye sa qaỹauanapegalo, huo'otaq ỹa'axa't cam naiguilo ne'enaua na'aqtaqa.

1 Corintios 14:26 Referans Kwoze

Efesios 5:19

Qataq da ñi 'oonolec detaqtague' ca lÿa, qalaq huota'a naq'en na ÿotta'a't n'onecpi mayi chigoqo'ot so Espíritu. Qataq ÿataqta imauec da qadquiyaqteÿaxaqui da qau'onaxañiitac qataq da qavi'oxoyiñiitac so qadataxala'.

Romanos 14:19

Qaq ÿoqo'oyi qolaqtot qome da ñimitaqaique cam i'ot ca nlagaxayic, yaqto' ñi 'oonolec da shinaqta itaunec ca lÿa da da'añi naq'en da lpi'iÿaxac.

1 Ts 5:11

Ÿoqo'oyi qantauñiÿa't, qataq ñi 'oonolec i'añaqchit ca lÿa. Qaq de'eda mashi qau'ochiitac, nachida qoquiitot.

Efesios 4:16

Qaq nachiso so Cristo som ÿataqta nacoota't qataq n'atta't naq'en 'enauac de'eda n'oquiaxac mayi n'atta'a't. Qaq ÿoqo'oyi ñi 'oonolec ne'ena n'atta'a'tpi, da ÿataqta ÿaÿamaqchiguiñi da lataxac, nachi 'enauac namayipi nañaxattac qataq nquictashiguem, souaxat da nauotaxanaqtaic.

Efesios 4:29

Qataq sa ishit da qauema naua qad'aqtaqalli'. Chaqdata da qan'onaxachi' naua qad'aqtaqalli', yaqto' ishit da nquiguishiguem, qataq huo'o da n'achiquiaxac cam qami' n'axaÿaxaategalo.

2 Corintios 13:10

Qaq sa'auaxaañi nagui da qami' samaxalo ana ÿide, yaqto' qom ivita da qami' ñoqo'onalo, qalaq sa ishit da ÿapacteec da huo'o ca sedolec da shinec dam aÿim ÿanem so qadataxala', da yaqto' qami' ishit da qanquiquiitashiguem, qaq sa ishit da 'ico' qami' ñilaxajyiñi.

2 Corintios 12:19

Qalqo' ¿qami' qaupi'itaxañiÿa peta'a da qomi' shinaqpec de'eda, da chochi qami' ñoqolguetaqtagueto? 'A'i, sa ishit. Chaqdata da qomi' ÿaÿateete' ñi Dios nagui da qomi' itaxaÿaxanaxa'n so Cristo. Qaq 'enauac de'eda so'otaq, qami' ÿaqaÿadolqa, damayi naigui da yaqto' ishit da qanquiquiitashiguem.

1 Corintios 14:40

Qalaxayi qauaÿamaxachiichiguiñi da lliquiaxac 'enauac namayipi, yaqto' sa ishit da huo'o ca qan'enaguiiqui.

Efesios 4:12

Qaq 'eda da 'eetec co'ollaq ÿaqataxanai' da llic naq'en na lalamaxatpi, yaqto' ñi 'oonolec i'ot ca l'onataxanaxac, da yaqto' nquictashiguem da l'oquiaxac so Cristo,

1 Corintios 14:27

Qaq da huo'otaq huo'oi caua detaxaiguilo naua n'aqtaqa sa qaÿauangalo, qaq ishit da nachajyiñi caua dos. Qaq da huo'otaq huo'o ca lÿa, qaq no'on da sa lapagaxala't yi tres, qalaxayi qanayicteu'oguet ñi 'oonolec da qan'axaÿaxana. Qalaxayi huo'o ca ishit da nsoyiñi ne'enaua n'aqtaqa.

Romanos 1:13

Qami' ÿaqaÿa't, sauotaique da qami' qauaÿajñiita da aÿim ÿataqta qalota da ñishitaique da qami' ñoqo'onalo da yaqto' qami' ñauaneto. Qalaxayi chochi ivitta'a nagui da saxanaxa da sañoxot. Sauotaiquecnaxa da qami' saÿalo, da yaqto' qalota ca ÿaueguec da qoñiita da da'amqajnataxan, 'eeta'am da shiitec naua lÿa't 'ale'u.

Romanos 12:7

Da huo'o ca qoÿami' da huapegue' na laÿi 'amqajnataxanaxaicpi, qaq nachiyi i'ot. Qataq ca tateu'a da dapaxaguenataxan qanqoÿin, qaq nachiyi huelec da i'ot.

Romanos 15:2

Ñi 'oonolec da shinaqta ÿataqta npogoxoinapegue' qome cam ishit da machiguiñi naq'en ca l'amqajnataxanaxaua qataq cam ÿaÿamaqchiguiñi, qataq cam ishit da nquictashiguem naq'en da lpi'iÿaxac.

1 Corintios 14:2

Cha'ayi ca shiÿaxaua mayi detaxaiguilo naua n'aqtaqa sa qaÿauangalo, camayi n'aqtaxaatague' ñi Dios, qaq sa ishit da nachina na shiÿaxauapi, cha'ayi qaica ca ishit da hua'axaiguet. Camayi itaxaÿaxanaxan so Espíritu Santo da i'axat na 'eesa lataxacpi mayi saq cha'a.

1 Corintios 14:15

Qaq 'eda da shiitec nagui. Da ivita da ñoqouagaxauen, qalaq nachiñi ñi shicapegue' iqui'i da nqouagaxauen, qataq nataq'en da ÿauattonaxanaxac. Qaq da ivita da so'onaxan, qalaq nachiñi ñi shicapegue' iqui'i da do'onaxan, qataq nataq'en da ÿauattonaxanaxac.