1 Corintios 14:20 - Nuevo Testamento Toba Sur

²⁰ Qami' ÿaqaÿa't, sa ishit da qoñiÿa'am da lhuennataxac ca nogotolec. Qalaxayi ca sa ÿaÿamaxañi, nachi qanacoñila't da qoñiÿa'am ca nogotolec. Qalaxayi da qadhuennataqai ÿataqta qoñiÿa'am ca shiÿaxaua ÿi.

Nuevo Testamento Toba Sombrero Negro

²⁰ Ami yaqaya'olqa, ena'te auadenaĝachi' daa'me lelnataĝaco jogaa'me ñoqolqa. Yataqachiñe 'noota ta'le aueñiya'ama jogaa'me 'najodolqa jo'ne ja yauote ga'me ja no'en, qalaĝaja 'noota ta'le gaa'me adelnataĝacodi' joote 'yaĝayaqa.

La'aqtaqa Ñim Lo'onatac 'Enauacna 2013

²⁰ Qami' ỹaqaỹañicpi, qoñiita'am qome ca nogotolec maye qaica ca lasouaxashet, qalaxaye saishet da qaue'enaxache da lhuennataxac. Nachaqrata da qaue'enaxache da lhuennataxac ca shiỹaxaua ỹe.

1 Corintios 14:20 Referans Kwoze

1 Pedro 2:2

Qami' qoñiita'amo' ca nogotolec chita'ague da ñiguiñi da ÿataqta qansoxochi da l'aqtac ñi Dios mayi 'eeta'am ca ÿataqta ndoteec lchi' aca nate'e, yaqto' damayi qami' nañaxa't naq'en, qataq qami' ividaxata'alo da qanca'alliiuec.

Romanos 16:19

Qaq 'enauac qaÿaÿaten da qami' ÿataqta qaualaqai. Ÿoqo'oyi aÿim ÿataqta samachiguiñi. Qalaxayi ñishitaique da ÿataqta qami' lhuotte' da qau'ochi ca no'on, qaq cam qauem qalaxayi sa ishit.

1 Corintios 13:11

Co'ollaq ñaq aÿim nogotolec, qalaq naua itaxaÿaxaco qataq naua imejnaxanaxaco qataq naua iuennataxaco i'enaxatchigui da ñaq aÿim nogotolec. Qalaxayi co'ollaq mashi aÿim ÿi, nachi saxaneec da ñinogotshic.

Mateo 18:3

Nachi 'enapeco': –Ÿoqta 'eesa de'eda qami' shinapegalo da huo'otaq qami' sa ishit da qavi'iguelaqÿa da qau'enaxachi ca nogotolec, nachi qami' sa ishit da qaunoxoñiu'a da l'onataxanaxac ñi Dios mayi neta'ague da piguem.

1 Corintios 2:6

'Eesa da qomi' setaxasoxoiguilo naua ntaxaÿaxaco ÿajnaxanaxaiqa, qalaxayi chaqnata nam mashi ÿataqta ÿi da lpi'iÿaxac. Qalaxayi de'eda naÿajnec sa ishit da lma'na, qataq sa ishit da chigoqo'ot na nta'alpi mayi huetalecna, nam taÿa'a da imeuo.

2 Pedro 3:18

Qalaxayi nquictashiguem qanqashiñi qome da qadauattonaxanaxaqui so qadataxala' qataq qadca'alaxaqui Jesucristo, qataq da nauotaxanaqtaic mayi chigoqo'ot somayi. Qaq nachi 'eetai' qome da chochaq tateec da ñi'oxonnataguec somayi. Qaq nachi 'eetai' qome da chochaq tateec da ñi'oxonnataguec somayi. Aja', nachi 'eetec.

Filipenses 1:9

Qataq naxa da ñoqouagaxaueetac, qalaq seÿaxaataique da ña qanquigaxatshiguem da qadauotaxanaqtaiqui qataq na qadaÿajñiqui qataq da qadauattonaxanaxaqui,

Marcos 10:15

Qaq ÿataqta 'eesa de'eda qami' sa'axatema, da ca sa ishit da i'enaxat ca nogotolec da ÿaconguet da l'onataxanaxac ñi Dios da ilo'ogue 'enauacna, nachi camayi sa ishit da inoxoneuo.

Filipenses 3:15

Qaq ÿoqo'oyi 'enauac da shinaqta mayi mashi nalochiguiñi da qadpi'iÿaxac, no'on da nachi 'eeta'a't da qadhuennataxa. Qalaxayi da huo'otaq huo'o ca lÿa qadhuennataxaqui, qalaq ñi Dios ishit nataq'en da qami' itauanque da qauaÿajñi camayi.

Mateo 11:25

Nachi se'eso na'a'q so Jesús 'eeta': –'Am ita'a mayi 'am lataxala' na neta'ague da piguem qataq ana 'alhua, 'am shi'oxoden, cha'ayi 'am 'auachaxana nam qaica ca ÿaÿajnapec da 'ad'onataxanaxac mayi 'ai'oxoochiisop co'ollaxa nam ÿajnaxanaxaicpi qataq nam huattonaxanaxaicpi.

Mateo 19:4

Nachi so Jesús 'enapeco': –¿Sa ishito' peta'a da qautaxaÿaxañi qami' naua ñiyigui'shi l'aqtaqa ñi Dios dam 'eetec ñimayi co'ollaq chita'ague da do'onataxan, nachi “i'ot so shiÿaxaua qataq aso 'alo”?

Mateo 19:14

Qalaxayi so Jesús 'enapeco': –Qauaqaita'a na ñaqpiolec da aÿim nau'a. Sa ishit da qauquiyoqoitapeeguet namayipi, cha'ayi ca huetaigui da l'onataxanaxac ñi Dios mayi neta'ague da piguem, camayi 'eeta'am ca 'oonolec namayipi.

Lucas 18:17

Cha'ayi aÿim shinapec da ca ÿaconguet da l'onataxanaxac ñi Dios da ilo'ogue 'enauacna, da huo'otaq sa ishit da 'eeta'am ca nogotolec, nachi camayi sa ishit da ÿañoxot da inoxoneuo.

Romanos 1:13

Qami' ÿaqaÿa't, sauotaique da qami' qauaÿajñiita da aÿim ÿataqta qalota da ñishitaique da qami' ñoqo'onalo da yaqto' qami' ñauaneto. Qalaxayi chochi ivitta'a nagui da saxanaxa da sañoxot. Sauotaiquecnaxa da qami' saÿalo, da yaqto' qalota ca ÿaueguec da qoñiita da da'amqajnataxan, 'eeta'am da shiitec naua lÿa't 'ale'u.

1 Corintios 14:19

Qalaxayi da sootaigui ca laponaxac na 'amqajnataxanaxaicpi, qaq sepacapegue' da setaxaiguilo caua cincolqa n'aqtaqa, qalaxayi ishit da qaÿaÿate'n, da yaqto' sapaxaguen ca iÿa, qaq saq 'en'am ca diez mil n'aqtacpi sa qaÿauanga.

Efesios 4:13

chochi ivitta'a da 'enauac na 'amqajnataxanaxaicpi ÿataqta nalota'a da lpi'iÿaxac qataq da lauattonaxanaxac da ÿauattoota so llalec ñi Dios. Huaña, nachi shinaqta'am ca shiÿaxaua mayi ÿataqta saq nogotolec, cha'ayi ÿataqta semataqta'a da llaxa so Cristo.