1 Corintios 14:16 - Nuevo Testamento Toba Sur

¹⁶ Cha'ayi 'am da huo'otaq 'avi'oxodeetac ñi Dios, qaq chaqñita ñi qocapegue' 'adqui'i yi'oxonnataxaatac, qaq da n'axaÿaxaatac que'eca shiÿaxaua mayi saxanaqca ca ÿaÿajnapec, nachi sa ishit da nhuanau'a ca 'anqouagaxaunaxac da 'ai'aatacot da 'an'achiquiaxac ñi Dios, cha'ayi camayi sa ishit da ÿaÿate'n naua 'ad'aqtaqa.

Nuevo Testamento Toba Sombrero Negro

¹⁶ Qom ja naq'aeta ga'me auauoyi, qom 'uo ga'me nedo'ta't q'aen ñe'me lepaqal yanem da'me lamaic ñe'me Dios, gaa'me jo'ne qaya'te latetonaĝanaĝa'j ja yaqanate't ta'le yadenaĝa't ga'me tamenaĝac, qa'a ja yayate'n gaa'me 'naqataqa jo'ne qoyaconalo.

La'aqtaqa Ñim Lo'onatac 'Enauacna 2013

¹⁶ Cha'aye 'am da huo'otaq 'aatacot da 'ana'achec Ñim Lo'onatac 'Enauacna, qaq chaqrata da saqcha'a 'arca'alaxa da ntootapigui', qaq da na'axaỹaxaatac ca shiỹaxaua maye ỹaqa'a ca chegaqa'ague, nache saishet da nhuanaua'a ca 'anqouagaxaunaxac da 'aatacot da 'ana'achecỹaxac Ñim Lo'onatac 'Enauacna, cha'aye camaye saishet da ỹaỹate'n naua 'ara'aqtaqa.

1 Corintios 14:16 Referans Kwoze

Apocalipsis 5:14

Qaq soua cuatro shiguiÿac 'eeta': –¡Aja', nachi 'eetec! Qaq som veinticuatro nquedoxonecpi nachi i'alyiñi naua l-llicte, nachi ÿi'oxoden ñim qaica ca loga't da nachaalataxac.

1 Corintios 11:24

Nachi ÿanot da n'achic ñi Dios. Ime, qanachi ncolaxajñi aso pan, nachi 'enapeco': “Qolliqui ne'ena; nachina na maichi ÿapat mayi taÿa'a da qancolaxajñi da qami' nca'alaxatreec. Qaq qau'ochi qome de'eda, yaqto' sa ishit da aÿim qaucouai'ai.”

Apocalipsis 7:12

qoÿiita': ¡Aja', nachi 'eetec! Da ñi'oxonnataxanaxac, ñi'oxoyic, qataq da naÿajnec, tonaxac, qataq n'amaqchic, namaxasoxonaxac, qataq da n'añaxac, damayi qoÿanot ñi qadta'a Dios, qaq damayi qaica qome ca loga't qanqoÿin. Aja', nachi 'eetec.

Apocalipsis 22:20

Qaq som i'axattac de'eda 'eeta': –Aja', aÿim saqaÿaloq da ñanac. Aja', nachi 'eetec. ¡Ña 'auanac, 'am qadataxala' Jesús!

1 Corintios 16:24

'Enauac da qoñiita qami' samaxalo da isoxoyic mayi chigoqo'ot so Cristo Jesús. Aja', nachi 'eetec de'eda.

1 Corintios 14:14

Cha'ayi da huo'otaq saconalo naua n'aqtaqa sa qaÿauangalo da ñoqouagaxauen, nachi ndoteec ñi shicapegue' iqui'i da nqouagaxauen, qaq sa ishit da huo'o ca alaÿaxac da ÿauattonaxanaxac.

1 Corintios 14:2

Cha'ayi ca shiÿaxaua mayi detaxaiguilo naua n'aqtaqa sa qaÿauangalo, camayi n'aqtaxaatague' ñi Dios, qaq sa ishit da nachina na shiÿaxauapi, cha'ayi qaica ca ishit da hua'axaiguet. Camayi itaxaÿaxanaxan so Espíritu Santo da i'axat na 'eesa lataxacpi mayi saq cha'a.

Hechos 4:13

Nachi so nta'alpi co'ollaq ila'a da so Pedro qataq so Juan ÿataqta sa ñi'idelec da ltaxaÿaxa'c, qataq qaila'a da soomayi sa ishit da paxaguenaxaiqa, qataq nachina nam shiÿaxauapi mayi chochi huosoxoic, nachi huo'o da n'aalaxa. Qataq qaÿauatto'n da nachisoua soua nnaigaxa'u co'ollaxa so Jesús.

Juan 21:25

Nataq'en ÿataqta qalota co'ollaxa na laÿi i'otpi so Jesús, qaq namayipíctaxa da 'enauac da qoÿiyiñi, nachi aÿim sepeta'a da ÿoqta sa ishit qome da nalolec ana 'alhua ana nedepi mayi qoÿiyiñi. Aja', nachi 'eetec de'eda.

Juan 7:15

Nachi na judiopi ÿataqta huo'o da l'aalaxa somayi, nachi 'eeta': –¿Chaq huá'ago' ca 'eetec damayi, yi ÿataqta qalota na ÿaÿaten, qamaq sa ishit co'ollaxa da napaxaguen?

Marcos 16:20

Nachi soomayi je'c da i'axa't da n'aqtac mayi chigaqaigui da nca'alaxa 'enauaque naua laÿil. Qaq som qadataxala' itauaata'pe soomayi da ÿataqta ipacchiguilo naq'en naua l'aqtaxanaxaco, qataq da ÿachaxan na n'anecpi mayi sa qaÿauanapigui. Aja', nachi 'eetec de'eda.

Mateo 28:20

Qataq qauapaxaguiñiic qome namayipi da ÿalaxalec 'enauac na ÿaqataxacpi mayi qami' sanema. Qataq sa ishit qome da qaucouai'ai da aÿim nachi 'eetai' da qami' soota'agueta 'enauaque naua na'axa'te, chochi ivitta'a ca loga't ana 'alhua. Aja', nachi 'eetec de'eda.

Mateo 6:13

Sa ishit qome da qomi' 'auashingueta ca qañi'iguenataguec, chaqdata da qomi' 'antelaqna'agueta ca sa ÿaÿamaxañi. Cha'ayi da 'ad'onataxanaxac, qataq da 'ad'añaxac, qataq da 'ayi'oxoyic nachi 'eetai' da qaica ca loga't. Aja', nachi 'eetec.

Mateo 15:36

Nachi ÿaconalo soua siete pan qataq soua nÿaxayi, nachi ÿanot da n'achiquiaxac ñi Dios. Ime, nachi ncolaxajyiñi soua pan, nachi ÿanoiguilo soua nale't. Qaq soomayi nachi ÿanoiguilo so shiÿaxauapi.

2 Corintios 1:20

cha'ayi somayi nachiso so ipacchigui naq'en 'enauac na ÿachaxanapecpi ñi Dios. Qaq ÿoqo'oyi da shi'oxodenaq ñi Dios, qaq chigoqchigui so Cristo Jesús da shinaqta' da qadasataxac, “Aja', nachida lataxac.”