1 Corintios 14:13 - Nuevo Testamento Toba Sur

¹³ Qaq ÿoqo'oyi ca shiÿaxaua mayi hueto'ot da ishit da detaxaiguilo naua n'aqtaqa sa qaÿauangalo, no'on da nqouagaxaunot ñi Dios da ñaq ishit da ÿanem da i'axat ca naigui ne'enaua l'aqtaqa.

Nuevo Testamento Toba Sombrero Negro

¹³ Chane'eja ga'me jo'ne yadenaĝa't gaa'me 'naqataqa laqaya', 'noota ta'le nachoĝodenot ñe'me Dios qaedi nach'e ena'am yanem da'me nañoqotaĝanaĝac jo'ne yechoĝo't gaa'me yelo'tegueta gaa'me 'naqataqa laqaya'.

La'aqtaqa Ñim Lo'onatac 'Enauacna 2013

¹³ Qaq qami' da ivita da qautaqaiguilo naua na'aqtaqa maye sa qaỹauanapegalo, nache no'on da qanqouagaxauñiỹot Ñim Lo'onatac 'Enauacna, da qami' ỹanema da qaua'axache ca naigui cam qaua'axacheetac.

1 Corintios 14:13 Referans Kwoze

1 Corintios 12:30

Qataq ¿ishit peta'a da 'enauac nataden na dalolaxaic? qataq ¿ishit peta'a da 'enauac detaxaiguilo naua n'aqtaqa sa qaÿauangalo? qataq ¿ishit peta'a da 'enauac ÿaÿaten da i'axat ca naigui ne'enaua n'aqtaqa? Aja', 'eesa da sa ishit da nachi 'eetec de'eda.

Marcos 11:24

Qaq ÿoqo'oyi qami' shinapegalo da 'enauac nam qauÿaxañiÿaique da qanqouagaxauñiitac, da huo'otaq ÿataqta qau'amaqchiñi da qauacoñiiguet, nachi ishit da ipacchigui.

1 Corintios 12:10

Qataq huo'o na ÿanem da ishit da i'ot na n'añaxacpi mayi sa qaÿauanapega, qataq huo'o na ÿanem da i'axa't naua l'aqtaqa ñimayi. Qataq huo'o na ÿanem da ishit da ÿauatton nam saq cha'api da huo'otaq chochi tenataxanaxaic, huo'otaq nachiso so Espíritu Santo. Qataq huo'o na ÿanem da detaxaiguilo naua n'aqtaqa sa qaÿauangalo. Qataq huo'o na ÿanem da ÿaÿaten da i'axat ca naigui ne'enaua n'aqtaqa.

Hechos 8:15

Qaq co'ollaq mashi ivilyi', nachi nqouagaxaueetapeguelguete so 'amqajnataxanaxaicpi mayi netaña yi Samaria, da yaqto' ÿaconguet somayipi so Espíritu Santo.

Hechos 1:14

Qaq 'enauaque soomayi nachi 'eetai' da lapoota'a't da nqouagaxaueeta'pe, ÿalectra'agueta soua Jesús lqaÿa't, qataq aso late'e María, qataq so laÿipi 'alpi.

1 Corintios 14:12

Qaq ÿoqo'oyi qami' mayi huo'o da qadyaqai da qauacoñiiguet na nshitaxanaxatpi mayi chigoqo'ot so Espíritu Santo, ÿataqta qanpogoxoiñiÿapegue' qome da qauacoñiiguet cam ishit da nañaxat naq'en na 'amqajnataxanaxaicpi.

1 Corintios 14:14

Cha'ayi da huo'otaq saconalo naua n'aqtaqa sa qaÿauangalo da ñoqouagaxauen, nachi ndoteec ñi shicapegue' iqui'i da nqouagaxauen, qaq sa ishit da huo'o ca alaÿaxac da ÿauattonaxanaxac.

1 Corintios 14:26

Ÿoqo'oyi qami' ÿaqaÿa't, da ivita da qalapoñiÿa't, qaq da huo'o ca 'oonolec da qoñiita huo'o ca l'onec, huo'otaq ca lÿa huo'o ca lapaxaguenataxanaxac, huo'otaq ca lÿa huo'o ca ÿaÿajnaxanaxanec ñi Dios, huo'otaq ca lÿa detaxaiguilo naua n'aqtaqa sa qaÿauangalo, huo'otaq ca lÿa nsoyiñi ne'enaua n'aqtaqa, hua', qaq 'enauac ne'enapi no'on da nañaxat naq'en na 'amqajnataxanaxaicpi.