1 Corintios 14:12 - Nuevo Testamento Toba Sur

¹² Qaq ÿoqo'oyi qami' mayi huo'o da qadyaqai da qauacoñiiguet na nshitaxanaxatpi mayi chigoqo'ot so Espíritu Santo, ÿataqta qanpogoxoiñiÿapegue' qome da qauacoñiiguet cam ishit da nañaxat naq'en na 'amqajnataxanaxaicpi.

Nuevo Testamento Toba Sombrero Negro

¹² Ena'am da'me ami, queda'me auediaqaelegue ta'le auacoñiyeguet joga'me yanegue ñe'me Dios Lepaqal 'me ja 'nalegue, yataqachiñe p'ajaye ta'le auepaquitapega da'me jetaque auacoñiyeguet ga'me jo'ne chiyaqayi da'me ñichigaĝatedajeguem joga'me p'etaqadaiquipi.

La'aqtaqa Ñim Lo'onatac 'Enauacna 2013

¹² Qaq ỹoqo'oye qami' maye huo'o da qaryaqai da qauacoñiiguet na nachetaqtaxanaxatpi maye chegoqo'ot So Saqcha'a Na'añaxac, ỹataqta qanpogoxoiñiỹapegue' qome da qauacoñiiguet cam ishet da nañaxat naqa'en na 'amqaanataxanaxaicpi.

1 Corintios 14:12 Referans Kwoze

1 Corintios 14:26

Ÿoqo'oyi qami' ÿaqaÿa't, da ivita da qalapoñiÿa't, qaq da huo'o ca 'oonolec da qoñiita huo'o ca l'onec, huo'otaq ca lÿa huo'o ca lapaxaguenataxanaxac, huo'otaq ca lÿa huo'o ca ÿaÿajnaxanaxanec ñi Dios, huo'otaq ca lÿa detaxaiguilo naua n'aqtaqa sa qaÿauangalo, huo'otaq ca lÿa nsoyiñi ne'enaua n'aqtaqa, hua', qaq 'enauac ne'enapi no'on da nañaxat naq'en na 'amqajnataxanaxaicpi.

1 Corintios 14:1

Qanpogoxoiñiÿapegue' da huo'o da qadsoxoyiqui qataq da ña qami' ÿanema ñi Dios na lshitaxanaxatpi, qalaxayi ÿacteec qanqashiñi da qau'axachi' naua l'aqtaqa.

1 Corintios 12:31

Qaq qanpogoxoiñiÿapegue' qome da qauacoñiiguet na ÿataqta no'on lshitaxanaxatpi ñi Dios. Qalaxayi ñaqaiyita aÿim qami' sachaxanalo da ñiquiaxac mayi ÿacteec da lyac.

1 Corintios 12:7

Qaq ñi Dios ÿanem ñi 'oonolec shiÿaxaua ca lshitaxanaxat mayi ichoxot naq'en so Espíritu Santo da ÿauotaique ntaunaxat 'enauac na shiÿaxauapi.

Tito 2:14

Somayi nañanguet da qomi' ileualguete, cha'ayi nshitaique da qomi' nca'alaxateeguesopa na qan'onatagueguesat, qataq nshitaique da iqui'itaxat da qanachaalataxac da qomi' lalamqa'te, qataq nshitaique da ñoqopitaxa da so'otaq ca no'on.

Romanos 14:19

Qaq ÿoqo'oyi qolaqtot qome da ñimitaqaique cam i'ot ca nlagaxayic, yaqto' ñi 'oonolec da shinaqta itaunec ca lÿa da da'añi naq'en da lpi'iÿaxac.

1 Corintios 14:5

Qaq aÿim ñishitaique da 'enauac da qoñiita da ishit da qautaqÿoiguilo naua n'aqtaqa sa qaÿauangalo, qalaxayi ÿacteec ñaqashin da qau'axachi' naua l'aqtaqa ñi Dios. Cha'ayi ÿacteec ca naigui da qai'axat da n'aqtac, qa saq 'en'am da qaitaxaiguilo naua n'aqtaqa sa qaÿauangalo. Lamaaxa da sa qai'axat ca naigui ne'enaua n'aqtaqa da yaqto' ishit da nañaxat na 'amqajnataxanaxaicpi.

1 Corintios 14:13

Qaq ÿoqo'oyi ca shiÿaxaua mayi hueto'ot da ishit da detaxaiguilo naua n'aqtaqa sa qaÿauangalo, no'on da nqouagaxaunot ñi Dios da ñaq ishit da ÿanem da i'axat ca naigui ne'enaua l'aqtaqa.