1 Corintios 14:1 - Nuevo Testamento Toba Sur

¹ Qanpogoxoiñiÿapegue' da huo'o da qadsoxoyiqui qataq da ña qami' ÿanema ñi Dios na lshitaxanaxatpi, qalaxayi ÿacteec qanqashiñi da qau'axachi' naua l'aqtaqa.

Nuevo Testamento Toba Sombrero Negro

¹ Oqui'tegue da'me noqopich'i ladic, nataq'aen 'noota qom auepichiya'a da'me jetaque anaviquila't ga'me jo'ne Dios Lepaqal yanegue, qaedi auaqanachichi ta'le a'uaĝachetac da'me 'laqataĝanaĝac ñe'me Dios.

La'aqtaqa Ñim Lo'onatac 'Enauacna 2013

¹ Qanpogoxoiñiỹapegue' da qarsoxoyiqui da ỹataqta 'eesa, qataq qauỹaxañiỹot So Saqcha'a Na'añaxac Qui'itta da qami' ỹapaxague'n da yaqto' qaua'axache' naua na'aqtaqa maye chegoqo'oto Ñim Lo'onatac 'Enauacna.

1 Corintios 14:1 Referans Kwoze

1 Corintios 14:39

Qaq ÿoqo'oyi qami' ÿaqaÿa't, qanpogoxoiñiÿapegue' da qau'axachi' naua l'aqtaqa ñi Dios, qaq sa ishit da sa qauashiñi da qaitaxaiguilo naua n'aqtaqa sa qaÿauangalo.

Hebreos 12:14

Qaq ÿataqta qanpogoxoiñiÿapegue' da qaulaquiitapegue' 'enauac na shiÿaxauapi, ÿataqta qui'itta qanqashiñi da qadataxaqui. Cha'ayi ca sa qui'itta naq'en da nachaalataxac, nachi sa ishit da nauane' ñi qadataxala'.

1 Timoteo 4:14

Sa ishit da 'anañaxane' da l'onataxanaxac ñi 'anshitaxat mayi 'am ÿami' ñi Dios so na'a'q co'ollaq ÿachanguit añi lquiyaqte na lataxala'pi na 'amqajnataxanaxaicpi da 'am ÿashil-lec.

1 Corintios 16:14

'Enauac na qauacoñiilec da qau'ochi, qaq ÿataqta qami' soxodaiqa.

1 Corintios 12:1

Qami' ÿaqaÿa't, ñishitaique da qauaÿajñiita da lataxac na lshitaxanaxatpi so Espíritu Santo mayi ÿanem ñi 'oonolec.

1 Corintios 13:13

Qaq ÿoqo'oyi da npi'iÿaxac qataq da aquitaxac qataq da nsoxoyic ÿataqta qaica ca loga't. Qalaxayi da ÿoqta ÿacteec ne'enaua tres, nachida da nsoxoyic.

1 Ts 5:20

Sa ishit da qau'otañi da l'aqtaxanaxac ca i'aqtaxanaxac ñi Dios.

1 Timoteo 6:11

Qalaxayi 'am, 'am lamaxashic ñi Dios, 'auataueguesop 'enauac ne'ena sa ÿaÿamaxañi. Ÿataqta 'anañanot ñi Dios. Qoquetelco' da achaalataxac qui'itta, qataq da npi'iÿaxac, nsoxoyic, nhualaxavic, qataq huosotta da 'adquiyaqteÿaxac.

1 Corintios 14:37

Da huo'o ca ipi'itaxaatega da l'aqtaxanaxanec ñi Dios, huo'otaq ipi'itaxaatega da netanguit so Espíritu Santo, qaq no'on da ÿaÿateeteguet de'eda shiyiñi da damayi lqataxac so qadataxala' Jesús.

1 Timoteo 5:10

Qataq qaÿauattoota da l'onataxanaxac ÿaÿamaqchiguiñi. Qaq 'eda da n'aqtaguec acamayi: Da ÿataqta no'on da lco'oxoc, qataq da ilo'oguet ca namaxasoxoic, qataq qaica ca huotaique da huapegue' na 'amqajnataxanaxaicpi, qataq da huo'otaq mashi itauaatac da huo'o ca huetapigui ca lÿa, qataq da huo'o ca lÿa l'onataxanaxac ÿaÿamaqchiguiñi.

Efesios 1:3

Shi'oxodenaq ñi Dios ñim lta'a so qadataxala' Jesucristo, cha'ayi nagui da ñi'adaqtau'a so Cristo, nachi ñimayi qomi' ÿanema na ÿotta'a't lqouagaxanaqtaiguesat mayi chigoqo'ot na piguem.

1 Corintios 12:31

Qaq qanpogoxoiñiÿapegue' qome da qauacoñiiguet na ÿataqta no'on lshitaxanaxatpi ñi Dios. Qalaxayi ñaqaiyita aÿim qami' sachaxanalo da ñiquiaxac mayi ÿacteec da lyac.

3 Juan 1:11

'Am ñauochaxaua ÿaqaÿa, sa ishit qome da qoquegue ca qauem 'onataxac, chaqcata ca no'on. Cha'ayi cam i'ot ca ÿaÿamaqchiguiñi, camayi lalamaxat ñi Dios, qaq cam i'ot ca sa ÿaÿamaxañi, qachi sa ishit da ila'a ñi Dios.

2 Pedro 1:7

qataq da qaÿauotec ca nÿa, qataq da qadsoxoyiqui.

Romanos 12:6

Cha'ayi ñi Dios maichi chigoqchigui da qomi' ÿanema na ÿotta'a't lshitaxanaxatpi. Qaq ÿoqo'oyi ÿataqta sepagaqtenaqchigui da 'eetec ca qomi' ÿanema. Da ñi Dios qomi' ÿanema da sa'axata'q naua l'aqtaqa, qaq nachida so'otaq, qalaxayi cam nalotau'a da qadpi'iÿaxac.

2 Timoteo 2:22

'Auataueguesopo' qome na lqopitaxanaqtaiguesat da nogotshic. Qoquetelco' da achaalataxac qui'itta, qataq da npi'iÿaxac, qataq da nsoxoyic. 'Anpogoxoinapegue' da qaica ca da 'enauac nam mashi qui'itte' naua lquiyaqte mayi iÿaxaatega da l'enaxat so qadataxala' Jesús da nqouagaxaunot.

Romanos 9:30

Qaq ÿoqo'oyi ¿chaq huá'ague ca 'eetec ca qad'aqtac? Yi nam sa ishit da judiopi qataq sa ishit da nmittaique da ÿaÿamaxadeeta ñi Dios, qalaq nachina nam ÿaÿamaxadeeta ñi Dios, chigoqchigui da lpi'iÿaxac.

Romanos 14:19

Qaq ÿoqo'oyi qolaqtot qome da ñimitaqaique cam i'ot ca nlagaxayic, yaqto' ñi 'oonolec da shinaqta itaunec ca lÿa da da'añi naq'en da lpi'iÿaxac.

1 Corintios 13:2

Qataq aÿim da huo'otaq sa'axattac da l'aqtac ñi Dios, qataq saÿaten 'enauac nam lataxacpi mayi saq cha'a, qataq semata'a't 'enauac na nauattonaxanaxacpi, qataq da ipi'iÿaxac mashi ivi' da seshit da ñoqochinaxat aca qasoxonaxa, qalaxayi da qaica ca isoxoyic, nachi ñaqaiyita qaica ca shinec.

1 Corintios 14:22

Qaq qomoxochictaxa qone' ne'enaua n'aqtaqa mayi sa qaÿauangalo, naamayi l'anqa qanqoÿin na saxanaxa da da'amqajnataxan, qaq sa ishit da nachina na mashi da'amqajnataxan. Qalaxayi da qai'axat da l'aqtac ñi Dios, damayi l'anec qanqoÿin na mashi da'amqajnataxan, qaq sa ishit da nachina na saxanaxa da da'amqajnataxan.