1 Corintios 13:9 - Nuevo Testamento Toba Sur

⁹ Cha'ayi da qadauattonaxanaxac sa ishit da nalochiguiñi, qataq da qad'aqtaxanaxac da l'aqtac ñi Dios.

Nuevo Testamento Toba Sombrero Negro

⁹ Qa'a da'me qadatetonaĝanaĝac ja naloiñe, nach'e ena'ama jodaa'me qadapaĝaguenataĝanaĝaco ja naloidiñe;

La'aqtaqa Ñim Lo'onatac 'Enauacna 2013

⁹ Cha'aye da qara'aqtaxanaxac maye chegoqo'ot Ñim Lo'onatac 'Enauacna, qataq 'enauac nam sauattonaq nagui, saishet da nalogoñi.

1 Corintios 13:9 Referans Kwoze

1 Corintios 13:12

Qaq nachi 'en'am nagui qomi' da seloqtaigui na lataxaguesat, 'eeta'am da seloqtalec aca tannaxai da 'omalec. Qalaxayi qom ivita ca na'a'q, nachi huaña, qaq selaqa'a 'enauac namayipi ÿataqta ÿaateec. Nagui da ÿauattonaxanaxac saxanaxa da nalochiguiñi. Qalaxayi qom ivita ca na'a'q, nachi huaña, qaq nalogoñi da ÿauattonaxanaxac, 'eeta'am da 'eetec da ñi Dios aÿim ÿauattoota.

1 Corintios 8:2

Da huo'o ca ipi'itaxaatega da huo'o na ÿaÿaten, camayi saxanaxa da huo'o ca ÿaÿaten, cha'ayi saxanaxa da ÿoqta lataxac da lauattonaxanaxac.

1 Corintios 2:9

Qaq tachigui da 'enapec naua ñiyigui'shi l'aqtaqa ñi Dios, 'eeta': Ñi Dios ÿaqataxaatapigui' da ÿanem cam ÿauotec ñimayi da 'achiquiaxac mayi qaica ca ishit da ila'a, huo'otaq hua'axaÿa, huo'otaq da iuennatapega.

Mateo 11:27

Ñi ita'a aÿim imato'ot 'enauac da l'onataxanaxac. Qaq qaica ca ishit da ÿauatton na llalec, chaqñita ñimayi mayi ÿauatton. Qataq qaica ca ishit da ÿauatton ñimayi, chaqnata na llalec mayi ÿauatton, qataq cam ÿauattonaxanaxanec ñimayi nam llalec.

1 Juan 3:2

Qami' ñauochaxa'u ÿaqaÿa't, nagui mashi qomi' llalqa ñi Dios. Qaq saxanaxa da qomi' qaichoxotema chaq hua'ague ca 'eetec qome ca qadataxac ca pa'ateec na'a'q. Qalaxayi qomi' saÿajnaq da qom nachaxan so Jesucristo, nachi ÿataqta shinaqta'am somayi, cha'ayi ÿataqta ñimaqa'ai' da seloqto'ot.

Efesios 3:8

Cha'ayi aÿim ÿataqta qaica ca i'amaqchic, sa ishit da shin'am ca ÿapacteec qaica ca l'amaqchic na lalamaxatpi ñi Dios. Qalaxayi ñimayi aÿim ÿanagui de'eda ñi'achiquiaxac da yaqto' sa'axatem nam sa ishit da judío l'ecpi da no'on qad'axaÿaxac mayi i'axat dam sa ishit da qanaloqten lsallaxa so Cristo.

Romanos 11:34

Cha'ayi “¿negue'tom ca ishit da ÿaÿate'n naua lhuennataxaco ñi qadataxala'? qataq ¿negue'tom ca ishit da ÿapaxaguen ñimayi?

1 Corintios 13:10

Qalaxayi qom sovitaxa da nalochiguiñi da qadauattonaxanaxac, huaña, qanachi imeuo 'enauac na sa ishit da nalogoñi.