1 Corintios 13:7 - Nuevo Testamento Toba Sur

⁷ Qataq n'añaxateguet 'enauac na chochina, cha'ayi huo'o da lpi'iÿaxac, naquitaxac, lhualaxavic.

Nuevo Testamento Toba Sombrero Negro

⁷ Ga'me jo'ne 'uo da'me loqopich'i yema napogaĝadeneguet, nataq'aen ja neli'ñejop da'me 'yamaqaten da'me eja, nach'e eta't 'uo da'me leuataqataĝanaĝac, nataq'aen nalo'oguet yema.

La'aqtaqa Ñim Lo'onatac 'Enauacna 2013

⁷ Ca huo'o da lsoxoyec, camaye nala'aguet 'enauac na chochaqna ivireguet.

1 Corintios 13:7 Referans Kwoze

1 Pedro 4:8

Qalaxayi ÿataqta ÿacteec qome qanqashiñi da qalota da qadsoxoyiqui, cha'ayi da nauotaxanaqtaic i'oteu'a da ÿataqta qalota na nasouaxashitpi qaÿapalaxat.

1 Corintios 13:4

Ca huo'o da lsoxoyic ÿataqta nque'ejnaxaic, qataq huotaxanaqtaqaic, qaq sa ishit da quiÿaxanaqtaqaic, qataq sa ishit da n'amqajnaxaic, huo'otaq ñi'oxonnaxaic.

2 Timoteo 2:24

Cha'ayi ca lamaxashic so qadataxala' sa ishit da quetaigui da petaxaic. Chaqdata da nauote' 'enauac na laÿipi, qataq ÿaÿaten da dapaxaguenataxan, qataq huo'o da lhualaxavic,

1 Pedro 2:24

So Cristo nque'etaxangui 'enauac na qadasouaxashitpi da nachishiguem co'ollaq qaiuaxanguet so npe'enaxaqui, yaqto' qomi' soqolqa'ai da ñi'itaxaloxo, ime, qaq soqolaxague da qui'itta achaalataxac. Na nhuaxanecpi somayi co'ollaq qaiuaxaatalec, nachina na naigui da qami' qanatade'n.

1 Corintios 9:12

Yi na laÿipi mayi nataq'en hueto'ot da 'enec da qami' qaushiichiñi da l'onataxanaxac, qaq ¿táloxochiyo' da saq ÿacteec da qomi' qaushiichiñi'? Qalaxayi qomi' sa ishit da souaxalec de'eda shinaxac mayi qomi' hueto'oto. Chaqdata da qomi' ñi'añaxataxaguet 'enauac na chochina, yaqto' qaica ca nqanaxat da no'on qad'axaÿaxac mayi n'aqtaguec so Cristo.

Gálatas 6:2

Ñi 'oonolec da qoñiita itauan qome ca lÿa da nachishiguem ca lli'ac, qaq yaqto' ishit da qaupaquiichigui da l'aqtac so Cristo.

2 Timoteo 4:5

Qalaxayi 'am ÿataqta 'anloteeco' qome, qataq 'an'añaxateguet na 'anque'ejnaxaguesat, qoquetot da 'au'axat da n'aqtac mayi chigaqaigui da nca'alaxa, 'aupactelco' da 'ad'onataxanaxac.

Santiago 1:12

Ÿataqta machiguiñi ca shiÿaxaua qom huelec da lhualaxavic da n'añaxateguet ca ñi'iguenataguec. Cha'ayi qom mashi inoxonaqchitteec de'eda ñi'iguenataguec, nachi ÿaconguet da nca'alaxa, 'ico' nshiitenaqte qanqoÿin. De'eda nca'alaxa nachida da Dios ÿachaxanapeguem ca shiÿaxaua mayi ÿauotec ñimayi.

2 Ts 1:4

Qaq ÿoqo'oyi qomi' ÿataqta saqalota da qayi'oxonnataxanaxa da qoñiita da sa'aqtaxanaqtapeguem nam i'amaqten ñi Dios, souaxat da qanhualaxaunaxaqui qataq da qadpi'iÿaxaqui, nai'ctaxa da qoviitangui 'enauac na qancanaguiiqui qataq na qanque'ejnaxaqui.

2 Timoteo 3:11

qataq da ñicanaguec, qataq da ñique'ejnaxac. Qataq mashi 'auaÿateeta 'enauac na aÿim qai'otec co'ollaq soota'a yi la ciudad Antioquía, qataq yi Iconio, qataq yi Listra. Ñique'etaxangui 'enauac na ñicanagueguesat, qalaxayi so qadataxala' aÿim nca'alaxateeguesop 'enauac.

Romanos 15:1

Qomi' mayi ÿataqta 'añaxaic da qadpi'iÿaxac, qaica qome ca shigaqtega da saconaxaguet da sachoq da lqalviaxa nam sa da'añi da lpi'iÿaxac, qaq sa ishit da maichi qomi' ñaÿamaxadenaqtapeguela't.

Mateo 10:22

Qataq 'enauac qome nam huetalec ana 'alhua ÿataqta qami' nquiÿalo, souaxat da aÿim qoquiitague'. Qalaxayi ca sa ishit da huo'o ca ÿoqocha'a, chochi ivitta'a ca loga't da nachaalataxac, nachica ca qanca'alaxateec.

Hebreos 13:13

Qaq ÿoqo'oyi ñoqo'onaxauga qome so Jesús mayi huetauga que'eca qaÿoqteuga se'eso qanayiutaña, da yaqto' nataq'en ñique'etaxanaxagui da sa qaÿauo'o ca qanyacnataguec, da shinaqta'am da nque'ejnaxac somayi.

Romanos 8:24

Cha'ayi nachida de'eda qanaquitaxac da qomi' nca'alaxatreec. Cha'ayi ca 'oonolec da huo'otaq ilota'a cam naquitta'a, nachi damayi sa ishit da aquitaxac. Cha'ayi cam mashi qailota'a, nachi sa ishit da iuen da qanaquitta'a.

Marcos 9:23

Nachi so Jesús 'enapego' somayi, 'eeta': –Da 'aushit da 'au'amqajnataxan, cha'ayi cam da'amqajnataxan, nachi sa ishit da huo'o ca alaq.