1 Corintios 13:13 - Nuevo Testamento Toba Sur

¹³ Qaq ÿoqo'oyi da npi'iÿaxac qataq da aquitaxac qataq da nsoxoyic ÿataqta qaica ca loga't. Qalaxayi da ÿoqta ÿacteec ne'enaua tres, nachida da nsoxoyic.

Nuevo Testamento Toba Sombrero Negro

¹³ Chane'eja uo'oe naajo' tres jo'ne qaya'te loiquiaqa't: da'me nepe'e, da'me najoĝonataĝanaĝac nataq'aen joda'me noqopich'i. Qalaĝaja da'me yataqachiñe p'ajaye naa'me naajo' tres mach'e noqopich'i.

La'aqtaqa Ñim Lo'onatac 'Enauacna 2013

¹³ Qaq ỹoqo'oye da npi'iỹaxac qataq da aquitaxac qataq da nsoxoyec ỹataqta qaica ca loga't. Qalaxaye da ỹoqta ỹactec ne'enaua tres, nachera da nsoxoyec.

1 Corintios 13:13 Referans Kwoze

1 Corintios 16:14

'Enauac na qauacoñiilec da qau'ochi, qaq ÿataqta qami' soxodaiqa.

Colosenses 3:14

Qalaxayi ÿataqta ÿacteec qome da qalota qanqashiñi da qadsoxoyiqui, cha'ayi nachida da n'atta't naq'en na shiÿaxauapi, qataq ÿataqta naloqchiichiguiñi naq'en 'enauac na lataxaguesat.

Gálatas 5:6

Qataq da mashi sogote da ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat na l'oc ca shiÿaxaua, huo'otaq jegatai'. Cha'ayi dam ÿataqta huo'o ca naigui, nachida dam qadpi'iÿaxac. Qaq de'eda qadpi'iÿaxac, nachida da qomi' nachaatoiguilo naq'en da nsoxoyic.

Filipenses 1:9

Qataq naxa da ñoqouagaxaueetac, qalaq seÿaxaataique da ña qanquigaxatshiguem da qadauotaxanaqtaiqui qataq na qadaÿajñiqui qataq da qadauattonaxanaxaqui,

1 Timoteo 1:5

Qaq damayi qaÿamaxasoxoolec da qoÿaxaañi, cha'ayi ñi Dios nshitaique da nchoxonna't na shiÿaxauapi. Ca shiÿaxaua huo'o da lsoxoyic, cha'ayi ÿataqta qui'itta añi lquiyaqte, qataq da lavilÿaxac ÿaÿamaqchiguiñi, qataq huosota da lpi'iÿaxac.

1 Juan 2:10

Qaq ca ÿauotec ca lqaÿa, camayi nachattaigui na yi'oqchiguiñi, nachi sa ishit da qaÿauo'o ca lasouaxashit.

1 Ts 5:8

Qalaxayi qomi' mayi souaqtaigui na yi'oqchiguiñi na'a'q, ÿataqta seloqtegue da qoyiquiaxac. Sanaxañi da qadpi'iÿaxac qataq da qadsoxoyic, se'enaxataqchigui ca ale da ÿaañi aca ishit da npaxatalec ana ltogue. Qataq sanaxañi da qanaquitaxac da qomi' qanca'alaxatreec, 'eeta'am aca ado'o alaataxaqui mayi ÿaañi ca ale.

2 Corintios 5:10

Cha'ayi 'enauac qome qomi' ñachaataxau'a cam huaña da so Cristo nmit na nasouaxashitpi, da yaqto' ñi 'oonolec ishit da ÿaconguet cam naigui ca l'onataxanaxac co'ollaq ña nachattaigui da l'oquiaxac, no'on, huo'otaq qauem.

1 Corintios 8:3

Qalaxayi da huo'o ca ÿauotec ñi Dios, qaq ñimayi ÿataqta ÿauattoota camayi.

Colosenses 1:27

Qaq ñimayi ÿauotaique da ÿaÿajnaxanaxanec namayipi dam lsallaxa mayi huo'o da lli'oxoyic da ÿauotaique ÿami' na sa ishit da judiopi. De'eda n'aqtaxanaxac 'eeta': So Cristo qami' hueta'agueta, qataq somayi nachiso so i'ot da qanaquitaxaqui, yaqto' qauacoñiiguet qominchiyi ca ñi'oxoyic.

1 Pedro 1:21

Qaq chigoqchigui so Cristo da huo'o mshi qami' qau'amaqchiñi ñi Dios, ñim qaltaq nca'alaxateeguesop somayi da nleuaxa qataq ÿanem da lli'oxoyic, ÿoqo'oyi qami' qaupi'iÿa'ai qataq qanaquichiÿa'a ñimayi.

1 Juan 3:9

Qalaxayi nam llalaqpi ñi Dios sa ishit da huo'otaq huo'o ca queto'ot da i'otta'pe naua lasouaxashi'te, cha'ayi camayi hueto'ot da achaalataxac mayi ÿanem ñi Dios. Nachi camayi sa ishit da queto'ot da i'otta'pe naua lasouaxashi'te, cha'ayi llalec ñi Dios.

1 Juan 3:3

Qaq 'enauac nam huo'o da lpe'e somayi, namayipi ÿataqta nqui'itaxatta, 'eeta'am da 'eetec so Jesucristo da ÿataqta qui'itta.

1 Juan 2:14

Qaq qami' ÿi'axaiquipi, qami' samaxalo ana ÿide, cha'ayi mashi qauauattoñiita som nal'ena da huo'o co'ollaq saxanaxa da huo'o ana 'alhua. Qataq qami' nsoxotpi, qami' samaxalo ana ÿide, cha'ayi ÿataqta qami' 'añaxaiqa, qataq qauacoñiiguet da l'aqtac ñi Dios, qataq cha'ayi sogote qodoxonqui so shiÿaxaua lma'na.

Hebreos 6:19

Qaq de'eda qanaquitaxac, nachida dam qomi' i'añaxatchiyiñi qataq dam qadquiyaqteÿaxac. Damayi 'eeta'am cam nllañi aca barco. Qaq de'eda qanaquitaxac, damayi n'attaña cam pa'auo so lapoxot aca n'onaxanaxaqui mayi neta'ague da piguem,

2 Timoteo 1:7

Cha'ayi ñi Dios sa ishit da ÿan ca colanqaic da nshitaxat naq'en ca shiÿaxaua. Chaqcata ca i'ot ca n'añaxac naq'en, qataq ca lsoxoyic, qataq ishit da ntel-la't.

Hebreos 6:11

Qalaxayi qomi' sauoqtaique da ñi 'oonolec da qoñiita quetot qome da n'añaxataxac, chochi ivitta'a ca loga't, yaqto' ÿataqta ipacchigui 'enauac cam qanaquichiitaique.

2 Corintios 5:15

So Cristo ileualec 'enauac na shiÿaxauapi, yaqto' cam ña nca'altauec, qalaq sa ishit da maichi lalamaxat da nachaalataxac. Chaqdata da lalamaxat som ileualec qataq nca'aleeguesop qanqoÿin.

1 Corintios 14:1

Qanpogoxoiñiÿapegue' da huo'o da qadsoxoyiqui qataq da ña qami' ÿanema ñi Dios na lshitaxanaxatpi, qalaxayi ÿacteec qanqashiñi da qau'axachi' naua l'aqtaqa.

1 Corintios 3:14

Ñi 'oonolec ca n'oxooshiguem noÿic qom nala'aguet ca nodec, qaq camayi ÿaconguet aca nshiitenaqte.

1 Juan 2:24

Qaq ÿoqo'oyi qami' ÿataqta qai'oxochiÿoiguilo qome naua qadquiyaqchilli' da n'aqtac mayi qau'aqaichigui co'ollaq chita'ague da qau'amqajnataxañi. Cha'ayi de'eda n'aqtac mayi qau'aqaichigui co'ollaxa da huo'otaq ÿataqta huetaiguilo naua qadquiyaqchilli', nachi qami' ÿataqta qan'ayiitau'a ñi Dios qataq so llalec.

Lucas 22:32

Qalaxayi aÿim 'am ñoqouagaxaueetapeguelec, da yaqto' sa ishit da saqca da 'adpi'iÿaxac. Qaq 'am qom ivita da aÿim 'añi'iguelqot, nachi 'autauan qome na 'adqaÿañicpi da yaqto' nachi 'eetai' da lpi'iÿaxac.

Lucas 10:27

Nachi som dapaxaguenataxanapec 'eeta': –“Ÿataqta 'auauotec ñi 'adataxala' Dios, ÿataqta 'amato'ot 'enauac da 'adquiyaqteÿaxac, 'adca'alaxa, 'ad'añaxac qataq 'enauac da 'adhuennataxac, nataq'en ÿataqta 'auauotec ca qoneta'am 'adÿa, 'eeta'am da maichi 'anauojla't.”

Hebreos 10:39

Qalaxayi qomi' sa ishit qome da nachiqomi' da shi'iguelaxasoq qataq da 'ico' qomi' qanlaxajyiñi. Chaqdato' da qomi' ÿataqta huo'o da qadpi'iÿaxac, yaqto' ishit da qaÿaÿamaxat da qanachaalataxac.

1 Corintios 8:1

Qaq nagui qami' sa'axatema da lliquiaxac ca nallic mayi qanatameelec da qoÿanot ca nqolac. 'Eesa da 'enauac da qadauattonatac de'eda. Qalaxayi de'eda nauattonaxanaxac ÿashittagui naq'en da ñi'oxonnaxac ca shiÿaxaua. Chaqdata da nsoxoyic mayi nañaxat naq'en camayi.

Romanos 15:13

Qaq ñi Dios mayi qomi' ÿanema da qanaquitaxac qami' nlaxatchiguilo qome da qantonaxaqui qataq da qadlagaxayiqui souaxat da qau'amaqchiñi ñimayi, da yaqto' chochaq huañi da qanaquitaxaqui souaxat da l'añaxac so Espíritu Santo.

Hebreos 10:35

Qaq ÿoqo'oyi sa ishit qome da huo'o ca qayi'iitaique, cha'ayi ÿataqta lta'adaic qome ca qanshiitenaguiiqui.

Colosenses 1:5

souaxat da qanaquitaxaqui cam ÿaqataxaatapigui' da qami' ÿanema ñi Dios qom qoviita'ague da piguem. Qaq qami' qauacoñiiguet de'eda aquitaxac co'ollaq qan'axaÿaxañiÿa dam n'aqtac mayi 'eesa, dam no'on qad'axaÿaxac mayi chigaqaigui da nca'alaxa.

1 Ts 1:3

Qaq ñim qadta'a Dios mayi souaqto'ot, ñimayi mayi ÿaÿateeta da qadhuennataxa da tachigui qadhuel da l'onataxanaxac da qadpi'iÿaxaqui, qataq da qadsoxoyiqui da qoviitague' na qadqaÿañicpii, qataq da qoquiito'ot qanaquitaxaqui ñi qadataxala' Jesucristo.