1 Corintios 13:12 - Nuevo Testamento Toba Sur

¹² Qaq nachi 'en'am nagui qomi' da seloqtaigui na lataxaguesat, 'eeta'am da seloqtalec aca tannaxai da 'omalec. Qalaxayi qom ivita ca na'a'q, nachi huaña, qaq selaqa'a 'enauac namayipi ÿataqta ÿaateec. Nagui da ÿauattonaxanaxac saxanaxa da nalochiguiñi. Qalaxayi qom ivita ca na'a'q, nachi huaña, qaq nalogoñi da ÿauattonaxanaxac, 'eeta'am da 'eetec da ñi Dios aÿim ÿauattoota.

Nuevo Testamento Toba Sombrero Negro

¹² Nach'e naq'aeta qom jetaque jec'atenaq ga'me jo'ne chiyoqo'ot ñe'me Dios, ga'me jo'ne jauanaĝa ena'am ta'le ch'e laqaselegaĝac jo'ne ja yataqachiñe di'yoqotelegue; qalaĝaja yovita qomle ga'me nolo' da'me male yataqachiñe di'yoqochigui jauanaĝa. Nayi ja di'yoĝoyi da'me jateton ñe'me Dios; qalaĝaja qom novitequena ga'me nolo', male yataqachiñe nalochiñe da'me yatetonaĝanaĝac, ena'am da'me eeta joñe'me Dios da'me jayem yateton.

La'aqtaqa Ñim Lo'onatac 'Enauacna 2013

¹² Nagui da qarauattonaxanaxac Ñim Lo'onatac 'Enauacna, damaye saxanaxa da yo'oqoolec, 'eeta'am da seloqtalec aca tannaxai da 'omalec. Qalaxaye da nauattonaxanaxac qom ivita da nalochiguiñi, huaña nache selaqa'a Ñim Lo'onatac 'Enauacna. Nagui da ỹauattonaxanaxac saxanaxa da nalochiguiñi. Qalaxaye qom ivita da nalochiguiñi, huaña nache sauattoota Ñimaye, 'eeta'am da 'eetec da aỹem ỹauattoota Ñimaye.

1 Corintios 13:12 Referans Kwoze

1 Juan 3:2

Qami' ñauochaxa'u ÿaqaÿa't, nagui mashi qomi' llalqa ñi Dios. Qaq saxanaxa da qomi' qaichoxotema chaq hua'ague ca 'eetec qome ca qadataxac ca pa'ateec na'a'q. Qalaxayi qomi' saÿajnaq da qom nachaxan so Jesucristo, nachi ÿataqta shinaqta'am somayi, cha'ayi ÿataqta ñimaqa'ai' da seloqto'ot.

2 Corintios 3:18

Qaq ÿoqo'oyi 'enauac da shinaqta mashi qaica som lapoxot na qadashic, nachi shinaqta'am aca tannaxai mayi 'edoigui naq'en da lli'oxoyic so qadataxala', qataq nachi ñiquigaqta'aguet da shinaqta'am so Cristo, cha'ayi dam lli'oxoyic somayi nachi qomi' nquigaxattrashigue'm. Qaq 'eda da 'eetec so qadataxala' da nachiso so Espíritu Santo.

Filipenses 3:12

Qaq aÿim sa ishit da huo'otaq shiitega da mashi sevi' 'enauac nam sa'axattac, huo'otaq da mashi nalochiguiñi da ÿataxac. Qalaxayi aÿim ashicta, huo'o da ñaquitaxac da ña sevida'a da huo'o mshi aÿim ÿaconeu'a co'ollaxa so Cristo Jesús.

Apocalipsis 22:4

Huaña, nachi qanma'ai' da qanauane' ñimayi. Nachi na lata'pi namayipi, nachi nanettalguete ca l'enaxat.

Santiago 1:23

Cha'ayi ca chochi n'axaÿaxaatega da n'aqtac, qalaq sa ishit da ÿalaxalec da i'ot, camayi 'eeta'am ca shiÿaxaua da ilolec aca tannaxai da imeten da lashiguiaxac.

2 Corintios 5:7

Qaq soqolaqtelec qome da qadpi'iÿaxac, qaq sa ishit da nachica ca yi'oqchigui da seloqtagui.

Mateo 5:8

Qataq ÿataqta machiguiñi qome nam qui'itta da lquiyaqteÿaxac, cha'ayi namayipi nauane' qome ñi Dios.

1 Corintios 8:3

Qalaxayi da huo'o ca ÿauotec ñi Dios, qaq ñimayi ÿataqta ÿauattoota camayi.

Romanos 8:18

Cha'ayi 'eesa da huo'oi naua qanque'ejnaxaco de'eda qanachaalataxac mayi souaqtaigui nagui, qalaxayi sa ishit da 'en'am ñaqshin cam ñaq natai' ñi'oxoyic mayi ñiuanaqhua'a qome.

Mateo 18:10

Sa ishit qome da qau'otañi ca 'oonolec nam saqca ca l'amaqchic. Cha'ayi aÿim qami' shinapegalo da na nhuataxauapi mayi lamaxashicpi ñi Dios, namayipi nachi 'eetai' da datato'ot ñi ita'a mayi neta'ague da piguem.

1 Corintios 13:11

Co'ollaq ñaq aÿim nogotolec, qalaq naua itaxaÿaxaco qataq naua imejnaxanaxaco qataq naua iuennataxaco i'enaxatchigui da ñaq aÿim nogotolec. Qalaxayi co'ollaq mashi aÿim ÿi, nachi saxaneec da ñinogotshic.