1 Corintios 12:28 - Nuevo Testamento Toba Sur

²⁸ Qaq 'eda da 'eetec ñi Dios co'ollaq huo'o na ÿaconeu'a na 'amqajnataxanaxaicpi da ÿanagui da l'onataxanaxac. Ÿamataxaachiguiñi da ÿideuo na lamaxashicpi naq'en so Jesús. Ime, qataq jec na i'axat da l'aqtac ñi Dios. Ime, qataq jec na dapaxaguenataxanapecpi. Ime, qataq jec na i'ot na n'añaxacpi mayi sa qaÿauanapega. Ime, qataq jec na ishit da nataden na dalolaxaic, qataq na itaunec da lhuenaxanaxa ca lÿa, qataq na ishit da nataxala'. Ime, qataq huo'o na ÿanem da ishit da detaxaiguilo naua n'aqtaqa sa qaÿauangalo.

Nuevo Testamento Toba Sombrero Negro

²⁸ Qama'le Dios yanema onolqa'tape ga'me mach'e 'lonataĝanaĝa'j q'ae'n: 'uaeñe uo'oe gaa'me yanema da'me qaedi namaĝa's, laqaya' yanema da'me qaedi aqataĝanaĝayaqa, laqaya' yanema da'me qaedi paĝaguenataĝanaĝayaqa, laqaya' yanema da'me lañoqotaĝanaĝa'j qaedi yaloĝo'n ga'me ja qoyauanapega, laqaya' yanema da'me lañoqotaĝanaĝa'j qaedi yemedegue q'ae'n joga'me leuaĝayaqa, laqaya' qoyayatenaĝaneque da'me qaedi lecochiyalo jogaa'me jo'ne 'uo da'me louenaĝanaĝa'j, laqaya' qoyanema da'me qaedi dauegaqataĝana'ape, uo'oe gaa'me qoyanema da'me qaedi yadenaĝa't da'me 'naqataqa laqaya'.

La'aqtaqa Ñim Lo'onatac 'Enauacna 2013

²⁸ Na 'amqaanataxanaxaicpi, Ñim Lo'onatac 'Enauacna ỹami' da lo'onataxanaxac ñi 'oonolec namayepi. Ỹamataxaachiguiñi na lamaxashecpi So Jesús. Ime, qataq jec na la'aqtaxanaxanecpi Ñim Lo'onatac 'Enauacna. Ime, qataq jec na dapaxaguenataxanapecpi. Nataqa'en nam ishet da ỹo'ot na sa qaỹauanapega. Ime, qataq jec na ishet da nataren na sa no'on, qataq na itaunec da lhuenaxanaxa ca lỹa, qataq na ishet da nataxala'. Ime, qataq huo'o na ỹanem da ishet da detaxaiguilo naua na'aqtaqa sa qaỹauanapegalo.

1 Corintios 12:28 Referans Kwoze

1 Corintios 12:18

Qalaxayi ñi Dios maichi chigoqchigui da naloqchiichiguiñi na lma'pi da i'adeuo na logoxoshitpi de'eda n'oquiaxac.

Efesios 3:5

De'eda lataxac mayi saq cha'a sa ishit co'ollaxa da huo'o ca qaÿaÿajnaxanaxanec som hua'a'u vi'iyi. Qalaxayi nagui ñi Dios ÿachigoxotchigui so n'Espíritu da ÿaÿajnaxanaxanec nam iÿotaugapi mayi lamaxashicpi so Jesús qataq na l'aqtaxanaxanecpi.

Hebreos 13:24

Qaq qai'añiim qome da iquinaxanaxac 'enauac na qadataxala'aipi, qataq 'enauac na qadqaÿañicpi mayi qad'amqajnataxanaxauapi. Qaq nam netaña na Italia qami' ÿamaxalo da lquinaxanaxac.

Hebreos 13:17

Ÿataqta qaualaqailec qome na qadataxala'aipi qataq qanañañiiguet da qami' ilo'oguelo, cha'ayi namayipi nachina na ilotague' da qanachaalataxaqui, cha'ayi ÿaÿateeta'a da huo'o ca na'a'q, qaq ishit da inat ñi Dios namayipi. Qataq qanpogoxoiñiÿapegue', da yaqto' ÿataqta machiguiñi da l'onataxanaxac qataq sa ishit da ÿapacteec qapa'atta. Cha'ayi da nachi 'eetec de'eda, qaq sa ishit da huo'o ca qanqachi.

1 Timoteo 5:17

Ca nataxala' da ÿataqta ÿaÿaten da ilo'ogue na 'amqajnataxanaxaicpi, camayi ÿataqta qaÿauotec qome qataq qaitauan. Lamaaxa da nañanguet da da'aqtaxan qataq dapaxaguenataxan.

Efesios 2:20

Qataq qami' qoñiita'am ca noÿic mayi qan'oxootapiguishiguem, n'oxootelec qanqoÿin som lapaxañi co'olloxochiyi na lamaxashicpi so Jesús qataq na l'aqtaxanaxanecpi ñi Dios. Qaq nachiso so Jesucristo som 'ico' coma' mayi nllañi ca noÿic.

Hechos 20:28

Qaq ÿoqo'oyi ñi 'oonolec da qoñiita ÿataqta ntel-la't qome, qataq nataq'en qadchilliÿa'a qome 'enauac na 'amqajnataxanaxaicpi mayi qami' ipataxagueta so Espíritu Santo da yaqto' qauloÿigue. Namayipi maichi lalamaxatpi so qadataxala', lshijnaxanaxatpi, lashiue soua maichi ltago'q co'ollaq qaÿalauat.

1 Corintios 10:32

Sa ishit da huo'o ca huañi qanqashiñi na judío l'ecpi, huo'otaq na saq judío l'ecpi, huo'otaq na i'amaqteetacpi ñi Dios.

Lucas 6:14

Qaq 'ena na l'enaxatpi somayipi: Simón som ilonec da l'enaxat Pedro, qataq so Andrés som lqaÿa so Pedro, qataq so Santiago, qataq so Juan, Felipe, qataq so Bartolomé,

Marcos 16:17

Qaq cam hueta'ague ca da'amqajnataxan, camayi i'ot qome na n'anecpi mayi 'eeta': qai'onataxana da i'enaxat da qai'odauec na n'ecpi leguemaxaic, qataq da qai'aqtaxanguilo naua ÿaqa'alo n'aqtaqa,

Hechos 11:27

Qaq se'esoua na'axa'te huo'oi soua Dios l'aqtaxanaxanqa chigoqdaña yi Jerusalén da nqo'ooda yi Antioquía.

1 Corintios 12:29

Qaq ¿ishit peta'a da 'enauac lamaxashicpi so Jesús? qataq ¿ishit peta'a da 'enauac l'aqtaxanaxanecpi ñi Dios? Huo'otaq ¿ishit peta'a da 'enauac dapaxaguenataxanapecpi? qataq ¿'enauac peta'a da ishit da i'ot na n'añaxacpi mayi sa qaÿauanapega?

1 Corintios 12:30

Qataq ¿ishit peta'a da 'enauac nataden na dalolaxaic? qataq ¿ishit peta'a da 'enauac detaxaiguilo naua n'aqtaqa sa qaÿauangalo? qataq ¿ishit peta'a da 'enauac ÿaÿaten da i'axat ca naigui ne'enaua n'aqtaqa? Aja', 'eesa da sa ishit da nachi 'eetec de'eda.

1 Corintios 14:2

Cha'ayi ca shiÿaxaua mayi detaxaiguilo naua n'aqtaqa sa qaÿauangalo, camayi n'aqtaxaatague' ñi Dios, qaq sa ishit da nachina na shiÿaxauapi, cha'ayi qaica ca ishit da hua'axaiguet. Camayi itaxaÿaxanaxan so Espíritu Santo da i'axat na 'eesa lataxacpi mayi saq cha'a.

1 Corintios 14:4

Ca ishit da detaxaiguilo naua n'aqtaqa sa qaÿauangalo, camayi maichi nañaxattac. Qalaxayi ca i'axa't naua l'aqtaqa ñi Dios, camayi nañaxat naq'en na 'amqajnataxanaxaicpi.

1 Corintios 14:5

Qaq aÿim ñishitaique da 'enauac da qoñiita da ishit da qautaqÿoiguilo naua n'aqtaqa sa qaÿauangalo, qalaxayi ÿacteec ñaqashin da qau'axachi' naua l'aqtaqa ñi Dios. Cha'ayi ÿacteec ca naigui da qai'axat da n'aqtac, qa saq 'en'am da qaitaxaiguilo naua n'aqtaqa sa qaÿauangalo. Lamaaxa da sa qai'axat ca naigui ne'enaua n'aqtaqa da yaqto' ishit da nañaxat na 'amqajnataxanaxaicpi.