1 Corintios 12:12 - Nuevo Testamento Toba Sur

¹² Cha'ayi so Cristo 'eeta'am da 'oonolec n'oquiaxac mayi saqalota na logoxoshitpi. Qaq ne'ena logoxoshitpi, nai'ctaxa da saqalota, qalaxayi n'atta'a't, 'oonolec da n'oquiaxac.

Nuevo Testamento Toba Sombrero Negro

¹² Da'me qat'oyaĝac ja ch'e jamalegue, qa'a uo'oe qayoĝode' gaa'me qadoĝoje'te, qalaĝaja onolec da'me qat'oyaĝac yemedaye. Nach'e naq'aeta da'me 'loyaĝac ñe'me Cristo jo'ne uetauelo ga'me p'etaqadaiquipi.

La'aqtaqa Ñim Lo'onatac 'Enauacna 2013

¹² Na ỹa'amaqteetac So Cristo, 'eeta'am da lo'ocỹaxac ca 'oonolec shiỹaxaua. Qalota na na'attaua'a logoxoshetpi, qalaxaye 'oonolec da lo'ocỹaxac.

1 Corintios 12:12 Referans Kwoze

Colosenses 3:15

Qataq da nlagaxayic mayi chigoqo'ot ñi Dios ilo'ogue qome da qadquiyaqteÿaxaqui, cha'ayi nachida da huo'o mshi qami' iÿaxanalo ñi Dios, da ÿauotaique da 'ico' 'oonolec n'oquiaxac naq'en da qoñiita. Qaq ÿoqo'oyi ÿataqta qauamaichiguiñi qome.

1 Corintios 12:27

Qaq qami' mayi nachiqami' l'oquiaxac so Cristo. Ñi 'oonolec da qoñiita n'attau'a de'eda n'oquiaxac.

Colosenses 2:19

Cha'ayi namayipi sa ishit da n'attau'a so Cristo mayi nachiso so lqaic de'eda n'oquiaxac. Qaq somayi nachiso so nquictashiguem naq'en da i'añaqchit de'eda n'oquiaxac, qataq ÿataqta n'atta't naq'en nam ÿotta'a't logoxoshitpi da ipacchigui naq'en dam 'eetapeguec ñi Dios.

Efesios 4:4

Cha'ayi 'oonolec da n'oquiaxac, qataq 'oonolec so Espíritu Santo. Cha'ayi ñi Dios qami' iÿaxanalo co'ollaxa, da yaqto' 'oonolec naq'en da qanaquitaxaqui.

1 Corintios 10:17

Nai'ctaxa da qomi' saqalota, qalaxayi 'enauac da sachiguenaq aso 'oonole pan, qaq ÿoqo'oyi qomi' 'eeta'am da 'oonolec n'oquiaxac.

Efesios 5:30

cha'ayi maichi lalamaxat l'oquiaxac. Qaq nachiqomi' mayi qomi' l'oquiaxac, 'eeta'am da qomi' lapa'chi qataq lpi'inqa.

Colosenses 1:18

Qataq so Cristo nachiso so lqaic da n'oquiaxac mayi nachina na 'amqajnataxanaxaicpi. Somayi nachiso so ÿanem da lca'alaxa de'eda n'oquiaxac. Somayi l'auaxanec da qanca'alaxateeguesop na leuaxaicpi, da yaqto' somayi nachisota 'oonolec nataxala'.

Efesios 5:23

Cha'ayi ca lhua nachica ca lqaic acamayi, nachi 'eeta'am so Cristo. Somayi nachiso so lqaic na 'amqajnataxanaxaicpi, qataq nachiso som lca'alaxaqui. Qaq namayipi nachina na 'ico' l'oquiaxac somayi.

Efesios 4:12

Qaq 'eda da 'eetec co'ollaq ÿaqataxanai' da llic naq'en na lalamaxatpi, yaqto' ñi 'oonolec i'ot ca l'onataxanaxac, da yaqto' nquictashiguem da l'oquiaxac so Cristo,

Gálatas 3:16

Qaq ñi Dios huo'o co'ollaxa so ÿachaxanapecot so Abraham qataq cam llalec. Qaq nam ñiyigui'shi l'aqtaqa ñi Dios sa ishit da 'eeta': “ca llalaqpi,” da 'eeta'am da huo'otaq qalota cam detaqtega shiÿaxauapi. Cha'ayi ñimayi 'eeta': “ca 'ai'alec.” Qaq damayi naigui qone' da 'oonolec ca qaitaqtega shiÿaxaua. Qaq somayi nachiso so Cristo.

Colosenses 1:24

Qaq nagui aÿim ÿataqta samachiguiñi, cha'ayi huo'o da ñique'ejnaxac souaxat da qoñiita. Cha'ayi de'eda nque'ejnaxac da ÿalamaxat i'oquiaxac, damayi naigui da yaqto' nalochiguiñi naq'en na nque'ejnaxacpi so Cristo souaxat na 'amqajnataxanaxaicpi mayi nachina na 'ico' l'oquiaxac somayi.

Efesios 1:23

Cha'ayi na 'amqajnataxanaxaicpi nachina na 'eeta'am da l'oquiaxac so Cristo. Qaq namayipi ÿataqta imatta't da lataxac somayi. Qaq somayi ÿataqta naloqchiichiguiñi naq'en 'enauacna.

1 Corintios 12:7

Qaq ñi Dios ÿanem ñi 'oonolec shiÿaxaua ca lshitaxanaxat mayi ichoxot naq'en so Espíritu Santo da ÿauotaique ntaunaxat 'enauac na shiÿaxauapi.

1 Corintios 12:20

Qalaxayi 'eesa da nai'ctaxa da saqalota na nogoxoshitpi, qalaxayi 'oonolec da qan'attau'a n'oquiaxac.