1 Corintios 12:11 - Nuevo Testamento Toba Sur

¹¹ Qalaxayi nachisota so 'oonolec Espíritu mayi chigoqo'ot 'enauac ne'enapi. Somayi maichi chigoqchigui da naloqneec na ÿotta'a't lshitaxanaxatpi da ÿanem ñi 'oonolec shiÿaxaua.

Nuevo Testamento Toba Sombrero Negro

¹¹ Qalaĝaja nach'eñe ñe'me Dios Lepaqal jo'ne ye't ena'uaque naa'me naajo' uo'oe; onolqa'tape p'etaqadaiquipi nalotapegueta q'aen ga'me yanema.

La'aqtaqa Ñim Lo'onatac 'Enauacna 2013

¹¹ Qalaxaye nachaqsota so 'oonolec Saqcha'a Na'añaxac Qui'itta maye chegoqo'ot 'enauac ne'enapi. Somaye maiche chegoqchigui da naloqnec na ỹotta'a't lachetaqtaxanaxatpi da ỹanem ñi 'oonolec shiỹaxaua.

1 Corintios 12:11 Referans Kwoze

1 Corintios 12:4

Saq 'en'a't na nshitaxanaxatpi mayi qoÿanem na shiÿaxauapi, qalaxayi 'oonolec so Espíritu mayi chigoqo'ot.

Hebreos 2:4

Ñi Dios nataq'en ÿataqta 'itchiguiñi de'eda n'aqtaxanaxac. Ÿoqo'oyi ÿauo'oi naua l'anqa, qataq nam i'ot da n'aalaxa, qataq qalota nam i'ot nam sa qaÿauanapigui, qataq chigoqchigui naq'en so Espíritu Santo da ñimayi ÿotta'a't naq'en da 'eetec da qomi' ÿanema, qaq ipacchigui da maichi 'eetapeguec.

2 Corintios 10:13

Cha'ayi qomi' sa ishit da huo'otaq sagaqpeguec da ñapagaqlec cam qomi' qoÿanema. Cha'ayi ñi Dios mayi nachiñi ñi i'an ca loga't cam qad'onataxanqa', qaq nachiñi ñimayi ñim qomi' ÿanema da huo'o mshi sovidaqa'alo qami' mayi qoñiitaña na Corinto.

Efesios 4:7

Qalaxayi ñi 'oonolec da shinaqta qoÿanem ca nshitaxat, qaq camayi ipacchigui cam tateu'a l'onataxanaxac mayi ÿanem so Cristo.

1 Corintios 12:6

Qataq saq 'en'a't da lataxac da l'onataxanaxac na shiÿaxauapi, qalaxayi nachiñi ñi Dios mayi i'onataxanaxan 'enauac namayipi.

Santiago 1:18

Ñimayi qomi' namaxalo da l'aqtac mayi i'axat da 'eesa lataxac da qomi' nca'alaxatreec, cha'ayi nshitaique da qomi' 'ico' l'auaxanqa ala na 'enauac l'onatac. Qaq damayi nachida da maichi lhuennataxac.

Efesios 1:11

Cha'ayi ñi Dios nal'ena co'ollaxa da qomi' lca'agui'shi da ÿauotaique da qomi' ÿanema ca ÿan qomilchiyi ñimayi, qaq damayi ÿachigoxotchigui nagui da qomi' ñi'adaqtau'a so Cristo. Qaq 'enauac de'eda ÿataqta nateeteguet da maichi lhuennataxa ñimayi, mayi maichi l'onatac 'enauac na lataxaguesat, qataq i'ot ca ÿaÿamaxadeeta.

1 Corintios 7:17

Nai'ctaxa ca 'eetec ca lataxac ñi 'oonolec, nachica saq ÿaxaneec. Chaqdata da ilotelec da lliquiaxac cam ÿanem so qadataxala'. Da 'eetec da lataxac co'ollaq Dios iÿaxana, nachida saq ÿaxaneec. Qaq 'eda da saqattega 'enauac ana n'onaxanaxaquipi.

1 Corintios 7:7

Aÿim huo'o da iyaxa da 'enauac aÿim qoÿiita'am, qalaxayi ñi Dios ÿanem ñi 'oonolec na ÿotta'a't lshitaxanaxatpi. Ca 'oonolec 'eeta' da lataxac, qataq ca lÿa 'eeta'.

Romanos 12:6

Cha'ayi ñi Dios maichi chigoqchigui da qomi' ÿanema na ÿotta'a't lshitaxanaxatpi. Qaq ÿoqo'oyi ÿataqta sepagaqtenaqchigui da 'eetec ca qomi' ÿanema. Da ñi Dios qomi' ÿanema da sa'axata'q naua l'aqtaqa, qaq nachida so'otaq, qalaxayi cam nalotau'a da qadpi'iÿaxac.

Romanos 9:18

Qaq 'eda da 'eetec da ñi Dios da nqouaguec cam tajlec da nqouaguec qataq qadamchigui naq'en añi lquiyaqte cam tajlec da qadamchigui naq'en.

Juan 5:21

Cha'ayi de'eda 'eetec da ñi ita'a da ishit da qaltaq nca'alaxateec ca leuaxaic, nachi ÿanem da lca'alaxa, qaq nachi 'eetec nataq'en nam llalec da ishit da ÿanem da lca'alaxa cam tajlec da ÿanem.

Juan 3:27

Nachi so Juan 'enapegalo soomayi, 'eeta': –Qaica ca shiÿaxaua maichi nalligoxottela't da huo'o ca i'ot, da huo'otaq sa ishit da ÿanem ñi Dios camayi cam i'ot.

Juan 3:8

Na l'at da nashiiyishiguem, qalaq maichi ÿoiqueetac ca dataigue. Qaq 'am 'au'aqtega na l-lamaxa, qalaxayi sa ishit da 'auaÿaten cam chigoqchiguiña qataq cam taÿa'ague. Qaq nachi 'eetec nataq'en 'enauac na chigoqo'ot da lañoxoc so Espíritu.

Mateo 20:15

Cha'ayi ¿sa ishito' peta'a da aÿim maichi soiqueetac ca sangui aca maichi aÿom? ¿Loqo' chaq 'am 'adquiÿatega peta'a da souaxat da aÿim choxonnataxanaxaic?”

Mateo 11:26

Aja', 'am ita'a, cha'ayi nachida dam maichi 'adhuennataxac.

1 Corintios 12:18

Qalaxayi ñi Dios maichi chigoqchigui da naloqchiichiguiñi na lma'pi da i'adeuo na logoxoshitpi de'eda n'oquiaxac.