1 Corintios 11:34 - Nuevo Testamento Toba Sur

³⁴ Qaq da huo'o ca ÿoqouat, qaq no'on da lqui'aqa' ca maichi lma', yaqto' ñi Dios sa ishit da ÿauo'o ca qanhuaxanaguiiqui, souaxat de'eda qoñiitec da qalapoñiÿa't. Qaq na laÿipi lataxacpi maichi saÿamaxajñi qom ivita da qami' ñoqo'onalo.

Nuevo Testamento Toba Sombrero Negro

³⁴ Nataq'aen qom 'uo gamachaqaega jo'ne yataqachiñe yoqouat jo'ne ja yaqanatet ta'le 'uo ga'me yeuatetaque, 'noota qom ua'a ga'me 'lachaqa' da'me 'uo ga'me yalic, qaedi ja ami 'te yedalo'te ga'me ane'uaĝañiyaque qa'a jouaĝat da'me naq'aeta ga'me a'vichiyec ga'me ademaĝaqui. Gaa'me uo'oe laqaya' qamqa'me mach'e je'et qom ami jovida'alo.

La'aqtaqa Ñim Lo'onatac 'Enauacna 2013

³⁴ Qaq ca huo'o na lqouaxa, qaq no'on da lquia'aqa' ca maiche lma', yaqto' Ñim Lo'onatac 'Enauacna saishet da ỹauo'o ca qanhuaxanaguiiqui, souaxat de'era qarataxaqui da ivita da qalapoñiỹa't. Qaq na laỹepi lataxacpi maye qanataxañeetapeguelec maiche saỹamaxaañi qom ivita da qami' sevitalo.

1 Corintios 11:34 Referans Kwoze

1 Corintios 7:17

Nai'ctaxa ca 'eetec ca lataxac ñi 'oonolec, nachica saq ÿaxaneec. Chaqdata da ilotelec da lliquiaxac cam ÿanem so qadataxala'. Da 'eetec da lataxac co'ollaq Dios iÿaxana, nachida saq ÿaxaneec. Qaq 'eda da saqattega 'enauac ana n'onaxanaxaquipi.

1 Corintios 4:19

Qalaxayi saqaÿaloq da qami' ñauaneto, qom aÿim ÿanem ca ÿiquiaxac so qadataxala'. Hua'a, qanachi ishit da saÿaten chaq 'eetec da l'añaxac que'eca ñi'oxonnaxaicpi, yaqto' sa ishit da chaqdata da l'aqtac mayi qai'axattac.

Tito 1:5

Se'eso na'a'q co'ollaq 'am ñi'onaxataña yi 'alhuolec Creta, cha'ayi ñishitaique da 'auaÿamaxajñi na saxana sematpi, qataq da 'edeuo na lataxala'pi na 'amqajnataxanaxaicpi mayi netaña na pueblopi. Qaq 'eda da 'am sepataxalec da 'au'axat:

1 Corintios 16:2

Da iviteuga ca na'a'q l'auaxanec naua la semana, nachi ñi 'oonolec da qoñiita huo'o aca iÿotauga, qalaxayi acatai' nalotau'a nachaca ÿaÿamaxat, yaqto' sa ishit da iuen da qai'ot aca ntaunaxanaqte qom qami' sevitalo.

1 Corintios 16:5

Da ÿiquiaxac sauotaique da sa'auaxaañi da satelec yi 'alhua, l'enaxat Macedonia, qaq qom ime, nachi ñoqo'ona na Corinto.

1 Corintios 4:17

Qaq ÿoqo'oyi mashi qami' samaxalo so Timoteo mayi 'eeta'am da ÿalec, cha'ayi aÿim ÿachigoxotchigui da quetague' so qadataxala'. Somayi qami' iuennataxanaxanque da 'eetec da ÿataxac da shictague' so Cristo dam sapaxagueetapeguec 'enauac ana qad'onaxanaxaquipi mayi neta'alo naua 'ale'u.

1 Corintios 11:33

Qaq ÿoqo'oyi qami' ÿaqaÿa't, da ivita da qalapoñiÿa't da qauqui'ii, qaq ñi 'oonolec iuata'a ca lÿa da lqui'axaua.

1 Corintios 16:1

Qaq qom qau'ochi aca ntaunaqte na qadqaÿañicpi 'amqajnataxanaxaicpi, qalaq qau'enaxachiichigui da ÿapaxaguenataxanaxac mayi sanem na 'amqajnataxanaxaicpi mayi netaña yi 'alhua, l'enaxat Galacia.