1 Corintios 11:29 - Nuevo Testamento Toba Sur

²⁹ Cha'ayi da huo'otaq deque'e qata nÿom, qaq saq taÿapigui lauel da chictac da l'oquiaxac so qadataxala', qanachi de'eda lqui'axac qataq de'eda nÿomaxac 'eeta'am da iÿaxaatega ca nhuaxanaguec.

Nuevo Testamento Toba Sombrero Negro

²⁹ Qa'a gamachaqaega yalic nataq'aen niyomigui qalaĝaja ja yayaten ga'me yelo'teguet da'me lapat ñe'me Jaliaĝanec, mach'ega nauela't da'me le'uaĝanaĝanaĝac ñe'me Dios.

La'aqtaqa Ñim Lo'onatac 'Enauacna 2013

²⁹ Cha'aye da huo'otaq deque'e qataq nỹom, qaq da saq taỹapigui lauel da chectac da lo'ocỹaxac So Qarataxala', nache de'era lquia'axac qataq de'era nỹomaxac maiche iỹaxaatega ca nhuaxanaguec.

1 Corintios 11:29 Referans Kwoze

1 Corintios 11:27

Qaq ÿoqo'oyi da huo'o ca chic ana pan, huo'otaq nÿomgui ana ÿomaxaqui mayi naigui da qaiuennate so qadataxala', qaq da huo'otaq qaica ca naigui naq'en, nachi 'eeta'am da sa iyacnapec da l'oquiaxac qataq naua ltago'q somayi.

1 Corintios 11:30

Qaq nachida da huo'o mshi saqalota da qoñiita na sa no'on qataq na dalolatapigui'. Nataq'en huo'o na mashi saqca.

Santiago 3:1

Qami' ÿaqaÿadolqa, sa ishito' qome da saqalota na dapaxaguenataxanapec da qoñiita, cha'ayi mashi qauaÿajñi da qomi' mayi sapaxaguenataxanaqtac, qomi' naÿalguete ca saq llalcolec qanhuaxanaguec, saq shinaqa'am na qadaÿipi.

Hebreos 5:14

Qalaxayi nam nallic mayi sa nsatta, namayi taiguet cam shiÿaxaua mashi ÿi, mayi mashi dauattonaxan, qataq nai'ac da ÿauatton cam no'on qataq ca qauem.

1 Corintios 11:24

Nachi ÿanot da n'achic ñi Dios. Ime, qanachi ncolaxajñi aso pan, nachi 'enapeco': “Qolliqui ne'ena; nachina na maichi ÿapat mayi taÿa'a da qancolaxajñi da qami' nca'alaxatreec. Qaq qau'ochi qome de'eda, yaqto' sa ishit da aÿim qaucouai'ai.”

Romanos 13:2

Qaq ÿoqo'oyi cam npa'aguene' na nta'alpi, nachi camayi npa'aguene' dam lataxac mayi lapaxañi ñi Dios. Qaq ÿoqo'oyi na nachi 'eetec de'eda, nachi namayipi maichi nasouaxajla't da qaÿauo'o ca nhuaxanaguec.

Santiago 5:12

Qami' ÿaqaÿadolqa, da ÿoqta napactelec na 'enauac 'eeta': Sa ishito' qome da 'auÿaxaatega da chigoqo'ot na piguem ca 'anhuaxanaguec, huo'otaq chigaqlec na 'alhua, huo'otaq camachaqcague't lÿa, qom huo'otaq sa 'aupaguelec ca 'ad'aqtac. Chaqdata da 'oonolec ca 'ad'aqtac 'anqa'en da 'auasat. Qoneta': Aja'. Qaq da sa 'aushit, qaq qoneta': 'A'i. Qaq da qonetec de'eda, nachi ñi Dios sa ishit da ÿauo'o ca 'adasouaxashit.

Lucas 7:34

Ime, qataq anac na shiÿaxaua llalec mayi chictac na no'on nallic qataq nÿomtac, nachi qami' qoñiÿapec da qui'axaic qataq nÿomaxaic qataq nauochaxaua na 'itaxaloxoicpi qataq nam ÿacootapeeguet ana nshiitenaqte ca nta'a.

1 Corintios 11:28

Ÿoqo'oyi ñi 'oonolec iuen da i'auaxaañi da ÿataqta naÿateetela't. Ime, qanachi ishit da chic ana pan qataq ishit da nÿomgui ana ÿomaxaqui.