1 Corintios 11:26 - Nuevo Testamento Toba Sur

²⁶ Qaq ÿoqo'oyi da ivita da qolliqui ana'ana pan, qataq qanÿomiigui ana'ana ÿomaxaqui, nachi 'en'am da qau'axachiitac da l-leuaxa so qadataxala' Jesús, chochi ivitta'a ca na'a'q qom ñi'iguelaq.

Nuevo Testamento Toba Sombrero Negro

²⁶ Chane'eja, chayovida'a qom 'niyelaq ñe'me Jaliaĝanec, nale yovita da'me jaliguinaq ga'me pan nataq'aen nale ñiyomaĝaye jaga'me yomaĝaiqui, nach'eda ja'aĝataqatac queda'me nach'eñe ñe'me yeleu ca'li qaedi qo'mi nec'alaĝatedegue.

La'aqtaqa Ñim Lo'onatac 'Enauacna 2013

²⁶ Qaq da ivita da qolliqui ana'ana nauole, qataq qanỹomiigui ana'ana ỹomaxaqui, nache qaua'axacheetac da l-leuaxa So Qarataxala' Jesús, choche ivitta'a ca na'a'q da ñe'eguelaq Somaye.

1 Corintios 11:26 Referans Kwoze

Apocalipsis 1:7

Qaq ¡ña qauloÿa, na Cristo nactaigui na l'oc! Qaq 'enauac qome da qaila'aguet, qaq ivida'a qome nam ique'emaqchit ishit da ila'a namayi. Qaq 'enauac qome na ÿotta'a't shiÿaxauapi mayi huetalec ana 'alhua ÿataqta noÿiitagui qome qaila'aguet. Aja', nachi 'eetec.

Hebreos 9:28

qaq nachida da 'eetec nataq'en so Cristo da 'oonolec da qaÿi'iguelaxalec da qoÿaneuo da yaqto' nqat nam qalota nasouaxashitpi. Qaq da ime, nachi qaltaq ÿi'iguelaxalec da nachaxan, qalaxayi sa ishit da anaga da nqat na nasouaxashitpi, chaqdata da somayi anaga da nca'alaxateec nam iuattaique somayi.

Juan 14:3

Qaq qom mashi ime da ashic da saqataxanai' ca qadmayi, nachi qaltaq ñi'iguelaq da qami' saue'c, yaqto' qami' nachi 'eetai' da aÿim qoviita'aguet que'eca soota'a.

1 Juan 2:28

Qaq ÿoqo'oyi qami' ÿalqolqa, nachi 'eetai' qome da qan'ayiitau'a so Cristo, yaqto' ÿataqta huo'o qome da qadpe'e qom ivita da nachaxan somayi, qaq sa ishit da huo'o ca qad'aloxo qom ivita da ñi'iguelaq.

Hechos 1:11

Qaq soomayi 'ena'po': –Qami' Galilea lashi', ¿tá'ainco' yi nachi qauloito'ot na piguem? Se'eso Jesús mayi qami' nalligoqtoiguilo da taigue da piguem, somayi qome qaltaq ñi'iguelaq. Qaq que'eca lli'iguelaxasoxoc nachi 'eeta'am qome de'eda lliquiaxac mayi qauauañiichigui.

2 Pedro 3:10

Qalaxayi que'eca lli'iguelaxasoxoc so qadataxala' ivita qom sa qalligueme da taÿapigui yi nhuel, 'eeta'am ca cachaxaic da quetagui yi pe. Huaña, nachi na piguem nlaguiñi, ÿataqta qaica ca 'en'am ca l-lamaxa. Nachi nam hueto'ot na piguem ÿavigaxat que'eca nodec, nataq'en ana 'alhua, qataq 'enauac nam huetalec.

Juan 21:22

Nachi so Jesús 'enapeco': –Da aÿim ñishitaique da namayi nachi 'eetai' qome da nca'altauec, chochi ivitta'a qom aÿim ñi'iguelaq, qalaxayi ¡'auauaqta'a qome; sa ishit da 'atapegueu'a namayi! 'Am, qalaxayi aÿim qoquegue.

Apocalipsis 22:20

Qaq som i'axattac de'eda 'eeta': –Aja', aÿim saqaÿaloq da ñanac. Aja', nachi 'eetec. ¡Ña 'auanac, 'am qadataxala' Jesús!

Judas 1:14

Nataq'en so Henoc som huetoigui da siete nqochin na llalaqpi so Adán, somayi i'axata'a namayipi co'ollaq i'aqtaxanaxan ñi Dios, 'eeta': “Aÿim sauaateguet ñi qadataxala' nnaictague' som chalcata mil nam lalamaxatpi,

1 Ts 4:16

Cha'ayi 'eeta': som qadataxala' Jesús qom huonoteeguesop na piguem, da nactaigui da 'ico' lamaxasoxonaxac ca nta'a, qataq nactaigui da lÿaxanaxac ca lataxala' na chigaqshiguem Dios lamaxashicpi, qataq da l-lamaxa ana nashiide qom qaÿashiidaxaalecna naq'en ñi Dios. Qanachi na ileutañi' da i'amaqten so Cristo, nca'aleec qanqoÿin.

1 Corintios 15:23

Qalaxayi ñi 'oonolec ÿataqta ca maichi lalamaxat lliquiaxac. So Cristo mashi sogote l'auaxanec da nca'aleec qanqoÿin. Ime, qaltaq jec na lalamaxatpi, qom ñi'iguelaq somayi.

2 Ts 1:10

que'eca na'a'q qom ñi'iguelaq somayi da qaÿi'oxoden, ÿi'oxoden na maichi lalamaxatpi, qataq da qai'aalac, i'aalac 'enauac na 'amqajnataxanaxaicpi. Cha'ayi qami' mashi qau'amaqchiñi dam qami' sa'axataqtapeguema.

1 Corintios 4:5

Qaq ÿoqo'oyi qami' sa ishit da huo'o ca qau'aviÿalec da qanmichi. Qauachiÿa'aguet so qadataxala' qom ñi'iguelaq da yi'oq naq'en na huetaigui na napalaxa. Somayi mayi yi'aqlec naq'en na 'eetapeguecpi ana nquiyaqtepi. Ime, qanachi ñi Dios ÿaconguet ca 'oonolec da ÿanem ca 'itchiguiñi naÿamaxannataguec.

Juan 21:23

Nachi jec de'eda n'aqtaxanaxac som nqaÿañicpi da se'eso apaxaguenaxaua, somayi sa ishit da ileu. Qalaxayi so Jesús sa ishit da 'eetega somayi da sa ishit da ileu. Cha'ayi de'eda 'enapec 'eeta': “Da aÿim ñishitaique namayi da nachi 'eetai' qome da nca'altauec, chochi ivitta'a qom aÿim ñi'iguelaq, qaq ¡'am sa ishit qome da 'atapegueu'a namayi!”