1 Corintios 11:19 - Nuevo Testamento Toba Sur

¹⁹ Cha'ayi ¡qami' iuen da qaucolaqaigui da ÿotta'a't na qauatailec shiÿaxauapi, yaqto' yi'oq na ÿoqta 'eesa 'amqajnataxanaxaic!

Nuevo Testamento Toba Sombrero Negro

¹⁹ Qa'a Dios ami yaje'tema da'me mach'e ami ja adaloi'ta't qaedi yataqate' di'yoqochiguilo gaa'me jo'ne 'nañaĝatela'ajalo uetedaue da'me yataqatelegue napaĝaguenataĝanaĝac.

La'aqtaqa Ñim Lo'onatac 'Enauacna 2013

¹⁹ Qaq damaye iuen da nache 'eetec, yaqto' yo'oq na ỹoqta 'eesa da ca'attague' So Cristo.

1 Corintios 11:19 Referans Kwoze

1 Juan 2:19

Namayipi qomi' ca'aisalo, qalaxayi ÿoqta 'eesa da namayipi sa ishit da ÿoqta qomi' lÿa't. Cha'ayíctaxa da ÿoqta maichi qomi' lÿa't, nachi sa ishíttaxa da qomi' ca'aisalo. Qalaxayi namayipi 'eetec de'eda, yaqto' yi'oqta da sa ishit da 'en'a't da ÿoqta qadaÿipi.

Tito 3:10

Da huo'o ca sa nhuojna't naq'en na 'amqajnataxanaxaicpi, camayi ÿataqta 'autaxaÿot. Qaq da 'am sa ÿalaxaguet da mashi dos 'avi'iguelaxalec da qonapega, camayi nal'en da 'auÿotauga.

Hechos 20:30

Qataq da qoñiita huo'o qome ca maichi qami' chigoqchiguinguilo, nachi dapaxaguenataxanec na chochi ashipegaxanaxac, qaq sa ishit da i'axat cam ÿoqta 'eesa, cha'ayi nshitaique da na 'amqajnataxanaxaicpi quegue camayi.

Lucas 17:1

Nachi so Jesús 'enapega so lapaxaguenatacpi, 'eeta': –Aÿim saÿateeso'o' da huo'o qome ca ishit da ÿauo'o naq'en ca lasouaxashit na shiÿaxauapi, qalaxayi ¡choxodaxaso' qome que'eca shiÿaxaua mayi huo'o naq'en ca lasouaxashit ca lÿa!

Mateo 18:7

Qaq ¡ÿataqta sa ÿaÿamaxañi da huo'o nam shiÿaxauapi mayi i'oteguet ca lasouaxashit ca lÿa ana 'alhua! Qaq damayi nachi 'eetai' qome da huo'o. Qalaxayi ÿataqta ¡choxodaxaso' qome ca shiÿaxaua mayi chigoqchigui ne'ena nasouaxashitpi!

Gálatas 5:20

qataq da qanatameetacot na nqolacpi, qataq da qaÿi'en ca nÿa, qataq da nquiÿaxanaqtaic, loquiaxac, qataq da nca'alaxanaxac, saq ÿoxonguit da nalemataic, qataq da chochi huo'o ca qanaquittaique da huo'o ca qai'ot, qataq da ÿotaxac da qoÿida't na shiÿaxauapi.

Hechos 28:22

Qaq ÿoqo'oyi qomi' sauoqtaique da 'am ñi'axaÿaxanaxa ca 'eetec ca 'adhuennataxac. Cha'ayi saÿajnaq da 'enauaque naua 'ale'u qanpa'agueetega de'eda dalaxaic n'amqajnataxanaxac.

Hechos 26:5

Namayipi nataq'en ÿaÿateeta, qataq ishit da maichi i'axat, da co'ollaq ñaq aÿim nogotolec qalaq ñanacte' da shictaigui na fariseopi, nam ÿataqta quetegue da l'amqajnataxanaxac na judiopi, saq 'en'am na laÿipi.

Hechos 24:14

Qalaxayi aÿim ñi'axatta da aÿim so'onataxaatacot ñim Dios so hua'au ita'alpi, qalaxayi aÿim shictague' de'eda dalaxaic ñiquiaxac mayi namayipi ÿamata'ac da dalaxaic n'amqajnataxanaxac, cha'ayi aÿim sa'amaqten 'enauac nam nanettañi nqataxacpi mayi chigoqo'ot so Moisés qataq som l'aqtaxanaxanecpi ñi Dios.

Hechos 24:5

Cha'ayi qomi' ÿataqta selaqlec ñi'iñi shiÿaxaua da ÿataqta sa dalemaqtaxan, qataq 'enauaque naua lÿa't 'ale'u i'otec da nÿodacachi naq'en na judiopi, qataq nachiñi ñim lataxala' nam lataxanatacpi so qaÿamata'ac Nazaret l'ec.

Hechos 15:5

Qalaxayi huo'oi soua ÿalectrauo na fariseopi mayi 'amqajnataxanaxaiqa soua nachajyiñi, nachi 'ena'po': –Nam 'amqajnataxanaxaicpi mayi sa ishit da judiopi, namayipi iuen da qaÿauo'o ca n'anaxashit na l'oc, qataq da qaÿamaxalec da i'ot na nqataxacpi mayi chigoqo'ot so Moisés.

Hechos 5:17

Nachi som lta'a na ntaxaÿaxanaxanecpi qataq na quetague' na saduceopi mayi hueta'aguet somayi ÿataqta nquiÿalo soua namaxa'shi.

Lucas 2:35

qaq yaqto' ishit da qaÿaÿaten ca lhuennataxac añi lquiyaqte ñi 'oonolec shiÿaxaua. Qaq 'am qome, qalaxayi 'enauac de'eda 'eeta'am ca ÿiilonec da huo'otaq qai'ayigui añi 'adquiyaqte.

1 Corintios 11:20

Cha'ayi souaxat da qami' qaucolaqaitagui, nachi naxa da ivita da qau'ochi da nqui'axac mayi naigui da qaiuennate so qadataxala', nachi de'eda qadqui'axaqui sa ishit da nachiso somayi da qauennachi.

2 Corintios 12:20

Cha'ayi aÿim huo'o da itelaxa da huo'otaq ivita da qami' ñoqo'onalo, qaq sa iuena'a da sa ishit da tachigui cam tatapigui yi iuel da qami' ñauaneto, qataq sa iuena'a, da qami' nataq'en sa ishit da tachigui cam tatapigui yi qadvilli da aÿim qanauañi'. Cha'ayi aÿim huo'o da icolanaxa da huo'otaq qami' quetanguilo ca cotaxac, pa'aguenaxac, nalemataic, shiÿaxaua sa iuen ca lÿa, qaÿasaxalec ca lasouaxashit ca nÿa, nvidaqtaxanaxac, 'amqajnaxac, qataq qaica ca naÿamaxa.