1 Corintios 10:25 - Nuevo Testamento Toba Sur

²⁵ Qami' qolliqui qome 'enauac na lapat mayi chigaqaigui aca nmenaxaqui. Sa ishit da qaunataxañiitapeguelec ca chigaqa'ague, yaqto' sa ishit da sa ÿaÿamaxañi da qadhuennataqai.

Nuevo Testamento Toba Sombrero Negro

²⁵ Aualiqui qomle gamachaqaega ga'me lapat jo'ne qoyemen nale. Ja auoviñetaque ta'le yaloĝoja analoqochiñe uotaĝa diyachitapiyelo naa'me adai'lidi' queda'me ja auayachiñe ga'me chiyoĝogue.

La'aqtaqa Ñim Lo'onatac 'Enauacna 2013

²⁵ Qami' qolliqui qome 'enauac na lapat maye chegaqaigui aca nmenaxaqui namaye. Saishet da qaunataxañiitapeguelec ca chegaqa'ague, yaqto' saishet da sa ỹaỹamaxañi da qarhuennataqai.

1 Corintios 10:25 Referans Kwoze

1 Corintios 8:7

Qalaxayi sa ishit da 'enauac qaÿaÿaten de'eda. Cha'ayi huo'o na nai'ac co'ollaxa da natameetacot na nqolacpi, da ñaq 'eetalec nagui da huo'otaq chic ne'ena nallic, 'eeta'am naq'en ca nallic mayi qoÿanot ca nqolac. Qaq da ntounaxac yi saxanaxa da da'añi, nachi nomteguet da qaishipaxanaqchit.

1 Timoteo 4:4

Cha'ayi 'enauac na l'onatac ñi Dios ÿataqta 'onaxaic. Ÿoqo'oyi sa ishit da semaxaÿaxanaqtac, chaqdata da saconaxaguet, qataq sanaqtacot da qan'achic ñi Dios.

Tito 1:15

Ca shiÿaxaua, da qui'itta da lhuennataxa, qaq qui'itta naq'en 'enauac na chochina lataxaguesat. Qalaxayi na sa da'amqajnataxan, qataq saxanaxa da qui'itta da lhuennataxa, namayi qaica ca qui'itta naq'en. Cha'ayi da lhuennataxa qataq da lavilÿaxac ÿataqta nshipaxan.

Romanos 14:14

Cha'ayi aÿim saÿaten da sa ishit da huo'o ca chochi natchiguem da dauogaxanaqta. Qaq de'eda shiitega ÿataqta 'eesa, cha'ayi sa'amaqteetac so qadataxala' Jesús. Qalaxayi da huo'o ca 'oonolec da qoñiita ipi'ittega da ishit da sa qaishitapec ca nallic, qaq camayi mayi maichi pa'aÿo'ot da sa qaishitapec naq'en.

Romanos 13:5

Qaq ÿoqo'oyi no'on da ÿataqta qaÿalaxaguet na nta'alpi. Sa ishit da chaqdata da qaivittega ca nhuaxanaguec ca shiÿaxaua, cha'ayi nachi lataxac, yaqto' matapiguiñi yi lavilÿaxac ca shiÿaxaua.

Hechos 10:15

Qalaxayi se'eso n'aqtac qataq ÿi'iguelaxalec da 'enapec, 'eeta': –Cam mashi qui'itta naq'en ñi Dios, camayi sa ishit da 'auamata'ac da nshipaxan.