1 Corintios 10:23 - Nuevo Testamento Toba Sur

²³ 'Eesa quenaxa na n'aqtac da 'eeta': “Sa ishit da qaillapeguem ñi 'oonolec da maichi ÿoiqueetac ca i'ot,” qalaxayi sa ishit da 'enauac na lataxaguesat da n'onaxat ca shiÿaxaua. Aja', 'eesa da sa ishit da qaillapeguem ñi 'oonolec da maichi ÿoiqueetac ca i'ot, qalaxayi sa ishit da 'enauac da nañaxat naq'en.

Nuevo Testamento Toba Sombrero Negro

²³ Eetojo' nale naa'me at'aqataqadi': “Qoyajeta yema ga'me mach'e jetaque jauoqo.” Eja, qalaĝaja ja yema ta'le qo'mi lecochiyalo. Yataqachiñe eja queda'me yema qoyajeta ga'me jo'ne mach'e jetaque jauoqo, qalaĝaja ja yema ta'le naqaeda chiyaqayi da'me nichiquetedajeguem ga'me p'etaqadaiquipi.

La'aqtaqa Ñim Lo'onatac 'Enauacna 2013

²³ Huo'o da qoñiita na 'eeta' da la'aqtac: «Aỹem huesochiguiñi da maiche soiqueetac da huo'o ca so'ot.» ¡Qaq de'era qara'aqtaqui ỹoqta 'eesa! Qalaxaye saishet da 'enauac nam 'eetapeguec ca shiỹaxaua da ỹaỹamaqchiguiñi qataq saishet da 'enauac da ỹa'añaqchet da qara'amqaanataxanaxac.

1 Corintios 10:23 Referans Kwoze

1 Corintios 6:12

'Eesa quenaxa da n'aqtac da 'eeta': “Sa ishit da qaillapeguem ñi 'oonolec da maichi ÿoiqueetac ca i'ot,” qalaxayi sa ishit da 'enauac na lataxaguesat da n'onaxat ca shiÿaxaua. Aja', 'eesa da sa ishit da qaillapeguem ñi 'oonolec da maichi ÿoiqueetac ca i'ot, qalaxayi ca shiÿaxaua sa ishit da ÿauaqta'a da 'ico' lcoñitaguishic ca i'ot.

1 Corintios 8:9

Qalaxayi qami' qautelaqtaxañiÿot de'eda qadataxaqui mayi huosochiguiñi da sa ishit qome da huo'o ca lasouaxashit naq'en ca saxanaxa da da'añi da lpi'iÿaxac.

Efesios 4:29

Qataq sa ishit da qauema naua qad'aqtaqalli'. Chaqdata da qan'onaxachi' naua qad'aqtaqalli', yaqto' ishit da nquiguishiguem, qataq huo'o da n'achiquiaxac cam qami' n'axaÿaxaategalo.

1 Ts 5:11

Ÿoqo'oyi qantauñiÿa't, qataq ñi 'oonolec i'añaqchit ca lÿa. Qaq de'eda mashi qau'ochiitac, nachida qoquiitot.

Romanos 14:15

Qaq ÿoqo'oyi ca nallic mayi qollictac, da huo'otaq ishit da ique'emaqchit da lhuennataxac ca 'ad'amqajnataxanaxaua, nachi 'am sa ishit qone' da qoquetaigui da 'adsoxoyic. Qaq sa ishit qome da huo'o ca 'auqataqchit nam ileualecpi co'ollaxa so Cristo, souaxat da 'am 'anshitaique da qollic nam ÿotta'a't nallic.

1 Corintios 14:17

Qaq de'eda 'anqouagaxaunaxac 'eesa da huo'otaq ÿaÿamaqchiguiñi, qalaxayi que'eca 'adÿa sa ishit da nañaxat qanqoÿin.

1 Corintios 14:26

Ÿoqo'oyi qami' ÿaqaÿa't, da ivita da qalapoñiÿa't, qaq da huo'o ca 'oonolec da qoñiita huo'o ca l'onec, huo'otaq ca lÿa huo'o ca lapaxaguenataxanaxac, huo'otaq ca lÿa huo'o ca ÿaÿajnaxanaxanec ñi Dios, huo'otaq ca lÿa detaxaiguilo naua n'aqtaqa sa qaÿauangalo, huo'otaq ca lÿa nsoyiñi ne'enaua n'aqtaqa, hua', qaq 'enauac ne'enapi no'on da nañaxat naq'en na 'amqajnataxanaxaicpi.

1 Timoteo 1:4

qataq nal'en sa ishit da ÿoqocha'a na chochi n'aqtaxanaxac n'ajnaxaic, nataq'en da n'aqtaguec da lliquiaxac so hua'au lta'alpi. Cha'ayi damayi ndota't da cotaxac mayi qaica ca naigui, qataq sa ishit da itauan ca shiÿaxaua da huapegue' da n'onataxanaxac mayi Dios qomi' ÿanema, souaxat da huo'o da qadpi'iÿaxac.

1 Corintios 14:12

Qaq ÿoqo'oyi qami' mayi huo'o da qadyaqai da qauacoñiiguet na nshitaxanaxatpi mayi chigoqo'ot so Espíritu Santo, ÿataqta qanpogoxoiñiÿapegue' qome da qauacoñiiguet cam ishit da nañaxat naq'en na 'amqajnataxanaxaicpi.

1 Corintios 8:1

Qaq nagui qami' sa'axatema da lliquiaxac ca nallic mayi qanatameelec da qoÿanot ca nqolac. 'Eesa da 'enauac da qadauattonatac de'eda. Qalaxayi de'eda nauattonaxanaxac ÿashittagui naq'en da ñi'oxonnaxac ca shiÿaxaua. Chaqdata da nsoxoyic mayi nañaxat naq'en camayi.

2 Corintios 12:19

Qalqo' ¿qami' qaupi'itaxañiÿa peta'a da qomi' shinaqpec de'eda, da chochi qami' ñoqolguetaqtagueto? 'A'i, sa ishit. Chaqdata da qomi' ÿaÿateete' ñi Dios nagui da qomi' itaxaÿaxanaxa'n so Cristo. Qaq 'enauac de'eda so'otaq, qami' ÿaqaÿadolqa, damayi naigui da yaqto' ishit da qanquiquiitashiguem.