1 Corintios 10:18 - Nuevo Testamento Toba Sur

¹⁸ Ña qaumijñi na llalaqpi so Israel. Nam chictac na nachitaqtaxanaxat huaca lapat mayi qoÿaneuo, namayipi 'eeta'am da qaÿauaxaÿaxana't, souaxat ne'ena nachitaqtaxanaxat.

Nuevo Testamento Toba Sombrero Negro

¹⁸ Auenachi'talo joga'me Israel c'oqo'tepi jo'ne yali'j ga'me uaca lapat 'me qoyigoue nale, jogaa'me yiuaĝayaĝana't da'me 'nonaĝachidegue ñe'me Dios jo'ne qoyachalegue ga'me c'atoĝonaĝala'.

La'aqtaqa Ñim Lo'onatac 'Enauacna 2013

¹⁸ Ña qaumiiñi na Israel le'ecpi. Nam chectac na nachetaqtaxanaxat huaca lapat maye qoỹaneuo, namayepi nhuanaua'a da lqouagaxanaqtaic Ñim Lo'onatac 'Enauacna, souaxat ne'ena nachetaqtaxanaxatpi.

1 Corintios 10:18 Referans Kwoze

Gálatas 6:16

Qaq 'enauac qome nam quetegue de'eda ñiquiaxac, qataq 'enauac nam lalamaxatpi ñi Dios, namayipi ÿaconguet qome da nlagaxayic qataq da nchoxonnataxanaxa.

1 Corintios 9:13

Qami' mashi qauaÿajñi da na huetapegue' da n'onataxanaxac aca n'onaxanaxaqui, namayipi chigaqaigui da nshiitenaguec de'eda l'onataxanaxac. Dam ÿoqta shiitega 'eeta' da nam huetapegue' aca nca'atoxonaxalate da ÿavigaxattac na nachitaqtaxanaxat huaca lapat, namayipi chictac na qaiÿotauga lapat.

Romanos 4:12

Qaq 'eesa da so Abraham nachiso so lta'a nam qaÿauo'o ca n'anaxat na l'oc. Qalaxayi sa ishit da nachaqdata damayi. Cha'ayi namayipi nataq'en quetague' da lliquiaxac da lpi'iÿaxac so qadta'a Abraham co'ollaq saxanaxa da qaÿauo'o ca n'anaxat na l'oc.

Romanos 4:1

Qaq ÿoqo'oyi chaq shinaqtec ca qad'aqtac: ¿Chaq négue't cam ÿaconguet co'ollaxa som Abraham mayi sachigoxosoxoguet?

Romanos 1:3

Dam n'aqtac mayi i'axat da llic so qadataxala' Jesucristo som llalec ñi Dios. Qaq dam yi'oqchigui lañoxoc somayi, qalaxayi chigoxoguet so nta'a l'enaxat David.

Hebreos 13:10

Cha'ayi qomi' huo'o aso qadca'atoxonaxalate mayi sa ishit da huo'otaq chigueu'a ca laÿi na nachitaqtaxanaxatpi som ltaxaÿaxanaxanecpi na shiÿaxauapi da qaitaxaÿapegue' ñi Dios mayi ilotague' so toguishic lauo' ñi Dios.