1 Corintios 10:14 - Nuevo Testamento Toba Sur

¹⁴ Ÿoqo'oyi qami' ÿaqaÿa't, qami' ñauochaxa'u, qauataiueguesop qome da qanatamñiitacot na nqolacpi.

Nuevo Testamento Toba Sombrero Negro

¹⁴ Chane'eja, ami yaqaya'olqa, ¡nayi auajoyegue, oquiya'ae da'me anetameñiyoto gaa'me nequi'il!

La'aqtaqa Ñim Lo'onatac 'Enauacna 2013

¹⁴ Ỹoqo'oye qami' ỹaqaỹañicpi, qami' ñauochaxau', saishet qome da qavio'oxoyiñiitac na qanatameetacotpi maye choche ne'enaqtacpi qataq saq 'en.

1 Corintios 10:14 Referans Kwoze

Apocalipsis 21:8

Qaq nam shiÿaxauapi mayi colanqaic, qataq nam sa da'amqajnataxan, qataq nam nqaigaxatpi, laataxanaxaicpi, qataq nam quishiguetaxaicpi, qataq nam ÿi'en ca lÿa, qataq nam natameetacot ca nqolac, qataq 'enauac nam tenataxanaxaicpi, qaq 'enauac qome namayipi qoÿami' da qaÿasaxangui ca lta'adaic nodec mayi huaña da ÿavictaigui na quiquiaxadaic. Mayi nachica ca ÿaqa'aguet nleuaxa.

1 Juan 5:21

Qami' ÿalqolqa, ÿataqta qadvichiÿa'a qome ca lÿa qoÿiitega qadta'a dios. Aja', nachi 'eetec.

1 Pedro 2:11

Qami' ÿaqaÿadolqa, qami' mayi qoñiita'am ñaqshin ca sa ishit da nqajlec ca lañoqo', qami' ñachoxodeetoiguilo da sa ishit qome da qauauo'oi ca ldaqa' ca 'eetapeguec da qadapachiyaxaqui mayi iloquiaxaatac da qanachaalataxaqui.

Apocalipsis 22:15

Qalaxayi pa'atauec qome na i'otta'pe naua qauema, qataq na i'ottac da n'enaxanaxac, qataq nam quishiguetaxaicpi, laataxanaxaicpi, qataq nam natameetacot na nqolacpi, qataq 'enauac nam nqopita da i'ot da latenataxanaxac.

2 Corintios 7:1

Qaq ÿoqo'oyi qami' ñauochaxa'u ÿaqaÿa't, 'eda da qomi' qaÿachaxanapecoto. Ÿoqo'oyi sa ishit qome da huo'o ca ishipaxanaqchit da qad'oquiaxac qataq dam saq cha'a qanachaalataxac 'enauac nam ishit da deshipaxanaqtaxan. Qataq ÿataqta ñipogoxoinaqpegue' qome da qomi' qui'itte', souaxat da souaqtaigui da shi'iÿaxa ñi Dios.

2 Corintios 6:17

Qaq ÿoqo'oyi nataq'en ñi qadataxala' 'eeta': Qoquiÿa'ai qome na sa da'amqajnataxanpi, qataq qauÿochiilec; qataq sa ishit qome da qaupochiu'a ca ishit da deshipaxanaqtaxan. Yaqto' aÿim ishit da qami' sacongueta,

Apocalipsis 13:8

Nachi se'eso shiguiÿac ÿataqta ÿi'oxodeetac 'enauac nam huetalec ana 'alhua, nam sa ishit da nanettau'a aso nanedaxalate nam lca'alaxaicpi co'ollaq chita'ague da qai'ottac ana 'alhua, asom hueto'ot so qagueta llalec mayi qaÿalauat co'ollaxa.

Apocalipsis 2:14

Qalaxayi aÿim huo'o na sa saÿamaxadenpi da qoneta, yi ¿tá'ainco' yi huo'o na netaña na Pérgamo da sa ishit da ÿaxaneec da lapaxaguenataxanaxac so Balaam? Cha'ayi somayi ÿapaxaguenec co'olloxochiyi so Balac, da yaqto' ÿayina'a so Israel llalaqpi da chic nam nachitaqtaxanaxat mayi qaÿavigaxat da qoÿanot ca nqolac, qataq da taigui naq'en da quishishaxac, da yaqto' huo'o ca lasouaxashit.

1 Corintios 10:7

Ÿoqo'oyi qami' sa ishit da qau'enaxachi da 'eetec somayipi da huo'o na natameetacot na nqolacpi. Cha'ayi naua ñiyigui'shi l'aqtaqa ñi Dios 'eeta': “So shiÿaxauapi nso'ooñi. Ime, qaq i'ot so lqui'axac qataq nÿomtac. Ime, qaq nachajñi da i'ot so l'ashaxac.”

2 Corintios 11:11

Qaq ¿tá'ainco' yi 'eetec dam da' i'aqtac? ¿Sa ishit peta'a da qami' sauoteque? Qalaxayi ñim Dios mayi ÿaÿaten da ÿataqta qami' sauoteque.

Romanos 12:19

Qami' ÿaqaÿadolqa, sa ishito' qome qami' da maichi qaupalliitaique ca qadviyi. Chaqdato' qome da qauauaqaita'a da nachiñi ñi Dios ñim i'ot ca nhuaxanaguec ca shiÿaxaua. Cha'ayi naua ñiyigui'shi l'aqtaqa ñimayi 'eeta': “Aÿim mayi nachaÿim so'ot ca nhuaxanaguec ca shiÿaxaua, nachaÿim mayi seshiitenaxan, 'enapec nam qadataxala'ai.”

Filipenses 4:1

Qaq ÿoqo'oyi qami' ñauochaxa'u ÿaqaÿa't, aÿim ÿataqta huo'o da iyaxa da qami' ñauaneto, cha'ayi qami' mayi nachiqami' qau'ochi da ñitonaxac qataq qami' ÿi'oxode'te. Qaq nachi 'eetai' qome da qoquiitague' so qadataxala', qami' ñauochaxa'u.

2 Corintios 12:15

Qaq aÿim ÿataqta huo'o ca ñasapattelec da sematteuo na aÿim hueto'ot, ivitta'a da sematteuo da i'añaxac, da yaqto' ishit da ÿaÿamaxañi da qanachaalataxaqui. Qalaxayi nai'ctaxa da huo'otaq nquictashiguem da qami' sauoteque, qalaq nachi 'en'am da nquictashiguem da sa ishit da aÿim qauauochiic.

Filemón 1:1

Aÿim Pablo, aÿim qaicoñittai' souaxat da sasoilec so Cristo Jesús. Aÿim qataq ñi Timoteo 'am samaxa ana ÿide, 'am qanauochaxaua qadqaÿa Filemón mayi 'am qad'onataxanaxaua,

2 Corintios 12:19

Qalqo' ¿qami' qaupi'itaxañiÿa peta'a da qomi' shinaqpec de'eda, da chochi qami' ñoqolguetaqtagueto? 'A'i, sa ishit. Chaqdata da qomi' ÿaÿateete' ñi Dios nagui da qomi' itaxaÿaxanaxa'n so Cristo. Qaq 'enauac de'eda so'otaq, qami' ÿaqaÿadolqa, damayi naigui da yaqto' ishit da qanquiquiitashiguem.

Hechos 15:20

Chaqdata da qomi' samaxasaxa aca qodede namayipi, da yaqto' ÿaxaañi da chic na nallic mayi mashi qoÿanot ca nqolac, qataq sa ishit da huo'o ca ncachitapegue' aca sa ishit da lhua, qataq sa ishit da chic na lapat ca chochi chigueuo na lqosot, huo'otaq ca 'ogaxaic mayi sa qaicoldeec na ltago'q, qataq sa ishit da chic na ntago'q.

1 Corintios 5:11

Da shiitega 'eeta': sa ishit da qaualliquiitapeeguet da huo'o ca 'eetega da qad'amqajnataxanaxauai, qalaq quetaigui da lquishiguetaxac, huo'otaq mataxalaic, huo'otaq natameetacot na nqolacpi, huo'otaq n'aqtaqa l'o', huo'otaq taxaic, huo'otaq cachaxaic. Qataq ivida'a da sa ishit da chochi qadqui'axauai ca nachi 'eeta'ac de'eda.

1 Corintios 10:15

De'eda itaxaÿaxac da qami' setaxaÿoto, se'enaxatteguem da setaqtacot ca shiÿaxaua ÿajnaxanaxaic, qaq qami' maichi qanmichi de'eda shinapec.

1 Corintios 10:19

Sa ishit da shiitega da ÿataqta huo'o naq 'enec ca nqolac, huo'otaq na nachitaqtaxanaxat lapat da huo'otaq saq 'en'am ca lÿa.

Hebreos 6:9

Qami' ÿaqaÿadolqa, qomi' nai'ctaxa da huo'otaq 'eetec de'eda da qadtaxaÿaxac, qalaxayi qomi' saÿajnaqta da qoñiita dam lta'adaic qanchoxonnataguiiqui mayi chigaqaigui da nca'alaxa.