1 Corintios 1:6 - Nuevo Testamento Toba Sur

⁶ Qaq ÿoqo'oyi da n'aqtaguec so Cristo yi'oqta da mashi qami' nañaxatoiguilo.

Nuevo Testamento Toba Sombrero Negro

⁶ Qama'le da'me 'naqataĝanaĝac 'me 'yaĝatetac ñe'me Cristo joote ami qo'yetouelo;

La'aqtaqa Ñim Lo'onatac 'Enauacna 2013

⁶ Qaq ỹoqo'oye da na'aqtaguec So Cristo yo'oqta da qami' nañaxatoiguilo.

1 Corintios 1:6 Referans Kwoze

Apocalipsis 1:2

Qaq ÿoqo'oyi somayi ÿataqta 'eesa de'eda l'aqtaxanaxac 'enauac nam ÿauaachigui, da ÿataqta 'eesa da l'aqtacpi ñi Dios dam qomi' nda'alo so Jesucristo.

2 Timoteo 1:8

Ÿoqo'oyi sa ishito' da 'ancoxolec da 'au'axateec so qadataxala' Jesús. Nataq'en sa ishito' da huo'o da 'adcoxo, souaxat da aÿim qaicoñittai', sasoilec somayi. Chaqdato' da 'anhuanau'a de'eda que'ejnaxac souaxat da n'aqtac mayi chigaqaigui da nca'alaxa, qaq ñi Dios 'am itaunec qome da 'ad'añaxac.

1 Timoteo 2:6

Somayi nañanguet da qaÿalauat, qaq de'eda nalaataguec naigui da ishiiten aso lashiue da lca'alaxa na 'enauac shiÿaxauapi. Qaq de'eda co'ollaq ivita so laloqo', nachi jec da qai'axateec.

Apocalipsis 19:10

Nachi aÿim sa'adoto naua illicte, da yaqto' shi'oxoden som namaxashic. Qalaxayi somayi aÿim 'enapega, 'eeta': –Sa ishit da nachi qonetec de'eda. Cha'ayi aÿim chochi aÿim lamaxashic ñi Dios. Nachi 'am shiita'am, qataq 'enauac nam 'adqaÿañicpi mayi ÿataqta quetelguete nam l'aqtaxanaxaco mayi 'eesoda so Jesús. Qaq ñim Dios mayi 'avi'oxoden. Cha'ayi de'eda l'aqtaxanaxac so Jesús, damayi nachida da i'añaqchit nam i'axatta'pe naua l'aqtaqa ñi Dios.

2 Corintios 12:12

Cha'ayi da ñiualaxaunaxac co'ollaq qami' sootapegueto, qataq nam n'anecpi, qataq nam sa qaÿauanapigui, qataq nam i'ot da n'aalaxa, nachina na ichoxot da ÿoqta 'eesa da aÿim lamaxashic so Jesús.

Romanos 15:19

qataq da l'añaxac na n'anecpi qataq nam sa qaÿauanapegapi qataq da l'añaxac so Espíritu Santo. Qaq 'eda da 'eetec da aÿim sematta da sa'axat da n'aqtac mayi n'aqtaguec so Cristo dam chigaqaigui da nca'alaxa, sachigoqchiguiña yi Jerusalén qataq 'enauaque naua 'ale'u, chochi sovitta'a yi Iliria.

Hechos 20:24

Qalaxayi 'enauac namayipi qaica ca soqocha'a, ivida'a da maichi ñachaalataxac 'eeta'am ñaq'en da qaica ca naigui. Chaqdata da ñishitaique da samachiguiñi qom sematta da ñamaxasaguec qataq da sepaquejlec dam i'onataxanaxac mayi aÿim ÿami' so qadataxala' Jesús, da yaqto' sa'axat da no'on qad'axaÿaxac mayi lqouagaxanaqtaic ñi Dios.

Apocalipsis 12:17

Huaña, nachi se'eso shiguiÿac ÿataqta dalemataÿa asa'aso 'alo. Nachi somayi jec da iloquiaxan na n'onañi llalaqpi asomayi, nam ÿataqta ÿalaxalguete naua lqataxaco ñi Dios, qataq ÿataqta quetelguete naua 'eesoda lataxaco mayi i'axa't co'ollaxa so Jesucristo.

2 Ts 1:10

que'eca na'a'q qom ñi'iguelaq somayi da qaÿi'oxoden, ÿi'oxoden na maichi lalamaxatpi, qataq da qai'aalac, i'aalac 'enauac na 'amqajnataxanaxaicpi. Cha'ayi qami' mashi qau'amaqchiñi dam qami' sa'axataqtapeguema.

Gálatas 3:5

Ñim Dios mayi qami' ÿanema co'olloxochiyi so n'Espíritu, qataq ÿachaxan nam i'ot da n'aalaxa da huaigui naq'en da qoñiita, qaq ¿chaq tá'ainco' yi i'ot? Ñimayi i'ot namayipi, qalaxayi sa ishit da souaxat da qami' qau'ochiitac na nqataxacpi mayi chigoqo'ot so Moisés. Mayi souaxat da qami' qau'amaqchiñi da qau'aqaichigui co'ollaxa n'aqtac.

Hechos 28:23

Qaq ÿoqo'oyi qaÿauo'o so naloqnec na'a'q. Qaq co'ollaq ivita se'eso na'a'q, nachi ÿataqta qalota na shiÿaxauapi na nvita ca netaña so Pablo. Nachi ÿachigoxottot se'eso nte'eta, chochi ivitta'a so avit, da i'axattapeguem somayipi da l'onataxanaxac ñi Dios da ilo'ogue 'enauacna. Ÿataqta quetapegueu'a somayipi da i'amaqten naq'en so Jesús, nachi i'axattac nam nqataxacpi mayi chigoqo'ot so Moisés qataq nam l'aqtaxanaxac som l'aqtaxanaxanecpi ñi Dios.

Hechos 23:11

Qaq se'eso pe nachi so qadataxala' nachaxana so Pablo, nachi 'eetega, 'eeta': –Pablo, 'an'añaxat qome, cha'ayi de'eda qonetec co'ollaq aÿim 'au'axattac can huaña na Jerusalén, nataq'en nachida qome da qonetec da aÿim 'au'axat qom huaña yi Roma.

Hechos 22:18

Aÿim sela'a so qadataxala', nachi aÿim 'eetega, 'eeta': “Sa 'anaÿaloxon qome da qoca'ai na Jerusalén, cha'ayi sa ishit da qaÿaconguet da 'ad'aqtaxanaxac da aÿim 'au'axattac.”

Hechos 20:21

Qaq 'enauac nam judiopi qataq nam sa ishit da judiopi shiitega da ca'aisalo naua n'onataxaco, nachi quegue ñi Dios, qataq i'amaqten so qadataxala' Jesucristo.

Hechos 18:5

Qaq co'ollaq nvilyi' so Silas qataq so Timoteo, chigoqda'ague da Macedonia, nachi so Pablo ÿataqta nalamaqteguet da i'axattac da l'aqtac ñi Dios, qataq ÿataqta da'aqtaxaatem na judiopi da so Jesús somayi nachiso so nta'a mayi qadca'alaxaqui mayi qaiuattaique.

Marcos 16:20

Nachi soomayi je'c da i'axa't da n'aqtac mayi chigaqaigui da nca'alaxa 'enauaque naua laÿil. Qaq som qadataxala' itauaata'pe soomayi da ÿataqta ipacchiguilo naq'en naua l'aqtaxanaxaco, qataq da ÿachaxan na n'anecpi mayi sa qaÿauanapigui. Aja', nachi 'eetec de'eda.

Apocalipsis 12:11

Cha'ayi na qadqaÿañicpi loxonec somayi, qaÿachigoqchiguilo naua ltago'q so qagueta llalec, qataq souaxat da n'aqtac mayi i'axattac. Cha'ayi namayipi ÿataqta sa ishit da ñi'itac, qataq qaica ca ÿictega da nai'ctaxa da ileutalec damayi.

Apocalipsis 6:9

Qaq se'eso qagueta llalec can qaltaq nqat aso lÿa n'anaxanaqte, nachi sela'a na lqui'ipi nam qaÿalauat co'ollaxa, souaxat da ipacchigui da i'axattac da l'aqtac ñi Dios. Qaq namayipi hueto'ot na pa'aguiñi aso nca'atoxonaxalate.

Apocalipsis 1:9

Qaq aÿim Juan mayi maichi aÿim qadqaÿai qataq qami' shiita'ama da huo'o da ñique'ejnaxac qataq da sa'axattac da l'onataxanaxac da ilo'ogue 'enauacna ñi Dios qataq da huo'o da ñiualaunaxac mayi chigoqo'ot so Jesucristo. Qaq aÿim qaicoñittai', sootaña añi delec, l'enaxat da Patmos, souaxat da aÿim sa'axattac da l'aqtac ñi Dios mayi qomi' nda'alo so Jesucristo.

Hechos 11:21

Nachi dam l'añaxac so qadataxala' ÿataqta hueta'aguet namayipi, qaq ÿoqo'oyi ÿataqta qalota na ÿaxaneec da toguishic l'amqajnataxanaxac, nachi i'amaqten so qadataxala'.

Hechos 11:17

Qaq ñim Dios da nataq'en ÿanem namayipi da 'eeta'ama naq'en qomi' mayi sa'amaqtenaq so qadataxala' Jesucristo, qaq ¿négue't aÿim qone' da huo'otaq ñanaxat ñimayi?