1 Corintios 1:30 - Nuevo Testamento Toba Sur

³⁰ Qaq ñimayi nalligoxottela't da qan'ayiitau'a naq'en so Cristo Jesús, qataq chigoqchigui naq'en somayi da qadaÿajnec. Qataq chigoqchigui naq'en somayi da qomi' ÿaÿamaxadeete' ñimayi, qataq da qomi' lalamqa'te, qataq da qomi' yica'alaxauec.

Nuevo Testamento Toba Sombrero Negro

³⁰ Qalaĝaja nach'eñe ñe'me Dios ami yapetenegueta joñe'me Cristo Jesús, qama'le nach'eñe Cristo qo'mi yanema da'me layatenaĝanaĝac ñe'me Dios. Qama'le da'me Cristo ya'uo ca'li chiyaqayi da'me ena'am ta'le qo'mi e'n yataqatelo'te ñe'me Dios; Cristo qo'mi 'yatetelo'te qaedi maqachaĝa ja qo'mi 'te 'nalo'te nataq'aen qo'mi yaĝayaĝa'n qaedi ja jaĝaue da'me ja no'en.

La'aqtaqa Ñim Lo'onatac 'Enauacna 2013

³⁰ Qaq Ñimaye nallegoxottela't da qana'ayeetaua'a naqa'en So Cristo Jesús, qataq chegoqchigui naqa'en Somaye da qaraỹaanec. Qataq chegoqchigui naqa'en Somaye da qomi' ỹaỹamaxareete' Ñimaye, qataq da qomi' lalamaqa'ate, qataq da saconaxaguet ca nca'alaxa chochaq tatec.

1 Corintios 1:30 Referans Kwoze

Efesios 1:7

Cha'ayi ÿataqta lta'adaic da lauotaxanaqtaic ñi Dios, ÿoqo'oyi qomi' nca'alaxatreec, ÿachigoxotchigui da l-leuaxa so llalec da ÿapalaxat 'enauac nam qadasouaxashitpi.

Filipenses 3:9

qataq da yaqto' aÿim qaila'a da ñi'attau'a somayi. Qaq sa ishit da chigoqchigui da no'on ÿataxac souaxat da salaxaguet na nqataxacpi, chaqdata da no'on nataxac mayi ÿanem ñi Dios cam i'amaqten so Cristo. De'eda no'on nataxac mayi chigoqchigui da npi'iÿaxac.

Romanos 8:1

Qaq ÿoqo'oyi nagui sa ishit da qaÿauo'o ca nhuaxanaguec cam mashi sogote da n'attau'a so Cristo Jesús, cam mashi sa ishit da quegue cam qauem 'eetapeguec da lapachiyaxac, chaqcata cam 'eetapeguec som Espíritu Santo.

1 Corintios 1:2

Qaq nagui qami' samaxalo ana ÿide, qami' ÿaqaÿañicpi mayi qau'amaqchiñiitac ñi Dios, mayi qoñiitaña na la ciudad Corinto. Qami' lalamqa'te ñi Dios, cha'ayi qan'ayiitau'a so Cristo Jesús. Ñi Dios iÿaxana da ÿauotaique da qui'itta naq'en da qanachaalataxaqui, nataq'en 'enauac na neta'alo naua lÿa't 'ale'u mayi nqouagaxaueetacot so qadataxala' Jesucristo, som lataxala' namayipi, nataq'en qomi'.

Efesios 2:10

Cha'ayi ñi Dios qomi' l'onataqa, qataq qomi' nañaxateu'alo naq'en so Cristo Jesús, cha'ayi nshitaique da so'otaq ca ÿaÿamaqchiguiñi. Qaq damayi nal'eno' da lapaqtapiguiñi da ÿauotaique qoyiquiaxac.

Colosenses 1:14

ÿachigoxotchigui da l-leuaxa somayi da qomi' nca'alaxatreec, qataq da ÿapalaxat 'enauac na qadasouaxashitpi.

1 Corintios 6:11

Qaq huo'o co'ollaxa da qoñiita na 'eeta'am ne'enapi. Qalaxayi mashi qami' qaiqui'itaxatte', qataq mashi qanañañiÿot ñi Dios, qataq ñimayi mashi qami' ÿaÿamaxadeete'. Qaq 'enauac de'eda chigoqchigui so qadataxala' Jesús qataq so Espíritu mayi chigoqo'ot ñi qadta'a Dios.

Juan 14:6

Nachi so Jesús 'enapega somayi, 'eeta': –Aÿim mayi nachaÿim nqa'aic, qataq nachaÿim 'eesa lataxac, qataq nachaÿim nca'alaxa. Saqca ca lÿa ñigueuo da qainoxoneu'a ñi ita'a, nachaqaÿimta.

Gálatas 3:13

Qaq so Cristo qomi' nca'alaxateeguesopa dam lta'adaic qanhuaxanaguec mayi chigoqchigui na nqataxacpi, cha'ayi somayi nañanguet da lta'adaic nhuaxanaguec souaxat qomi'. Cha'ayi naua ñiyigui'shi l'aqtaqa ñi Dios 'eeta': “Ÿataqta sa qaichoxonnai' qome da qaÿauo'o da nhuaxanaguec ca qaicoñida'aguet cam qo'ipaq.”

Gálatas 1:4

som nañanguet co'olloxochiyi da nalaataguec, souaxat nam qadasouaxashitpi, da yaqto' qomi' nca'alaxateeguesopa nam qauemsat mayi huetalec ana 'alhua. Qaq ipacchigui da maichi lhuennataxa ñim qadta'a Dios.

1 Corintios 1:24

Qalaxayi nam lÿaxanataguishicpi ñi Dios judío l'ecpi, huo'otaq nam saq judío l'ecpi, namayipi ÿauattoota so Cristo da nachiso so l'añaxac qataq laÿajnec ñi Dios.

Santiago 1:5

Da huo'o ca 'oonolec da qoñiita iuen ca laÿajnec, no'on da iÿaxanot ñi Dios. Qaq ñimayi ÿami', ÿataqta sa naloqnañi. Cha'ayi ñimayi sa ishit da shimataqaic, qataq sa ÿauota'a l'aloxo ca shiÿaxaua.

2 Corintios 4:6

Cha'ayi ñim Dios mayi maichi namaq asom lcoÿadaxanaqte, da yaqto' icoÿadelec nam napalaxa, qaq nachiñi ñimayi icoÿadoiguilo naua qadquiyaqte, chigoqchigui naq'en asa'aso lcoÿadaxanaqte, da yaqto' ishit da sauattonaq da lli'oxoyic ñimayi mayi 'edoigui naq'en da lashiguiaxac so Jesucristo.

Apocalipsis 14:4

Qaq somayipi nachiso som sa ishit da ÿauana aca 'alo, qaq ÿataqta qui'itta. Qataq somayipi nachi ca'attapiguiñi' som qagueta llalec cam dataigue. Somayipi qaÿachigoxottaigui co'ollaxa na shiÿaxauapi mayi huetalec ana 'alhua da qanca'alaxateec, 'eeta'am qanqoÿin aca l'auaxana nachitaqtaxanaqte da qoÿanot ñi Dios qataq so qagueta llalec.

2 Pedro 1:1

Aÿim mayi i'enaxat da Simón Pedro, aÿim l-latac qataq aÿim lamaxashic so Jesucristo. Aÿim shiyiñi ana ÿide da qami' samaxalo, qami' mayi qauacoñiiguet da n'amqajnataxanaxac qaica ca 'en'am mayi 'eeta'am da qomi' hueto'oto, cha'ayi so Jesucristo mayi qadta'a qataq qadca'alaxaqui ishit da i'ot ca ÿaÿamaqchiguiñi.

Efesios 5:26

Qaq 'eetec de'eda somayi, cha'ayi nshitaique da iqui'itaxatta na 'amqajnataxanaxaicpi, idolec na 'etaxat da iÿo qataq da l'aqtac.

Efesios 4:30

Qataq sa ishit qome da qauaquicoqchichi so Espíritu Santo mayi chigoqo'ot ñi Dios. Cha'ayi somayi nachiso so chigoqchigui da qami' qai'a'n, da yaqto' qami' lalamqa'te ñi Dios, chochi ivitta'a ca na'a'q qom ñimayi qami' ÿanema cam ÿataqta nalochiguiñi qadca'alqai.

1 Corintios 12:8

Qaq ñimayi huo'o na ÿanem da ÿajnaxanaxaic da detaqa, chigoqchigui naq'en so Espíritu, qataq huo'o na ÿanem da saqalota da lauattonaxanaxac da detaqa, chigoqchigui naq'en so Espíritu.

Juan 17:8

cha'ayi mashi sanem dam 'ad'aqtac mayi aÿim 'ai'anem. Qaq namayipi ÿaconguet, qataq ÿaÿateeta da ÿoqta 'eesa da 'am sachigoqtot, qataq i'amaqten da aÿim 'adamaxashic.

Hebreos 9:12

Qaq so Cristo mashi inoxoneu'a cam ndaqa' mayi sa qaishitapec, qalaxayi sa ishit da ÿaadeuo caua ltago'q ca quetaq huo'otaq ca huaca llalec, cha'ayi nachinaua naua maichi ltago'q naua ÿaadeuo. Qaq 'eda da 'eetec da somayi 'oonolec da ÿi'iguelaxalec da pa'aigui se'eso ndaqa'. Huaña, nachi ÿauo'o da chochaq tateec qadca'alaxa.

Tito 2:14

Somayi nañanguet da qomi' ileualguete, cha'ayi nshitaique da qomi' nca'alaxateeguesopa na qan'onatagueguesat, qataq nshitaique da iqui'itaxat da qanachaalataxac da qomi' lalamqa'te, qataq nshitaique da ñoqopitaxa da so'otaq ca no'on.

Efesios 1:14

Qaq nachiso so ÿoqta 'itchiguiñi naq'en da qomi' saconaxaguet ca ÿachaxanapec ñi Dios mayi qomi' ÿanema qom ivita ca laloqo' da huesochiguiñi naq'en na lalamaxatpi, da yaqto' ñimayi qaÿi'oxoden souaxat da l'amaqchic.

1 Corintios 12:27

Qaq qami' mayi nachiqami' l'oquiaxac so Cristo. Ñi 'oonolec da qoñiita n'attau'a de'eda n'oquiaxac.

Romanos 8:23

Qaq saqnata namayipi da 'ico' dachottac, nataq'en qomi', nai'ctaxa da mashi qomi' netanguita so Espíritu Santo som l'auaxanec da qomi' qoÿanema. Qalaq ñaqaiyita ÿataqta lta'adaic da pa'atauo qanqui'ic da sayinaqta'aguet que'eca na'a'q qom qomi' ÿacongueta ñi Dios da ÿoqta qomi' llalqa qataq da isouec da qad'oquiaxac.

Romanos 8:9

Qalaxayi qami' mashi sa ishit da qoquiitague' cam 'eetapeguec da qadapachiyaxaqui. Chaqdata da qoquiitague' cam 'eetapeguec so Espíritu Santo, qom ÿoqta 'eesa da qami' netanguita so Espíritu mayi chigoqo'ot ñi Dios. Qaq cam sa ishit da netanguit so Espíritu mayi chigoqo'ot so Cristo, nachi camayi sa ishit da lalamaxat somayi.

Romanos 5:21

Cha'ayi dam 'eetec da nasouaxashit co'ollaq ÿataqta huo'o da l'añaxac da ishit da dalaataxan, qaq nachi 'eetec nataq'en da qomi' ÿaÿamaxadeete' ñi Dios, nachi de'eda lqouagaxanaqtaic ñimayi ÿataqta huo'o da l'añaxac da qomi' ÿanema da achaalataxac mayi qaica ca loga't, chigoqchigui naq'en so qadataxala' Jesucristo.

Romanos 5:19

Cha'ayi de'eda 'eetec co'ollaq sa ishit da ÿalaq so 'oonolec shiÿaxaua, nachi ÿasouaxat da qalota na 'itaxaloxoicpi, qaq nachi 'eetec nataq'en dam lalaxayic so 'oonolec shiÿaxaua i'ot da qalota naq'en na ÿaÿamaxadeeta ñi Dios.

Romanos 4:25

som qoÿanguet co'olloxochiyi da nalaataguec souaxat na qadasouaxashitpi, qataq nca'aleeguesop naq'en ñi Dios da nleuaxa, da yaqto' ishit naq'en da qomi' ÿaÿamaxadeete' ñi Dios.

Romanos 4:6

So David nataq'en i'axat da lamaxayic ca shiÿaxaua mayi ÿamata'ac ñi Dios da no'on shiÿaxaua, qaq sa ishit da ilotapigui cam i'ottac.

Juan 8:12

Nachi so Jesús qaltaq 'enapega so shiÿaxauapi, 'eeta': –Aÿim nachaÿim lcoÿadaqte ana 'alhua. Ca aÿim ca'ategue, nachi camayi huo'o aca lcoÿadaxanaqte mayi i'ot da lca'alaxa camayi. Huaña, nachi camayi sa nauane' da huetaigui ca napalaxa.

Juan 1:18

Ñi Dios qaica ca ishit da ilogui, qalaxayi so 'oonolec llalec mayi ÿataqta neto'ot ñimayi, somayi nachiso so qomi' ÿauattonaxanaxanque ñi qadta'a.

Lucas 21:15

Cha'ayi aÿim qome qami' sanema caua qad'aqtaqalli' qataq ca qadaÿajñiqui, da yaqto' sa ishit da huo'o ca qami' dataÿa'agueta da qami' ncotaÿapegueto.

Mateo 1:21

Qaq añimayi huo'o qome ca llalec. Qaq 'am nachi 'ai'anagui da l'enaxat Jesús. Camayi l'enaxat de'eda, cha'ayi nca'alaxateeguesop qome na lalamaxatpi na lasouaxashitpi.

Apocalipsis 5:9

Qaq somayipi i'ootac da dalaxaic n'onec, 'eeta': 'Am ÿataqta 'itchiguiñi da 'auacona ana nede qataq da 'anqa't naua qaiuaxaatalguete n'anaxanaqte; cha'ayi 'am qaÿalauat co'ollaxa, qaq soua 'adtago'q nachi lashiue da qomi' 'aushijnaxanalo, qomi' 'auachigoxottoiguilo na ÿotta'a't shiÿaxauapi mayi ÿotta'a't naua l'aqtaqa, da yaqto' 'enauac qomi' lalamqa'te ñi Dios.

1 Juan 5:6

Qaq da lvidaxac co'ollaq hueta'a ana 'alhua so Jesucristo, dos naua l'anqa'te: so 'etaxat co'ollaq qanachilaxan, qataq soua ltago'q co'ollaq qaÿalauat. Qaq sa ishit da nachaqsota so 'etaxat, cha'ayi nataq'en soua ltago'q co'ollaq qaÿalauat. Qaq so Espíritu Santo nachiso so i'axat de'eda, qalaq ÿataqta 'eesa da l'aqtaxanaxac.

1 Pedro 1:2

Qami', mayi nal'ena da qami' lca'agui'shi ñi qadta'a Dios co'ollaq saxanaqaca ana 'alhua, da ÿachigoxotchigui naq'en so n'Espíritu da qami' iÿotaugalo, da yaqto' qaualaqaiguet ñimayi, qataq yaqto' ÿataqta qami' qui'itto' naq'en naua ltago'q so Jesucristo. Aÿim ñishitaique da qauacoñiiguet da chochaq huañi nqouagaxanaqtaic qataq da nlagaxayic.

Colosenses 3:16

Qataq da lapaxaguenataxanaxac so Cristo ÿataqta nlaqchiguilo qome naq'en naua qadquiyaqchilli'. Qataq ÿataqta qanaÿajnaxanaqchiñi da qauapaxaguiñi qataq da qau'añaqchichi ca qadÿai. Qataq da qau'onaxañi, qalaq qau'oñi na ÿotta'a't n'onecpi mayi chigoqo'ot so Espíritu Santo. Qataq ÿataqta imauec da qadquiyaqteÿaxaqui da qai'añiitacot da qan'achiquiaxaqui ñi Dios.

Efesios 1:10

Qaq de'eda 'eetapeguec ñimayi mayi ÿataqta ipacchigui qom ivita ca laloqo', 'eeta': Ñi Dios nshitaique da 'enauac hueto'ot naq'en da lamaxasoxonaxac so Cristo nam hueto'ot na piguem qataq na huetalec ana 'alhua.

1 Corintios 12:18

Qalaxayi ñi Dios maichi chigoqchigui da naloqchiichiguiñi na lma'pi da i'adeuo na logoxoshitpi de'eda n'oquiaxac.

Romanos 16:11

Nataq'en samaxa da iquinaxanaxac ca iuo' l'ec Herodión, qataq cam llalaqpi ca Narciso mayi i'amaqteetac so qadataxala'.

Romanos 16:7

Nataq'en samaxa da iquinaxanaxac caua maichi iuo' lashi' Andrónico qataq aca Junias mayi ñicoñitaxa'u co'ollaxa. Caamayi ÿataqta qaÿauattoote', 'eeta'ama qanqoÿin soua lamaxa'shi so Jesús, qataq hua'auchiyiñi co'ollaxa da i'amaqte'n so Cristo, qaq aÿim qalaq ñica'ataxanauo.

Romanos 12:5

Qaq nachi 'eetec nataq'en qomi', nai'ctaxa da ÿataqta qomi' qalota, qalaxayi 'oonolec da qad'oquiaxac da ñi'adaqtau'a so Cristo. Qataq ñi 'oonolec da shinaqta ÿataqta n'atte' ca lÿa, nachi 'eeta'am da 'oonolec da n'oquiaxac.

Romanos 11:36

Cha'ayi 'enauac na huetalec na chigoqo'ot ñi Dios, qaq 'enauac l'onatacpi ñimayi, qataq maichi lalamaxatpi. Qaq ÿoqo'oyi ¡nachi 'eetai' da shi'oxodenaqtac ñi Dios! Aja', nachi 'eetec.

Romanos 1:17

Cha'ayi de'eda no'on qad'axaÿaxac, damayi ishit da qomi' ÿachaxaatalo da lataxac da ñi Dios ishit da qomi' ÿaÿamaxadeete'. Qaq damayi 'eeta': nachicata cam huo'o ca lpi'iÿaxac da da'amqajnataxan. Qaq 'eda da 'enapec naua ñiyigui'shi l'aqtaqa ñi Dios, da 'eeta': “Cam ÿaÿamaxadeeta ñi Dios, ca mayi da nachaalataxac ÿachigoxotchigui da lpi'iÿaxac.”

Hechos 26:18

Aÿim 'am samaxa namayipi, da yaqto' ishit da nauaañi 'anqa'en, yaqto' sa ishit da 'ico' quetaigui na napalaxa, chaqdata da quetaigui na yi'oqchiguiñi; qataq yaqto' namayipi sa ishit da hueto'ot da l'añaxac so Satanás, chaqdata da quegue ñi Dios; qataq yaqto' aÿim i'amaqten, nachi ishit da qaÿapalaxat na lasouaxashitpi, qataq yaqto' qaÿalecneu'a da qoÿanem qome cam ÿachaxanapec ñi Dios da ÿami' nam lalamaxatpi ñimayi.”

Juan 17:26

Aÿim mashi saÿajnaxanaxanec namayipi da qoneta, qalaxayi ñaqaiyita aÿim ñaq shicto'ot da 'am sa'axattac, yaqto' dam 'adauotaxanaqtaic da shiita nachi 'eetai' da huetaigui namayipi, qataq yaqto' aÿim nachi 'eetai' da soota'aguet namayipi.

2 Corintios 12:2

Aÿim sauatton so ÿale mayi i'amaqten so Cristo. Somayi mashi ivi' nagui naua catorce vi'iyi da qaÿauega yim piguem mayi pa'atchiguem. Aÿim sa saÿaten da ima da l'oquiaxac co'ollaq qaÿauec, huo'otaq sa ishit. Qalaxayi chaqñita ñim Dios mayi ÿaÿaten.

Lucas 11:49

Qaq ÿoqo'oyi ñim Dios mayi ÿajnaxanaxaic co'olloxochiyi 'enapeco': “Samaxaña qome namayipi ca i'aqtaxanaxanecpi qataq ca ÿamaxashicpi, qaq yimayipi huo'o qome ca ÿalauat, qaq ca laÿipi qalaq icaatac.”

1 Corintios 4:15

Cha'ayi nai'ctaxa da qami' ivi' ca diez mil na qami' ÿapaxaguenque so Cristo, qalaxayi sa ishit da qalota na qadta'aipi. Cha'ayi aÿim mayi aÿim lta'a da qadpi'iÿaxaqui so Cristo Jesús. Cha'ayi aÿim mayi qami' sa'axatema co'ollaxa da no'on qad'axaÿaxac mayi chigaqaigui da nca'alaxa.

1 Ts 5:23

Qaq ñi Dios mayi qomi' ÿanema da qadlagaxayic, nachiñi ñi qami' iqui'itaxatte' qome, qataq ÿaÿamaxat 'enauac da qad'oquiaxaqui, qataq ñi qoquiÿapegue' qadqui'ii, qataq 'enauac da qadvilÿaxaqui, da ÿataqta saqca ca qadasouaxashichi naq'en, chochi ivitta'a ca lvidaxac so qadataxala' Jesucristo.