1 Corintios 1:25 - Nuevo Testamento Toba Sur

²⁵ Cha'ayi na shiÿaxauapi dam ipettega da chochi 'oopashic naÿajnec mayi chigoqo'ot ñi Dios, damayi napacalec da laÿajnaxanaxa nam huetalecna. Qataq dam qaipettega da 'ico' saqca ca l'añaxac mayi chigoqo'ot ñi Dios, damayi napacalec da l'añaxac na huetalecna.

Nuevo Testamento Toba Sombrero Negro

²⁵ Qa'a qom Dios ya'uo ga'me jo'ne ena'am ta'le chiyoĝojoĝoc, ñe'me eja queda'me yataqachiñe yatenaĝanaĝaic, da'me layatenaĝanaĝac napacalo'te gaa'me ch'e jiyaĝa'u; nataq'aen nale ñe'me Dios ena'am ta'le qaya'te 'lañaĝac, ñe'me eja queda'me yataqachiñe ñoqotaĝanaĝaic, da'me lañoqotaĝanaĝac napacalo'te gaa'me ch'e jiyaĝa'u.

La'aqtaqa Ñim Lo'onatac 'Enauacna 2013

²⁵ Cha'aye na shiỹaxauapi dam 'eetega, choche 'oopashec naỹaanec maye chegoqo'ot Ñim Lo'onatac 'Enauacna, damaye napacalec da laỹaanaxanaxa nam huetalecna. Qataq dam qaipettega da 'eco' qaica ca la'añaxac maye chegoqo'ot Ñim Lo'onatac 'Enauacna, damaye napacalec da la'añaxac na huetalecna.

1 Corintios 1:25 Referans Kwoze

1 Corintios 1:18

Cha'ayi da n'aqtaguec da l-leuaxa so Cristo co'ollaq qaiuaxaneuo, 'eeta'am da chochi 'oopashic da hua'axaÿa nam taÿa'a da qanlaxajñi. Qalaxayi qomi' mayi saqa'a da qomi' qanca'alaxatreec, de'eda n'aqtaxanaxac, damayi l'añaxac ñi Dios.

2 Corintios 13:4

Qaq 'eesa da 'ico' qaica ca l'añaxac somayi co'ollaq qaiuaxaneuo, qalaxayi somayi nachattaigui da l'añaxac ñi Dios. Qaq ÿoqo'oyi nataq'en qomi' ñiuanaqau'a dam lchiguemaxa. Qalaxayi da ñi'adaqtau'a somayi, nachi qomi' nachattaiguilo da l'añaxac ñi Dios, yaqto' ishit da qami' souaqtapegueto.

1 Corintios 1:21

Qaq ñi Dios mayi ÿaÿateetalec cam i'ot, ñimayi sa ÿashinem nam huetalecna da huo'otaq ÿachigoxotchigui da maichi lauattonaxanaxac da ÿauatton ñimayi. Chaqdata da ÿauotaique da nca'alaxateec na i'amaqten ñimayi, chigoqchigui naq'en de'eda n'aqtaxanaxac mayi 'ico' 'oopashic naq'en na laÿipi.

1 Corintios 2:14

Qaq ca shiÿaxaua mayi sa ishit da netanguit so Espíritu, sa ishit da ÿaconguet cam i'ot so n'Espíritu ñi Dios. Cha'ayi camayi da n'axaÿaxaatega, qalaq 'eeta'am naq'en da 'ico' chochi 'oopashic. Sa ishit da ÿaÿaten damayi, cha'ayi da qanmit, qalaq qaiuen da ltaunaxanaxac so Espíritu.

1 Corintios 4:10

Qaq qomi' qaÿamata'aque da qaica ca saÿajnaq, souaxat da soqolaqtague' so Cristo, qalaq qami' qanamachiitala't da qami' ÿajnaxanaxaiqa so Cristo. Qomi' qaica ca qad'añaxac, qalaq qami' qanamachiitala't da qami' 'añaxaiqa. Na shiÿaxauapi qomi' n'otanguilo, qalaq qami' ÿataqta huo'o naq 'enec qanqoÿin.