1 Corintios 1:23 - Nuevo Testamento Toba Sur

²³ Qalaxayi qomi' sa'axataqtac da n'aqtaguec so Cristo co'ollaq qaiuaxaneuo. Na judío l'ecpi da hua'axaÿa de'eda n'aqtaxanaxac, nachi ÿataqta da'aguelec. Qaq nam saq judío l'ecpi da hua'axaÿa, nachi 'eeta'am naq'en da chochi 'oopashic.

Nuevo Testamento Toba Sombrero Negro

²³ qalaĝaja qo'mi ja'aĝataqatac queda'me Cristo yeleu ca'li qoyep'elegue jaga'me sodoso, chane'eja ena'am ta'le nepocoĝoc ga'me judiopi, nataq'aen ga'me jo'ne ja judiopi eetedapega qo'mi chiyoĝo's.

La'aqtaqa Ñim Lo'onatac 'Enauacna 2013

²³ Qalaxaye qomi' sa'axataqtac da na'aqtaguec So Cristo co'ollaq qaiuaxaneuo. Na judiopi da hua'axaỹa de'era na'aqtaxanaxac, nache ỹataqta inogoqchet. Qaq nam saq judiopi da hua'axaỹa, nache 'eeta'am naqa'en da choche 'oopashec.

1 Corintios 1:23 Referans Kwoze

1 Corintios 2:14

Qaq ca shiÿaxaua mayi sa ishit da netanguit so Espíritu, sa ishit da ÿaconguet cam i'ot so n'Espíritu ñi Dios. Cha'ayi camayi da n'axaÿaxaatega, qalaq 'eeta'am naq'en da 'ico' chochi 'oopashic. Sa ishit da ÿaÿaten damayi, cha'ayi da qanmit, qalaq qaiuen da ltaunaxanaxac so Espíritu.

1 Pedro 2:8

Qataq nataq'en yi lÿa nanettañi l'aqtac ñi Dios 'eeta': Se'eso coma' ishit da qaiqui'aqaisop, qataq qaisallilec. Qaq namayipi qui'aqañi souaxat da sa ishit da i'amaqten de'eda n'aqtaxanaxac. Qaq ñi Dios nataq'en nachi 'en'ac naq'en namayipi.

1 Corintios 2:2

Cha'ayi co'ollaq qami' soota'agueta, qalaq ñacoola't da sa ishit da huo'o ca lÿa tatapigui iuel, chaqsota so Jesucristo som qaiuaxaneuo.

Gálatas 5:11

Qaq aÿim, qami' ÿaqaÿa't, da huo'otaq ñaq saqattega da qaÿauo'o ca n'anaxat ca shiÿaxaua, qaq na judiopi sa ishíttaxa da aÿim icaatac. Cha'ayi da nachi 'eetec de'eda, nchi n'aqtaguec da l-leuaxa so Cristo co'ollaq qaiuaxaneuo, damayi sa ishit da huo'otaq inogoqchit namayipi.

1 Corintios 1:18

Cha'ayi da n'aqtaguec da l-leuaxa so Cristo co'ollaq qaiuaxaneuo, 'eeta'am da chochi 'oopashic da hua'axaÿa nam taÿa'a da qanlaxajñi. Qalaxayi qomi' mayi saqa'a da qomi' qanca'alaxatreec, de'eda n'aqtaxanaxac, damayi l'añaxac ñi Dios.

Lucas 2:34

Nachi so Simeón ÿan da no'on l'aqtac. Ime, nachi 'enapega aso María asom late'e so Jesús, 'eeta': –Ña 'aumeten ne'enatai' nogotolec, namayi qoÿanagui da ÿataqta qalota qome naq'en na huañi huo'otaq ñishiguem na Israel llalaqpi. Namayi nachina na l'anaxat da ÿataqta qalota qome na sa da'amqajnataxan,

Gálatas 6:14

Qaq aÿim, qalaxayi sa ishit da huo'o ca ñi'amqajnaxac; chaqdata da l-leuaxa so qadataxala' Jesucristo co'ollaq qaiuaxanguet so npe'enaxaqui. Cha'ayi nachi chigoqchigui de'eda l-leuaxa so Cristo co'ollaq qaiuaxaneuo da huo'o mshi 'enauac na huetalec ana 'alhua 'eeta'am ñaq'en da leuaxaic, qataq aÿim 'eeta'am naq'en da aÿim leuaxaic.

Mateo 13:57

Qaq ÿoqo'oyi sa ishit da qaÿoqocha'a somayi. Qalaxayi so Jesús 'enapeco': –'Enauac na shiÿaxauapi ÿataqta ÿauotec ca l'aqtaxanaxanec ñi Dios. Qalaxayi nam maichi lmayaxauapi qataq nam lalamaxat lqaÿañicpi, sa ishit da ÿauotec.

Mateo 11:6

Qaq ÿataqta machiguiñi qome cam sa ishit da aÿim ÿoqolguet.

Efesios 3:8

Cha'ayi aÿim ÿataqta qaica ca i'amaqchic, sa ishit da shin'am ca ÿapacteec qaica ca l'amaqchic na lalamaxatpi ñi Dios. Qalaxayi ñimayi aÿim ÿanagui de'eda ñi'achiquiaxac da yaqto' sa'axatem nam sa ishit da judío l'ecpi da no'on qad'axaÿaxac mayi i'axat dam sa ishit da qanaloqten lsallaxa so Cristo.

Gálatas 3:1

¡Aicoue, qami' Galacia lashi', ÿataqta qaico' ca qauaÿajñiÿapec! ¿Chaq négue't ca qami' ÿayi'n, yi sa ishit da qaualaqailec dam 'eesa n'aqtac? Yi so hua'auchiguiñi qad'aqtaxanaxac ÿataqta nachiso so Jesucristo so qami' sachaxanaqtalo som qaipe'enguet co'olloxochiyi so qo'ipaq.

2 Corintios 4:5

Qataq da sa'aqtaxanaqtac, qalaq sa ishit da maichi ñi'aqtaxanaqtapeguela't. Chaqdata da qomi' sa'axataqtac so Jesucristo da nachiso so qadataxala'. Qataq ñi'axataqta da chochi qomi' qadlataqalli', souaxat da lsoxoyic so Jesús.

1 Corintios 1:28

Ñi Dios lca'aguishic nam saqca ca l'amaqchic qataq n'otanec, huo'otaq nam qaica ca qoÿanapoigui, cha'ayi nshitaique da imeuo naq'en na huo'o naq 'enec,

1 Corintios 1:21

Qaq ñi Dios mayi ÿaÿateetalec cam i'ot, ñimayi sa ÿashinem nam huetalecna da huo'otaq ÿachigoxotchigui da maichi lauattonaxanaxac da ÿauatton ñimayi. Chaqdata da ÿauotaique da nca'alaxateec na i'amaqten ñimayi, chigoqchigui naq'en de'eda n'aqtaxanaxac mayi 'ico' 'oopashic naq'en na laÿipi.

1 Corintios 4:10

Qaq qomi' qaÿamata'aque da qaica ca saÿajnaq, souaxat da soqolaqtague' so Cristo, qalaq qami' qanamachiitala't da qami' ÿajnaxanaxaiqa so Cristo. Qomi' qaica ca qad'añaxac, qalaq qami' qanamachiitala't da qami' 'añaxaiqa. Na shiÿaxauapi qomi' n'otanguilo, qalaq qami' ÿataqta huo'o naq 'enec qanqoÿin.

Hebreos 12:2

Ÿataqta seloqchigui qome so Jesús, som chigoqo'ot da qadpi'iÿaxac, qataq nachiso so naloqchiichiguiñi. So Jesús ÿataqta n'añaxateguet da 'eetec co'ollaq qaiuaxaneuo, qalaxayi sa ishit da ÿoqocha'a da n'enaguec de'eda l-leuaxa. Cha'ayi somayi ÿaÿaten da huo'otaq mashi inoxonaqchitec de'eda nque'ejnaxac, nachi huo'o da ntonaxac qataq da lamaiquiaxac. Nachi somayi nso'ongue da aloic ñi Dios.