1 Corintios 1:22 - Nuevo Testamento Toba Sur

²² Na judío l'ecpi nmitta'ai da ÿauaachigui na n'anecpi mayi sa qaÿauanapega. Qaq na saq judío l'ecpi nmitta'ai da saqalota na laÿajnecpi.

Nuevo Testamento Toba Sombrero Negro

²² Joga'me judiopi jetaque yauata 'nanec 'me yaloĝon ñe'me Dios, nataq'aen joga'me griegopi yelotedaque da'me nayatenaĝanaĝac,

La'aqtaqa Ñim Lo'onatac 'Enauacna 2013

²² Na judiopi nmitta'a na na'anecpi maye sa qaỹauanapega da yaqto' ỹa'amaqten de'era na'aqtaxanaxac maye sa'axataqtac. Qaq na griegopi qalaq huotaique da hua'aqchigui ca na'aqtaxanaxac maye da qaỹa'axaỹa qalaq nachera lataxac.

1 Corintios 1:22 Referans Kwoze

Juan 2:18

Nachi na judiopi inattac somayi, 'eeta': –¿Négue't ca n'anec qomi' 'auachaxanalo, da yaqto' ishit da 'am sa'amaqtenaq da ÿoqta 'eesa huo'o ca qonec da 'au'ot de'eda?

Lucas 11:16

Qataq huo'o na chochi ÿauotaique da ÿi'iguen, nachi iÿaxaatacot da ishit da i'ot ca n'anec mayi sa qaÿauanapega da chigoqo'ot naq'en na piguem.

Marcos 8:11

Nachi anac na fariseopi da huotaique da ncotaÿapegue' so Jesús. Qaq qaiÿaxanot somayi, da yaqto' ÿachaxan cam n'anec mayi sa qaÿauanapigui da chigoqo'ot naq'en na piguem. Qalaxayi somayi chochi qaÿi'iguen.

Lucas 11:20

Qalaxayi nachida da l'añaxac ñi Dios da so'otaxaatega da so'odauec na n'ecpi, qaq damayi naigui da mashi qami' nvitalo da l'onataxanaxac ñi Dios da ilo'ogue 'enauacna.

Juan 4:28

Nachi aso 'alo n'onaxatchigui aso laco'oña da jec da nqo'oneu'a so pueblo. Nachi da'aqtaxaatapeguem na shiÿaxauapi, 'eeta':

Juan 4:48

Nachi so Jesús 'enapega somayi, 'eeta': –Qami' sa ishíttaxa da qau'amqajnataxañi da huo'otaq saxanaxa da qauauañiichigui na n'anecpi qataq nam sa qaÿauanapigui.